تائه في حضره الموتي

الجزء الرابع

#الجزء_السادس

#سمحو لينا إلى تعطلنا عليكم

احلام....." لقاات السلام ودخلات " .....كي دوزتو نهاركم...؟؟

محمد... " غا مخنزر وكيشووف في سااعتو "....اش هاد الوقت ابنتي ؟؟ زعمة راك خارجة من صبااح ...

احلام...." شافت فيه "...ايوا الواليد هاد الثلت الخالي لي سكنا فيه راه باش تجي من وسط لمدينة ليه خاص ماهيا وما لونها، وعاد المركوب والو

فاطمة ....صافي صافي ابنتي نوضي بدلي حواايجك وجي نتعشاو بناقص من هاد المدينة اش بغيتي فيها گااع هاهو البرنوصی...

احلام...."نطقات فی خاطرها "...فیها سليمان امي سليماان ?

" ناضت وتنهيدة طاالعة ليها من لگلب بدلات عليها وتوجهات حداهم لطابلة العشى واخا معندوش منين يدووز بالها معاه وباغا تواسيه وتشاركو خزنو عن قرب ،لقمات شوية ودخلات لبيتها وانفوا دخلات هزات تلیفوونها وخلات لیه مسااج ...

- كيف بقيتو ؟؟

لكن بدون رد طبعا بقات كل شوية طل عليه واش جاوب تاا داها نعاس وتيلي في ايدهااا

ثق بأنني بجانبك ..و أنني ادعو لك ..ثق بأن هناك شخصا يخاف حزنك و بأسك ..لا أعلم متى أو كيف .. لكني أشعر بحب ينمو في قلبي إليك ..

.....

فاقت احلام على صوت العصاافير لي كاتغرد فالشجرة لي حدا الشرجم ديال غرفتها .. حلات عينيها مغووبشة و معنكشة لاحت الغطاا و اول حااجة هزات تيليفونها طلات علييه على أمل يكوون صيفط ليها شي ميساااج لكن ... كيف العادة .. دورات للنمرة ولقااتها طافية .. حطات التيليفوون و مشات غسلا وجهها و توضات رجعات صلاات صلاتها و لبساات سورفيت سخووونة ديال الداار عاد نزلات لعند الام ديالها لقااتها تتنصب فالغدا .. فطرات و عاونااتها فالشقاا لي بقااا مداارتووش .. و مشاات لبيت الجلاس ريحاات تتف*ج فالتلفاازة ال**دة و العينين هاهووومااا حاضريين مع التيفي .. و العقل و القلب رااهم عند موولاهم لي شااغل تفكييرها و عقلها .. كانت مترددة انها تدوي مع الاب ديالها على ود تخرج تلاقى بسهاام دير بيها السبة طبعااا و هي غرضها تشووف سليماان فقط .. دخلات الام ديالها حطات طبسيل ديال الحلوة فوق الطبلة حيت كانت موجدة اتااي ...

فاطمة .. احلام نوضي لبسي حوايجك نتي تتعطلي فاللباس ..

احلام .." مستغربة" .. علاش بالسلامة فين غانمشي!!

فاطمة .. غانخرجو انا و بااك نمشيو نشووفو الفرااش جديد للداار يا لالة .. غانبدلو الصاالون و السييجوور .. و ميعناات للكوزينة .

احلام .. و انا اش غانمشي ندير معاكم ..غا سمحي ليا اماما ما فيا ميمشي فيين ..

فاطمة .. ويلي على شتمشي ديري .. يا ختي بغيينا ذوقك نتوما الشباب زعما عندكم الدوق زين عارفين اش كين دابا ..

احلام ..غير عذريني اماما عيااانة بزااف .. مرخية لأقصى درجة ..

محمد .. " موجه كلامو لفاطمة "...خلينا على خاطرها .. حنا غاديين غا نشوفو و نسولو على الاثمنة تا تبغي تشري و ديها معاك ..

وحلات فزوورها ماقدااتش تقوول ليهم باغية تخرج .. حيت مجاتش تقول عياانة و بالاخير تقول ليهم نخرج بوحدي .. طلع ليها الدم حيت ماغاديش تقد تشووف سليماان لكن مابينااتش ليهم .. بعد ما شربو اتااي خرجو يقضيو غرضهم .. و بقاات هي كاتلاوح فالداار بووحدها .. مرة تف*ج .. تجبد شي مجلة دورفيهااا .. حتى داازت د*ك العشية ..رجعو وليديها جايبين العشاا وااجد .. تعشااو و طلعو كلها لبييتو .. دخلات و سدات عليها كيف العادة .. حطات راسها على المخدة و هزات تيليفونها تتخربق فيه حتى جااهااا الميسااج لي قلب موازين يومها كااامل .. و خلاها تنسى الملل و الحزن لي كانت فيه فد*ك اللحظة

- هادي نمرتي تانية الاولى تهرساات ...

" هزاات تليفوونها وبقات مبحلقة فيه "...سليمااااان ??...

بدرها كتباات ليه مسااج ....

- " سليماان هادا نتا ؟!."...

- تماما ..

- كيدرتو شوية ، ماماك ولبنات كلشي بخيير ؟؟

- كيحاولو يتعايشو من صدمة وانا كنحااول نخفف عليهم ..

- فيينك داابا ؟؟....

