Nang tanggapin ni Ja ang sampong milyon para patayin si Tyjher Guevarra, inakala niyang simpleng trabaho lang ito. Ngunit nang mamataan niyang masahol pa sa halimaw ang mag-amang Guevarra dahil sa panggagahasa at pagpatay sa mga inosenteng babae, nagbago ang misyon niya: ang iligtas ang mga biktima at lipulin ang kasamaan. Lagi namang hahadlang ang misteryoso at makapangyarihang Mafia Boss na si Callixe, na may sariling matinding dahilan para hindi muna mamatay si Tyjher. Sa gitna ng kanilang labanan at pagmamanman, nabuo ang isang lihim na alyansa at unti-unting umusbong ang matinding pag-ibig. Maitatama ba nila ang tadhana, maliligtas ang mga bihag, at makakamit ang hustisya? Pero sa oras na laya na sila sa misyon, haharapin naman nila ang multo ng nakaraan. Si Sandra, ang first love ni Callixe, at si Don. Armeo Valentero, na singil ang buhay ni Ja dahil sa pagliligtas niya sa isang bata noon. Anong halaga ang kayang ialay ni Ja upang protektahan ang mga mahal niya sa buhay, lalo na ngayong may dinadala siyang munting buhay sa kanyang sinapupunan?

Walang sinuman ang nakakaalam kung gaano kasidhi ang pagnanasa ni Icevy sa bilyonaryong modelong si Wynn Porter Huxley. Mula sa isang mahirap na pamilya, naging sikat na modelo si Icevy para maabot ang pangarap: ang agawin si Wynn mula sa mayabang at sakim nitong asawang si Cauline. Nagtagpo ang kanilang landas. Sa bawat tinginan at photoshoot, tumitindi ang tukso at panunukso ni Icevy. Pero ang totoong tukso ay nagsimula sa isang bakasyon sa The Heat Island, kung saan ang bawal na pag-iibigan ay sumiklab, natagpuan ni Wynn Porter Huxley ang tunay na pag-ibig at laya sa bisig ni Icevy sa The Heat Island. Ngunit bago pa sila tuluyang maging malaya, isang pregnancy ang lalamon sa kanila pabalik sa muling sapilitang kasal, ang second wedding ni Cauline at Wynn. May pagpipilian si Icevy: Kalimutan ang lahat, o ilantad ang malaking panloloko na nagtatago sa likod ng altar. Sa araw ng kasal, may isang babae ang darating, hindi para maging bisita, kundi para maging executioner ng kasinungalingan. Naka-pulang wedding gown at handang ilantad ang lahat, sasagipin kaya ng babae ang bilyonaryo bago pa mahuli ang lahat?