النهارده أخيرا وبعد ٨ سنين فى المنفى فى مدرسة مارمونت الداخليه بلندن هرجع بلدى هرجع مصر وهعيش مع عيلتى مع أبويا وأخواتى؛ أخواتى اللى مشوفتهومش غير مره واحده فى حياتى وهما بصينلى بنظرات أستغراب يوم ما أمى أخدتنى من أيدى وقالتلى من النهارده هتعيش مع أبوك وأخواتك، حياتك هتبقا أحسن أبوك غنى ومعاه هتدخل مدرسه أحسن وهتلبس لبس أحسن وهيبقا عندك لعب كتير وهيجيبلك ألوان . وكراسات رسم كتير وهيبقا عندك أخوات تلعب معاهم بدل ما انت علطول لواحدك . بس دا محصلش... انا لسه لواحدى