- في لبيت كنرتااح ..

- اوك حيت كنت باغا ندوي معاك ابيل مي خليك مرتااح ...

" صونا عليها د*ك سااع كان صوتوو بااح وشبه مسمووع ...

- صاافااا نتاااا

- نگولو صاافا خلیک مني كيوصلتي دييك نهاار

- " بتااسمات"....حمد لله واخا تعطلت على داار مي داازت ...

- علاه ملقيتيش فاش تركبي ...

- " تفكرات بلي معارفش على مكان سكنتهم جديدة "....لا ماشي هاكداك تحولناا من زيرو كاطخ ولينا كنسكنو في القدس ...

- " بتسااؤل "...وخدمتك ؟؟ مجاكش بعدتي....

- " تن*دات "...جلست منهاا

" ساد **ت شویه وهی تسولو بصووت حنين "...كنت بغيت نجي ليووم نطمن عليكم ولكن راك عارف داار ميحتاجش نعاود ليك...

- " تکا علی المخده حاط ایدو ورا راسو بتعب وبالکاد کیجاوب ولکن دایر لیها لخاطر ".....معذووره

- " شقلبات عينيها "......مشیتو لمقاابر....

- لاا تاااال غدا فی صبااح

" عرفااتو عیان من ل**نو لی ثقال فی لکلام "...سلیماااااان ..

- امممم

- سیر رتااح شویه واااخاااا بنتي ليا عياان ...

- یالله تصبحي على خير ، وهادي هي نمرة لي بقات عندي متخلينيش نهرسها تاهيا ...?

" قال كلامو وقطع خلاها كتشوف في تليفووون وتضحك وكتعاود في الكلمة " متخلينيش نهرسها تاهياا "

احلام....هههه دابا هو مكانش طافي عليا نمرة ، غير هرسها من ورا اخر مرة، وبسبابي...وانا لي قلت هدا نساني

" بقات تدور وتعاود في كلامهاا.. تا بداو عينيها يتسدو ونعساات داك نهار مرتاحة وعال لعال لم لا وهي ختمات صووتها بشخص شتاقت ليه ولدردشتها معااه

####

يوم جدييد و أحداااث جديدة في الطرييق كي فاقت احلام دارت روتينها الصباااحي و لبساات جلابة بالكاارو سخووونة دارت كاب أ**د فوق كتافها و خذاات شال كلكمااتو خشااتو فالصااك نزلات دخلات ديريكت للكوزينة كان الأب ديالها تيفطر مشات باست لو راسو و مشات باست الأم ديالها تا هي و رجعات جلسات حداه بقى تيشوف فيها عاد نطق ..

محمد ..خير! فين غادية بالسلامة؛!!

احلام .." حطات اللقمة ففمها .." .. غادية نقلب على خدمة ابابااا اذا بقييت جاالسة ليكم فهاد الداار بين هاد ربعة الحيووط كون اكيييد غانتسطى مامولفااش نريح فالداار بلا خدمة بلا والوو ..

محمد .. خوك قاال ليك غايضبر ليك فخدمة ..!!

احلام .. اوا شكووون قال ليا انا غادي يلقى؟؟ ..نقلب انا و يقلب هو و شوووف تشووف .. ..

محمد .." ماعجبووش الحال مي مابغاش يحكر " .. اوا ضبر راسك .. حنا مابغيناش ليك تكرفيص و صافي ..

احلام .. "حطات يدها على يدو" .. عارفة لي كين ابابا ..مهم هاني مشيت...

فاطمة .. ردي الباال لراسك .. احلام .. وااخة .. بااي ..

خرجات من الداار و اتجهاات للشاارع الكبيير لي منوو غاتشد طاا**ي... مافيها ميتسناا حدا البيس حيت كانت الشتاا كتنقط و خافت لا تعطل كي دخلات للطاا**ي .. خذات تيليفونها و كتباات لليه ميسااج ..

«صباح الخير سليماان .. تسناني انا جاية غانمشي معاكم .. راني فالطا**ي ..»...

و للأسف سليماان ماقرااش الميسااج .. لانوو كاان مدهي مع الناااس و الشغاال .. كيوجد شنوو غايااخدو للزياارة ديال المرحوم .. و يديه هنا و رجليه فجهة اخرى مع الكاار لي غيااخد النااس للمقابر .. ..

بعد ماا كمل كوولشي و طلعهم للكار و كل واحد شد بلاصتوو .. ريح هو حدا الأم ديالووو .. و عطاا الاشاارة للشيفوور بااش يتحرك فاش تأكد ان كولشي طلع و تا حااجة ما ناقصة .. خذا تيليفوونو يشووف فالسااعة وهو يطلع لييه الميسااج ديالللها نااض فجاة خلى كلشي بقااو كيشووفو فيه ..

سليمان .. هدااااا هداااا وقف اشريف وقف ..

مليكة.....فين غادي اولدي علاش مزال مغنتحركوو بغيت نشووف باك ؟؟...

سليمان...." طلع عندها لكار وباس رااسهااا وجلس حداها ".....وشنو قلت ليك امي ، صبري وزيدي فصبرك متبكيش عليه واش لهاد درجة مكتبغيهش

مليكة......عشرة سنين وتقوليا مكتبغيهش...

