Siya ang pinuno ng isang lihim na samahan na nagtutuwid ng mga maling kalakaran. Siya ay naulila dahil sa maagang pagpanaw ng kaniyang mga magulang. Bitbit niya, ang pangarap ng mga ito para sa kaniya—ang maging isang guro na kagaya nila. Siya ay natanggap na teacher sa isang eskuwelahan at naging school class adviser ng mga outcasts na mga kabataang walang pangarap at direksyon sa buhay. Hanggang sa nakilala niya ang isang lalaki—isa rin niyang estudyante. Hindi maganda ang kanilang unang pagkikita at puno ng tensyon, ngunit sa pagdaan ng panahon ay kusang nahulog ang loob nila sa isa't-isa, bagama't ito ay labag sa patakaran ng eskuwelahan. Lumipas ang panahon. Ang misyon ng dalaga ay patuloy pa rin. Gusto niyang matagpuan ang taong pumatay sa kaniyang mga magulang. Sa hindi inaasahang pagkakataon, nakakuha siya ng impormasyon mula sa taong matagal na niyang hinahanap—ang taong pumatay sa kaniyang mga magulang—na ang kaniyang bagong kaibigan ay may sarili ring lihim. Hanggang sa napatunayan niya. Sa paghahanap niya ng hustisya, siya rin ang magiging daan upang manganib at malagay sa bingit ng kamatayan ang kaniyang buhay.