Isa akong frustrated writer na hindi marunong gumawa ng plot bago magsulat basta nasumpungan kong magsulat, dire-diretso na sa pag-alpas ang mga salita (walang plano-plano, sulat lang nang sulat). Reader ako bago ako naging isang writer, este feeling writer lang pala. Nagsimula akong magsulat noong high school upang bigyang katuparan ang pangarap kong maging isang superhero. Frustrated romance writer, pero walang kilig sa mga isinusulat ko. Nagsimula akong pumasok sa totoong mundo ng pagsusulat at pagbabahagi nito sa Wattpad taong 2014 at naging aktibo sa loob ng dalawang taon, masyado na kasing busy sa totoong mundo. Bukod sa pagsusulat ng kuwento, nagsusulat din ako ng tula at kanta. Mahilig din akong mag-drawing at ito ang kasalukuyang pinagkakaabalahan ko, este isinisingit ko pala sa busy schedule para bawas stress sa mga gawain.