سليمان...." هز ايدها باسها "...هي الا سكتي وسيري عندو ونتي راضية عليه وبلاصة متبكي دعي باش متعدبيهش " دار اديه ورا وذنو محاول يفوج عليها "...ها وذني منك راه يشووفك هاكداا يتبرا منك ومتزوجوش في سمااا

مليكة ..." خدات مشوار مسحات دموعها "......هاني اولدي سكت ،

سليمان.....هاكا نبغيك..." تم نازل وهي توقفو " ...فين غادي مزال راه كلشي كاين...

سليمان.....ناقصة وحدة الواليدة كنعرفها ، نجيبها ونجي

" هبط مزروب وتليفون في وذنيه ميعيط ليها

سليماان......فاينك ؟؟

احلام....." كتنهج "...عاد نزلت من طا**ي ....

" قطع عليها ومشى لعندها تلاقاها في نص الطريق "

احلام...." كانت ظايرة شال على راسها وص*رها ميطلع وينزل من الطريق لي ض*بات "....عطلتكم يااك ...

سليمان ...."حرك راسو بنفي "...لا عاد غادين...

" وطبطبات على كتفو صبحتو بخير "..

سليمان ....حمد لله ...

" خدا تليفونو عيط لواحد من صحابو يخبر مول الكار يتحرك لقدام غيلقاه واقف وداكشي لي كان تا وقف عليهم ..سبقها طلعات وجلسها حدا ختوز ومشى لحدا موو

كي نزلو من الكار اتجهوو للمقاابر تمات غادية مع خووتو بحكم ماعارفة حد تما و هو ساابقها هو و موو لي كان شااد فيها و هي معكزة عليييه بالسييف قاادرة تمشاا غييير جاارة رجليييها و كاتبكي دمووعها كيحرقوو جفوونها بدوون توقف ..كي وصلوو للقبر ديال المرحووم جا الفقيييه لي غادي يقراا علييه القرآن .. هو كيقرااا و النااس تبكيييي .. منضر مؤثر خلاا احلام تذرف الدموووع وااخة ماعندها بييهم تا علاقة لكن هي بمجرد ما شافت الام ديالو منهاارة بين يديييه و تتبكي بحرقة كبيييرة ..و خواتاتو و حدة منهم طااحت للأرض تتبكييي و تندب ماقااادااش تصبببر و الثاانية تتعنق فييها و تحااول تصبرها و شكووون يصبببرهاا هي بعداااا شكوووون .. اما سلايماااان ما حييلتوو يسكت مووو و لا خواتاتوو و لا عمااتووو لي كانو تا هووما حااالهم حااالة ..وعينيييه مغرفرييين بالدموووع لي مقاابليينش ينزلوو بحكم هو الرااجل و هو المفرووووض يصبرهم و فالحقيقة هو برااسو خاص لي يصبرووو ..لكن هاادي هي الحيااة مكاتعطييينا حااجة حتى كاتاااخد مناااا حااجة كبيييرة و عزيييزة و حنا كيبقى علينا نصبرووو ..

بعد ما قرااو علييه القرآن ..مشاو كيفرقوو الصدقة و الفلووس على الدراري الصغااار و عياالااات لي كانو فالمقبر.. و العجااايز المحتااجييين .. و احلاام حاااضية من بعييد و تتشووف .. كانت شتا فد*ك الوقييتة خيط من السماا بعد ما كملو اتجهوو للكاار كوولها شااد مضلتووو و مغطي احلاام كانت لايحة عليها غير داك الكااب دياللها .. و غادية بووحدها .. بانت لييه و هو يمشي يااخد مضل من عند صاحبو و اتجه لعنها فتحو و تغطى بيه هو و يااخا .. طلعاات لييه راسها شاافت فييه عينيها كاانو مزاال مدمعيين بقى مدة تيشوووف فيهاا و مد يدوو مسح ليها دمعة نزلة من عينيها .. حناات راسها و تموو غاديين بزووج

سليمان...." باستفسار "...علاش كتبكي

احلام.....وعلاه انا معندي قلب

سليمان....." كون كانو ضرووف مغايرة يضحك نيت خدا كليني** وعطاه ليه " ....مزياان ملي جيتي

احلام.....مقدرتش منجييش ، انا عارفة اسليمان مجيتي ولا عدمها مغتعوضكش على لي راح واخا نقوول لي قلت لي كتحس بيه فيبقى هو هو واني واخا ندير راسي فبلاصتك مغنحسش باش كتحس بالحق غتلقااني ديما في جنبك نخفف عليك وخاصك تعرف هادشي كنديرو حيت انا بااغا

سليماان.....علاش دابا انا قلت لعكس...

