في عشق الخيال

البارت الثاني

في اليوم التالي~

-اصحي يا شلبي يااا شلبي

كنزي بفزع: معملتش حاجه والله بريئه جئت في سلام والله

كنزي بعد أن أدركت انه المنبه : الساعه كام ايه يالهوي سبعه ونص اتأخرت

نهضت مسرعه لكنها وقعت على انفها

كنزي : يادي النيله السودا هو يوم باين من أوله

نهضت سريعا وارتدت ملابسها وانطلقت نحو الجامعه وبعد وصولها الجامعه كانت بتركض بالممرات قبل أن تصدم بشخص

كنزي : معلش

و تابعت ركضها حتى وصلت للمدرج وجلست بجوار صديقتها ندي

ندي: اتأخرتِ كده ليه

كنزي: راحت علي نومه

ندي: كالعاده يا موكوسه بصي السلسله دي محمود جابهالي امبارح

كنزي: جميله عليكي ربنا يسعدكم

قاطع حديث دخول دكتور امين ومعه العديد من الشباب

د/امين : بما انكم سنه اولى ولسه هتختاروا التخصص بتاعكم عشان اساعدكم جبيتلكم طلاب من كل الأقسام إياد / حسن/ على تقدروا تتكلموا معاهم وتسألوهم عن اي تفاصيل في قسمهم عشان تحددوا اكتر القسم بتاعكم اللي يعجبكم

كنزي بشرود تنظر لاياد وعيونها تكاد تخرج قلوبا : بت يا ندى ده بجد

ندي باستغراب : هو ايه

كنزي: اللولي بوب اللي قدامي ده علي رأيك ام فتحي

ندي:اختااااه ركزي في هتختاري انهي قسم

كنزي:و دي محتاجه كلام قسم اللولي بوب طبعا

ندي بضحك:هتفضلي مدهوله كدا طول عمرك يلا نروح نسألهم

و ذهبوا ليسألوهم مع بعض الطلاب الآخرين

اياد: وزي ما قولتلكم ان القسم ده بعد الكليه لي فرص عمل كتير جوا وبرا مصر

ونظر لجهه كنزي بغضب واستغربت هي من نظراته

بعد انتهاء اسئله الطلاب ذهبت ذهبت كنزي لاياد لتعلم ما سر تلك النظرات

كنزي :ثانيه لو سمحت

اياد بأقتضاب:افندم

كنزي :ممكن اعرف بتبصلي بق*ف كدا لي و لا كأني مرات ابوك

اياد بسخريه: وأنا ابصلك بق*ف لي هو انتي البقره اللي خبطتني الصبح ووقعت مشروعي ومبصتش حتي وكل اللي قالته معلش

كنزي لم تستوعب ما قاله إلا بعد دقيقه

كنزي: ثانيه ثانيه انت تقصدني انا بالبقره

اياد :وكدا ظلمتها

عند بطلنا~

يجلس مع مازن َيزن ليراجعوا أوراق الصفقه

مازن بتنهيده: خلاص كده تمام والحسابات مضبوطه

سليم:مالك يا يزن سرحان في ايه

يزن: مفيش

سليم :أنجز هو انا مش عارفك

يزن: بفكر ف البت المجنونة اللي قابلتها امبارح مش عارف لي

مازن بخبث: مين ديه

يزن : لما وديت الطفل امبارح الميتم لقيت بنت لابسه مهرج وبتعمل حركات مجنونه كانت تبان طفله اكتر منهم وبريئه زيهم

وحكي لهم الحوار الذي دار بينهم

مازن : ده انت شكلك واقع خالص

يزن : واقع اي وقعت عليك حيطه وبعدين مانت كمان يا سليم كنت سرحان انهارده احكي في ايه

سليم: شوفت فيروز

مازن : مين ديه

سليم: فيروز البنت اللي في الروايه شوفتها فيها جدا

يزن : اد*ك بتقول اهو شخصيه في روايه يعني خياليه

سليم : بس انا حاسس انها هي شكلها اللي رسمته عيونها ضحكتها

**ت قليلا ثم شرد بها

مازن بضحك: كل واحد فيكم بنت مدهولاه كدا واحده كانت بتتكلم عليه كأنه رضيع و التانيه ولا شايفاه اصلا لا ومحير نفسه يقربلها اي الشاب ده

سليم :اتريق اتريق أصل هي ناقصاك

يزن: ماهي البت دي يا ع**طه يا مجنونه

مازن:يعيني علي الحلو لما تبعتره الأيام

سليم: ماشي يا عم المعدده أفضل انت اتريق علينا وانت ف الآخر اللي هتقع علي جدور رقبتك

