Apat na taon na ang nakalipas ng una kong mapanaginipan ang lalaking hindi ko kilala pero parang ang gaan gaan sa pakiramdam habang nakahawak sya sa beywang ko ng mga oras na iyon. Para bang ayaw ko ng gumising sa panaginip na yon dahil dun ko lang naramdaman ang pahingang matagal ko ng inaasam. Mga pangyayaring hindi ko inaasahan na mangyayari pa sa akin na dati ay pinapantasya ko lang.

Ako’y isang pangkaraniwang estudyante lng, hindi matalino pero nakakapasa naman sa mga subject. Lumaking mahirap, kapos sa pera at laging walang laman ang tiyan tuwing papasok, tanging bag lang na may maraming libro at notebook ang dala. Pero papasok ng masaya at may mga ngiti sa mata sapagkat gusto ko ang pumapasok sa school dahil masaya akong makita ang mga kaklase ko para maglaro at matuto din. “Boys at the back, ano na naman yang ginagawa nyo?”, saway ng guro naming matanda na may hawak ng pamatpat habang nakapamaywang pa nga.“Wala po maam!” Sagot namin, syempre dahil highschool pa lang eh ang nasa isip namin ay puro laro lang, kulitan, asaran, at may konting pikunan kung minsan. “Class, Dismiss” , sabay sabay nagsitayuan ang buong klase dahil nagmamadaling pumunta ng canteen upang magtanghalian, habag ako’y tahimik lng na nag aayos ng gamit dahil wala naman akong pangbili ng pagkain.“Rics, tara samahan moko ng canteen”, aya sakin ni Luis habang nakangiti. “Sige ba, basta libre mo ah!”, ang tugon ko namn habang halatang excited.