احلام......." بانت على محياها شبه ابتسامة "......ايوا صافي مزيان، عرفتي شنو بقاو فيا ماماك وخوتاتك تهلاا فيهم عفاك وملا عليهم لفرااغ وعوضهم الاب فرااقو صعييب على بنات كثر ، عمرك تحسسهم انو كنتو خمسة وبقيتو ربعة نوو الع**

سليمان...." قاطعها "....هادشي اكيد هو لي غندير وحنا في الاصل كنا ستة ، عندي ختي براا ومقدرااتش تجي بنتها صغييرة

احلام...." بأسى "...مسكيينة صعييبة عليهااا ...ايوا القضااء والقدر هو هادا

طلعو الكارو ورجعو خداو بلايصهم من بعد موصلو طلعو للداار وتا احلام معاهم باصرار منو ومن ماماه حطو ليهم الغدا و تجمعوو عليه تغداااو احلام مع انها ماكااتعرف حد تما لكن قدرات تندمج مع خواتاتو ببكثرة ما وااسااتهم بقات معااهم حتى كملو الغداا و ناضت تغسل يديها و تمااات رااجهة حتى تيباان ليها سليمان جالس فالصالة حاط يديه على ركابيييه و حاط عليهم راسووو مشات لعندو ريحات حداه و حطات يدها على كتفو ضاغطة عليه

#الجزء_السابع

چالس مسند ایدو وراسو للخیط والاید لوخراا حاطها علی فخضو ...همو كبير ميهزوهش الجبال الناس تخمم لخصوها لفلوس ولا تحاکات مع الزمان

وهوا تفكير في دار اللي مشى ضوها وجاها الظلام... وواخة يشعلو فيها مية ومية شمعة ووقيدة مغضويش

لكن معندو ميدير مكتوب الله كيتصرف معليه غير الصبر ويتهلى في ضو الدار التاني

قاطع تفكيرو احلام اللي حطات ايدها على كتفو ضاغطة عليه

احلام......." بقات شحاال حاضیااه عاینییه کیقوولو بزاف ولکن فمو سااکت "....الصبر وكلنا ليها الا مشی بااک ..الحمد لله خلا موراه الرجال

على اثر كلمتها "الرجال" ظهر شبه ابتسامة وتفكر مااضيه لي من نهار مات باه وهو كيتعاود قدامو كل سااع ...

سليمان....." شاااف فيها "...عرفتي كون ما با عزوز كوراني دابا يا حباس يا شفار....داك سيد كان فشكل دار فيا نفس وكلامو هو لي غلاني نكون راااجل ونقلب على رااسي

احلام...."حطات ايدها على حنكها وكتسمع ليه وهو

راجعه بيه الذاكرة اللللللور قبل سنييين فاتو وبالضبط ملي كان ولدتكون عندو ١٤ عام جالس في السطح مع صاحبو وكيجربو يكميو جوان كيف شعلوه ونترو منو نتيرة وقف عليهم راجل ساخط على الوضعية نظراتو خلاوه يلوحوه ويوقفو مدهشرين

عبد العزيز ...."جرو من ق*فادتو "...تبارك الله على سي سليمانو ومجايبو

سليمان.... "منزل راسو الارض "...والله الواليد غيييي

مخلاهش يكملها وقفو بايدو وقاليه

عبد العزيز...."كيطلع فيه وينزل "...نتا عمرك غتربي الريش...وحياتك كاملة غتبقى تابع لد*ك الشلة العوجة اللي متبع ، وعمرك غتولي راجل غتكون رعواني وانا ميشرفنيش ولدي يكون فحالك نهار تولدتي ضنيت فيك غير الخير وفرحتي كانت كبيرة لكن كون نضنك هاكة كل مرة نجري وراك في لبنيقات كعما نفرح بيه

قال هاد الكلمات اللي هرسو داك المراهق ميه ومية قطعة اما عشيرو متلاش بان

العشية كاملة وكلام باه كيطعن فيه ومبغاش يدوز ليه ، عارف راسو غالط لكن فحالو فحال كرانو يبغي يجرب كلشي لكن كلام باه خلى عقلو يفكر بعيد... رغم صغر سنو الا انو حلف ميوريه لوجه حتى يربي الريش ويولي راجل وقاد ويبين ليه بلي حسن من غيرو وبلي تربيتو ليه ممشاتش خلا ..

ضبر على فلوس وهبط لمرسة قاني على الرموكات اللي كيشارجيو لطليان هاز كان سيف قدو في الطول ومخايف ممرعود لقى الغفلة وتخشى وسط الرموك ودخل مورى الشارج اللي مشارجي تعلق الفوق وسيفو معلق معاه خايف من الغاشي ليكون داير بيه

ماهيا الا ساعات وتسد لبواب وتحرك الباطو وسط البحر ، طوالت عليه المسافة وجاه الارق وكل ما كيحس بنفسو كضيق كيتفكر الوعد اللي وعد نفسو... ما ان وصلات الرموك لجهة التانية وحس بيها تحركات في الكدرون مبقاش البحر صبر ربع ساعة وجبد سيفو وفركعها من الفوق وتلاح من فوقها للربيع بحكم انهم غادين في طريق جنابها كلها غابة

مع نقز مع تسرح كينهز وكيحاول يجمع السوفل ثلات ايام مسهلاش طريق رغم صغر سنو الا انو تحملها او نقولها واخدها ضد وخلاص ،بقا تقريبا شي ساعتين وهوا على داك الحال عاد قرر يوقف ويقلب على اقرب سطاسيون يشرب ويغسل ومدبرها حكيييم

معرف بشد ليمن ولا ليسر جنابو كلو غابة وطريق مسرحة وقليل فين كدوز شي طموبيل واكيد تواحد موقف ليه لانو شكلو كيجيب الريبة والخوف