مازن :أبدأ انا عاوزه أكون مستقبلي ويكون ليا كيان وكرير حر طليق

يزن:طبعا طبعا

سليم:اومال

وظلو يضحكوا وبعد كلام كثير جاء لسليم اشعار بنزول البارت الجديد من الروايه

سليم :طب استأذن انا يا شباب

مازن بغمزه: متأكد انك بتروح تقرأ البارت ولا عشان تشوف فيروزتك

يزن بخبث :سيبه يا عم الله يسهله

سليم :اوباش

وخرج وذهب الكافيه

وعند بطلاتنا

كانوا ذاهبون للجامعه

جوري:احكي يا بنتي ايه اللي حصل امبارح كنا سامعين زعيق من عندكم

نغم:بلاش ادوشكم بنكدي علي الصبح

مليكه : علي أساس أن حياتنا وردي ده احنا رايحين نحضر محاضره ا**ه فتحيه هو في انكد من كدا احكي بطلي هبل

نغم بضحك: ضحكتيني د/ فتحيه لو سمعت ا**ه دي هتسقطك 5 سنين

جوري:ايوا كدا فرفشي واحكي احنا اخوات

نغم بتنهيده:كالعاده محدش فيهم مهتم بيا نفسي كنا نكون زي اي اسره طبيعيه لاكن ده مستحيل عندهم من شغلهم للبيت وأكل من غير كلام و نوم و الإجازات كل واحد بيقضيها مع صحابه في النادي ولما بكلمهم واقولهم اهتموا بيا شويه يقولولي انتي خلاص بقيتي كبيره ومسؤله عن نفسك احنا كمان من حقنا نهتم بنفسنا والنقاش احتد و زعقوا بس كدا

احتضناها مليكه وجوري

جوري: ولا يهمك يا نغم احنا معاكي

مليكه :ولا انتي مش مالي عينك اهتمامنا وبتدوري علي حد غيرنا

نغم:انتم اخواتي اللي مصبرني علي الهم ده

جوري :طب بمناسبه الجو ده ما تيجوا نزوغ من المحاضره

مليكه :ياه واخلص من ا**ه فتحيه أتفق وبشده

نغم: تمم معاكم اصلا لو روحت مش هركز

جوري بضحك :قال يعني انتي في الطبيعي بتركزي

مليكه :طب هنروح فين دلوقتي

نغم بتريقه : وفي هذه الظروف مبيكونش ادامنا غير مكان واحد

وبعد 5 دقائق

مليكه: والله يا عم متولي الواحد من غير عصير القصب بتاعك مكنش عارف هيعيش ازاي

نغم:حصل ده بيغسلني من جوا

جوري: هات كوبايه تانيه هات هذا ما لم نسمع عنه من قبل

وعندما انتهوا وتمشوا كثيرا

جوري: انا نزلت البارت هروح بقي الكافيه اكتب البارت الجديد

نغم: وانا هعدي ع الدار اقعد مع الأطفال بدل ما اقعد لوحدي في البيت

مليكه: كل يوم كدا وانا اللي أفضل أرقص في البيت

نغم:ما قولتلك تعالي معايا

مليكه: لا ياختي كفايه عليا فريده

جوري: يلا يابت منك ليها كل واحده تشوف طريقها

عند الشباب

مازن:وراك حاجه دلوقتي

يزن: اه هعدي ع الطفل بتاع امبارح

مازن بخبث: يولا عليا انا هتعدي علي الطفل ولا علي الطفله الكبيره

يزن بتردد:لا طبعا وانا مالي بيها اكيد عشان الطفل

مازن: بكرا نقعد علي الحيطه ونسمع الظيطه

يزن: خاليك انت في دور خالتي ده وملكش دعوه

وخرج يزن و ترك مازن

مازن م**ص شفاهه:حكم

وعند نغم

كانت نغم ترتدي فيل يداري وجهها و جسمها وتمثل مسرحيه للأطفال

دخل يزن يبحث عن الطفل ولاكن بداخله كان يتمني رؤيتها مره آخره

نغم رأته

نغم في عقلها:مش ده الواد بتاع امبارح اللي اتريق عليا أما وريتك.

نغم بصريخ: الحقوا يولاد الحقو

الاطفال:اي يا فلافيلو

نغم:فاكرين أبو رجل مسلوخة اللي حكتلكم عنه موجود هناك اهو

وأشارت علي يزن و يزن أستغرب نظرات الأطفال جميعها نحوه

نغم: روحوا اقبضوا عليه ي ولاد

وفجأة وجد يزن مجموعه كبيره من الاطفال تركض ناحيته ونظر ورائه لم يجد أحد فتأكد أنهم يركضون إليه فأخد يركض

يزن بصريخ: ايه يا جدعان ده انا جئت في سلام

وظلو يركضون ونغم تضحك بشده و خلعت رأس الفيل

الاطفال: مش هنسيبك يا أبو رجل مسلوخه علي اللي عملته في فلافيلو

يزن:فلافيلو مين يا مجانين

الاطفال اشاروا علي نغم وعندما رأها تضحك بشده فهم خطتها

يزن: طب لو عمو أبو رجل مسلوخه عرف غلطته وحب يصالح فلافيلو توافقوا

الاطفال:ااه

وذهب يزن بخبث اتجاه نغم