ساعة ونص تقريبا ديال الطريق اللي ضرب

وبانت ليه صطاسيون كبيرة

ديريكت تخشى من الربيع وكمل طريقو باش يدخل من موراها

توجه ليها كيقلب على طواليط... فعلا لقاها دخل دوش وقلب القبية ودخل السيف مورى ظهرو ومع الهرجة مغيتلقى غير بصحاب دعوتو الكربيني ديال الطليان

الكاربيني..... Salve, farci vedere i tuoi documenti

"السلام وربنا وتائقك لو سمحت"

سليمان..... غير كيشوف ومفاهم والو مخلي وجهو عادي وهوا الرعدة شداه وغير كيحرك في راسو

الكاربيني.... Da dove sei? انت من اين

Come ti chiami? ما اسمك

سليمان غير كيضور في عينيه... ومعرفاها باش مخضرة

وكملت ملي واحد في الكارابيني ضار موراه وحط ايدو على ظهرو يقلبو تم قلبو كيحس بيه غيخرج من بلاصتو

غير حط ايدو حس بالمضى وهوا يغمز صاحبو وفي رمشة عين كتفوه

الكاربيني..... Perché hai questa spada? علاش عندك هاد السيف

Da dove hai presa? منين خديتيها

بقى كيدور في راسو معارف باش يفكها قلبها زيزون

الكاربيني.... Deve venire con noi alla caserma

خاصك تجي معنا للمركز

مونطوه بسيف وطلعوه لطموبيل نصف ساعة دالزريق و كانو في المركز....اولو معاه بشتى السبل انو يعرفو لهجتو او غير اسمو... والو مكتفي انو يحرك غير راسو وقلبوه ملقاو عندو حتى حاجة...... من غير صورة عائلية وقديمة مكيبان منها والو

اضطرو انهم يديوه لسبيطار ليكون من مهربين الممنوعات... ومنها يعرفو سنو الحقيقي داز في السکانير... لقاوه نضيف.... دوزوه لطبيب السنان اللي اكد ليهم انو قاصر مابين اربعة عشر او خمس عشر سنوات لا اكثر

بعد اخد ورد تقرر انو يدوز الخيرية مع الاطفال المتخلى عنهم واطفال الشوارع والاجئين باش يقرا ويكون عبد صالح ويتعلم اصول الديانة الكاثوليكية ويولي إطالي من شباب اطاليا بعد ميكمل تمانية عشر سنوات....

......

فاق من ذكريات الماضي على صووت احلام لی کانت طول الوقت وهو کیعاود لیها صاغیه لبه ومدواتش ولا نطقات فقط معالم وجها لی کیدویو بلاصتهاا ...نطقاات متساائله ومخرجه عینیها بعد اخر حاجه داارهاا ....

احلام.......هاااااه لخیریه ، الدیانه الکاثولیکیه .؟؟ ....بصح هادشی...

" بغی یجاوبهااا وهی تقاطعهم بنت خالتوو تکون کبر من احلام بعام ولا زوج ، طوییله وعاامره دخلات جلساات حدااهم وخدات مخدها حطااتها قداامهااا

أية ......" منزلاتش ليها احلام من ور ملي شاافتها معاه وكيفاش كيدوي معاها ويعاود "....سليماان طلع لبيتك ترتااح انا نوجد ليك برااد تاع اتاي ونطلعوو ليك ....

أحلام......" غير نية والقلب لبيض ".......ااه عندها صح صافي رتاح انا نمشي واخااا ..." كتكلم بهدووء"

سليمان...."جات نايضة وهو يجرهاا من ايديها رجعها لبلاصتها وتوجه بكلامو لأية ".....براد اتااي سيري عمرييه وجيبيه لينا هنا نيت هو لي كان ناقصني انا ويااها

اية..." هزات حاجب و حطات خووه"... اييه هي لي متعادوش ا سليمان ...

خرجت تتخبط في رجليها و ما عاجبها حاال و مية و مية تساؤل في مخها شكون د*ك خيتي لي معاه ، مشات البيت فين مجموعين خوتاتو و مو ... قصدات صفاء و ريحات حداها و كتنفخ ...

صفاء... "دورات راسها جيهتها "... ياك لباس اختي مالك تتخبطي علينا و تتنفخي قياس الخير ؟؟

اية... "خنزرات فيها "... ربي لما سكتي عفاك ا صفاء راه البيضة واحلة ليا في الحلق و مبغات تنزل

صفاء ...هاء وعلاش مالك

اية... شكون د*ك البنت لي مع سليمان ؟؟

صفاء... صديقتوووو

اية... "ضارت كلها عندها و حطت يديها على جنبها"... ا شوفي بين دري و بنت مكايناش صديقي و صديقتي... واقطع دراعي من هنااا الى مكانت بيناتهم شي حاجة

صفاء..."طلعت ليها الدم"... شوفي الله يرحم باك راسي منفووخ ، وزايدون واش نتي سووقك ... حشمي شوية و شوفي الوضع لي حنا فيه و نتي هادشي لي هامك

اية..." تتعضت في شنوفتها و لا بغات تسكت"... لا والموصيبة ماشي هنا الموصيبة قالك صايبي لينا شي براد ديال اتاي هو لي ناقصهم

صفاء ... ما قالك عييب نوضي صايبي البراد ودیه ليهم

اية... نتي صاڤا ولا صاڤا با شكون هي باش نتسخر عليها ... جات على قد فمو ولا فمك هاد الهضرة

صفاء..." لي صافي وصلت الحد ديالها معاها وطلعت ليها الدم".... هاني اختي نايضة و غنخلي ليك البيت تناطحي نتي ويااه ... ولا عرفتي غنخلي ليك الدار اختي موصيبة هادي صافي ناس في الناس و القرع في مشيط الراس ...

هبطات صفاء التحت حدا الباب يض*ب فيها البرد و في طريقها وصات وحدة في البنات يديو اتاي لسليمان للصالة... داكشي لي كاین صیبووه لیه وداوه

سليمان .... "كحز الصينية لأحلام باش تناولو "

احلام..." غير تتحك في يديها من التوتر وزادت كملات تعطلات على دارهم و مبغاتش تخليه بوحدو "... هزات البراد تتناول و تكتب و عطاتو هو كاسو و خدات هي كاس ... سليمان صراحة انا تعطلت و خاصني نمشي قايلا لمالين الدار غادية غير ندفع سيڤيات ديالي باش نخدم و مبغيتش نخليك بوحدك ولكن لازم اني نمشي عفاااک سمح لیا بزااف ..."وقفات احلام تتسعد باش تخرج حتى وقفها بكلامو "..

سليمان... صبري نوصلك متمشيش بوحدك

احلام ..."بنفي"... لا غير خليك مع الناس انا غنشد طا**ي نيشان الدار

مجوبهاش داز قدامهااا و خبرها تبعو بلا كترت الهضرة ، مشات وراه و هي قلبها غيخرج و حاسة برجليها غيخواو بيها وهو قدامها هبة وشخصية وصراامة ،وصلو الاوطو ديالوو حل ليها الباب طلعات القدام و هو دار شد مكان القيادة و **يرا لدارهم طوول الطريق و ال**ت هو سيد الموقف هو شاد الڤولا بيد و اليد الاخر حاطها على الشرجم و كيخمم ... اما هي لي تزنگات و قلبها غيخرج و مكرهاتش الطريق طوال ...

احلام....."حطات ايدها هلى حنكها ووشافت فيه باغا تخليه يتلف وميبقاش ساكت" ...سليماان مكملتيش ليا شنو درتي مع البووليس ...

سليمان...."بتااسم جنب"....ضرك رااسك بان ليااا ...

احلام......"بدات تضحك ودارت اشارة بايديها ".....غاا شوية وصاافي....

سليمان...." حط ايدو على ذقنوو وتن*د ".....دااونی الخیریه وبقیت فیها تااا کملت السن القانوني ...

اخلام....ومن بعد

سليمان......مرة اخرى ونكمل ليك وصلتي ...

دورات راسها لقات بلي وصلات في قالت ليه ينزلها ... حيدات لاسانتيغ باش تهبط حتى شد ليها في دراعها وشاف فيها بعينيه معسلين غير بالعيا النفسي و الصحي

سليمان ... احلام شكرا على وقفتك معايا وعلى مجيتك بزااف وكوني اكييدة انها كتعنيلي

احلام..."حطات يديها فوق يديه "... لا ا سليمان متقولش هكااا... على دابا كون كنت في بلاصتك غتسمح فيا لا تا نتا غتوقف معايا و متسمحش فيا حتى دقيقة ... انا غنهبط دابا متبقاش تشكرني هادشي كنديرو معاك من قلبي ...

" مدات ليه ايديها سلمات عليه و هبطات مشات قاصدة دارهم و هو بقا متبع ليها العين وتابعها بسيارتو من لوور تاا بانت ليه وصلات لحوومتهم عاد دار دوميتوور ورجع منين جاا

الحب هو أجمل نعمة زرعها الله عز و جل في القلووب .. و بااش نكرمو هاد القلووب لازمنا الاهتمام ..الاهتمام لي ما عمرو كان تيتطلب ،لي كيهتم بيك ..تيلتفت لنبرة صوتك الى تغيرات ..كينتبه لعيونك قبل لا تدمع ...كيقرا من ال**ت ديالك الحزن القااابع بص*رك .. .. الاهتمام تيكون فاش الطرف الاااخر تيتشغل بيك و معظم وقتو تيخصصوو لييك .. الاهتمام تيكون فااش الوااحد في عز اشتيااقو ليك و مكيقدرش يشووفك لكن تيبقى على الاتصاال معااك وااخة غير برسالة .. وكيحسسك انو بجنبك الاهتمام تفاصيلو صغيييرة بزااف .. مثل صباح الخير. . وتصبح على خير وكيف الحال والاحوال ..

لكن في القلوووب ليها مكاان كبييير ..

جمال الاهتمام في عفويته ..ماعمىوو كاان كيتطلب .. فاش تيكووون كيخلق مودة و رحمة بين النااس .. هادشي لي وقع بين احلام و سليماان .. هي كانت الوردة لي زينات ايامو الي كانت مالييها الحزن من الوفاة ديال الأب ديالوو .. الاهتمام ولد فوق الاعجااب و الرغبة ديالو فيها حب من نوع اااخر .. خلاه يزييد يبغييها و تزييد تكبر فعينيه ..حس بييها ولات اهم من اهم حاجة فحيااتو ..بالرغم من ان لقائااتهم كانو قلال ولكن ودانهم كانو عند بعض .. و كانت تتسول علييه و على العايلة كاملة .. تقرييبا رجعات شافتو زوج مرات و زارت الأم ديالو و اطمئنااات عليييها ..

احلام من طبعها انها حبابة و دغياا تتنسجم مع النااس و اي مكان جلسات فيه تتبغي تجبد النااس و تخلق معاهم مواضيع بالرغم من انها خجولة لكن ملي تتشووف شي حدمقلق .. و لا حزيين متتبغييش تفووتو نهائيا .. خصوصا انهم عايلة الشخص لي ولات تتبغييه و متتشووف غييروووو رااجل ..

على هاد الحاال بقاو أبطالنا .. غير التيليفوونوااات و الميساجاات بسبب الوالديين ديالها طبعا من النااس القداام ماعندهمش مع الدخوول و الخروووج كل ساااع و حتى هي من البناات لي تربااو على الحشمة او كيف تنقولو " بنت دارهم" ماتاتفووتش الحدووود نهائيا و..ماشي من البناات لي رجليهم طايلة .. و هادشي لي زااد عجب سليماان فمحبوبتوو .. ولكن عيا ميصبر .. و لقى بلي داك الموضووع لي خلااه المرة الاولى يطفي عليها التيلي .. و يهرسووو لا بييس .. ضروووري ما خصوو يعاود يجبدوو .. لأن ابتساامتها و عيووونها لي تيبرقوو فينما تيتلاقااوه محاال يكذبو عليه هذااا غير لهفتها الوااضحة و البااينة فينما تيتصل بييها ..واخة تكوون مشغوولة تتخلي لي فيديييها و تقاابلو هو ..لهذاا قرر يجبد معاااها المووضوووع من جديد ..فهاد الوقييتة كانت احلام تتغدا كيف العادة مع باها ومها في جو عائلي هزاات تليفوونهاا كتباات مسااج ورجعاتو لبلاصتو واحد اللحظة وهو يصووني هزاتو وقابلاتو معاها وهو يبان ليها اسم ..."سليمان "....نسحبات من حداهم بخفة مشات في اتجاه بيتها ....

احلام.....الوووو " بصوت هادئ كيف عادتها "....

سليماان........يالله سااليتي لياا

احلام.....غير سمح ليا وصاافي عرفتي شنوو من صبااح وانا ملهية في كوزينة وغير فضيت تفكرت نتا لول ...

سليمان..."كان داير رجل على رجل وايديه على ذقنو "...احلام خااصني نشوووفك....؟؟

أحلام..."كتطل من باب ليكون دايز شي حد وكتدوي ".....ياك لاباس شنو واقع...

سليمان...."كحكح"...ديري شي وقيت ليوم فلعشية ضرووري مغاديش تعطلي واخا نعرف نجي حدااك...

أحلام...."بدات كتفكر ومعرفات متقوول ليه من جهة مبغاش تخسر ليه ومن جهة اخرة شغتقول لباها " ....معرفتش ولكن نشووف كيف ندير والله ..

سليماان.....احلاااام... "كيعيط باسمو زعمة انو كيأكد "

أحلام.....صافي غنحااول اسليمان...

قطعات معاه وهی کتاکل فی ضفارها وکتفکر اشمن سبه غدیر باش تخرج

#یتبع? بعد قليل

#الجزء_التامن

بقل_م:ندى العمر•°•ليالي النسيم•°•غلاالروح

إلتقيت بك عفوتُ عن العالمين

عذرتُ الغآئبين إكتفيتُ بك ورأيت فيك

الناس أجمعين .

.. بالرغم من صعووبة الموقف الا انها ماتقدرش ترفض طلبو و الحقيقة انها تا هي كانت باغية و ملهوووفة انها تشووفوو .. دارت السبة كيف العادة و لبسات سورفييت ديالها لاسقة فالنوار مع سبادري فالگري لاحت عليها جاكيط سخوونة على البرد .. جمعات شعرها ذ*ل حصان و دارت گلوص خفييف فقط .. هزات تيليفونها و بزطامها خشاتهم فالجيب ديال الكبوط و خرجات ... كي قربات توصل للبلاصة لي دارت معاااه صيفط ليها ميسااج بلي وصل و تيتسناا فيها .. و فعلاا كي وصلات لقااتو تيتسناا فيييها بالرووونج ديالوو .. دخلات سلمات علييه باليد و على وجهها ابتساامتها الخجووووولة لي تتعجبو بزااف ..و حتى هو کانت على وجهو ابتسامة خفيفة ..

سليمان .. كي ديرة؟؟

احلام .." بخجل " .. صافا الحمد لله و نتا!!

سليمان .. نحمدوووه .." مع غميزة اوا ااش قالووو؟!!

احلام .. ماقاالو والو ههه نتا لي طلبتي تشووفني مستعجل...

سليمان .. "قهقه برجوولية " ههههه ياك الالة نتي مابااغاش تشوفيني .." قرب ليها و دار يدووو على ذقنوو ..

احلام .. " توثرات من قربوو" .. اممن .. انن .. لا علااش ..

سليمان .. ههه .. واخة الالة ..نمشيو نريحو فشي كافي .. مشات!؟

احلام ..اوكي مشاات .." مع ابتساامة رافضة تفارقها...

ديما ا في اتجاه الكاافي لي غايرييحو فييييها .. دخلوو شدوو بلاصة بعيدة شوية على الهارااج بااش يقدر يدوي فراحة بعيد على البشار

سليماان........" عيط على ناذل "...شنو تشربي ..؟؟

أحلام....."حركات راسها"...لي كان ماشي مشكيل .

" عطى لناذل الطلبية ورجع شاف فيها "

سليماان....شنو قضيتك نتي ؟؟

أحلام.....انااا

سليماان....."تكى على الكرسي "...ايااه الا بغيت نشووفك خاصني ندفع طلب ..

أحلام.....ايوا اش غدير خاصك تعرف الواليد عندي شوية فشكل ومعندوش مع خبطي بيطي وتا الخدمة لي ندير بيها السبة مبقاش...

سليمان........عادي قووليه غنتلاقا مع خووياا....

"بلعاني قال كلامو هادا يقيس ليها نبض، و من وراه ومنها نيت يرجع لنهار لنوضووها فيه بخصوص هاد الكلمة ..

أحلام...." عوجات فمها ".....شكون خووياا ?

سليمان......" حيد ليها واحد الزغبة من على عينيها "....مهم غنجيك من لخر حيت انا داك تزواق في الهضرة معنديش معاه....

أحلام.....وانا كنسمع ليك

سليماان......وااش بصح كتعتابريني بحال خوووك ؟؟ کیف قلتی اخر مره

آحلام.....دابا اش جبدک فی هادشی

سلیمان...."هضر بحده "...جوبینی وکتهمني اجابتك حيت انا بنسبة ليا نتي ماشي ختي نتي ، " بضحكة ".. واحد الگنسه لي دخلات لحياتي وخربقااتها وروناتها...وعششات هنا " حط ايدو على راسو "....وصعيب شي حاجة تدخل دماغي وتخرج ...وهادشي ماشي غا لبارح مع لي قبل منو ،...نوو "بالنفي ".. من اول مرة شفتك فيهااا ..يمكن لقيتك مبدلة على بزاف البنات ...

"شابك ايديه وبدا يهضر "....

- قليل فين باقا شي كتاثر فيا يمكن حيت قليل فين باقا شي وحدة كتزنگ ملي كتهضر ..و وكدير اعتبار واليديها ومكتبغيش تخذلهم ..وعاد نيةة بزااااف ..هاد الحوايج قلالو في بنات لي كنتحاك معاهم معاهم

أحلام...." حدرات راسها حشمانة ".....

سليماان.....هذا هو لي كندوي علييه ..مهم انا قلت ليك لي عندي حيت مكنعرفش نخبي ونقضيها هضرة في تليفون باسم صداقة لي شحال معرفت ديلمها كيف دايرة وعاد لي كنعرف بين بنت وولد مكايناش ...

كاين حاجة وحدة سميتها بغيني نبغيك ..."سكت شحال كيستناها تجاوب "...يااا الله الالة راني زعمة كندوي معاك متسمعيش الحشمة وتسكتي فخطرة غير تقزدري هاد المرة ورجعي حشمي..." كيحاول يبسط معاها باش تطلق "

احلام .." حنحناات و طلعات عينيها فيه لقااتو تيبحلق فيها و نزلاتهم في ساع ..لكن ضغطات على راسها و جاوباتو " ..يمكن نتا كنتي بحال خويا حيت حسيت معاك بالامان لي تنحسوو فاش تيكوون معايا خالد ..ولكن .. من بعد .. وفاش قطعتي الاتصال معايا .. لقييت بلي هادي مكانتش مجرد علاقة اخوية .. يمكن كانت تتربطني بيك شي حاجة .. انا معااارفاهاااش اشنو هي و لدابا ماعارفااهااش .. ولكن .. بصح اذا بعدتي عليا تتنتزيير من الدااخل .. تنحس براسي مامرتاحاش .. فد*ك المدة .. خفت لاا منعاودش نشووفك داكشي علاااش بعد مدةةةة قررت اني ندخل للدرب ديالللك واااخة يوقع ليا لي وقع ..

سليماان......داابا شنو نفهم من هادشي لي قلتي ليا دابا

" رفع حاجبو فيها كيتسناها تجاوب "....

أحلام.....ايوا خصك تفهم بلي عندي خووويااا واحد هو خالد وصااافي ...

سليمان...." بتاسم جنب "......طفرناه معاك كتدوي بالغرام ..كتقطري علينا...." وقف باش يخرج برا يكمي وهي فهماتها فشكل يسحابليها تقلق كيف ناض شدات ليه من ايديه "...

احلام.......سليمااان...

سليمان......."بتساائل"....مااالک توحشتي خووك

احلاام ." حركات راسها بحال درية صغير ة ".......لا تا انا کنبغییییک

الكلمة لي قالت مكانتش مجرد تنبغيك فقط ..كانت نابعة من أعمااقها و دخلات مبااشرة لأعمااقوو .. عض حنكو من الدااخل و زيير على يدهااا .. حس بييها فد*ك اللحظة فحال لا تتقوول ليه انا ديالك من اليووم .. انا معاك و عمري نتفرق علييك .. عيوونهاا قااالو لييه عممممرك ماطلق من يدي.. و انا وياااك للدواام ..تباادل النظراات لي كان بيناتهم يمكن اي وااحد

يشوووفهم يقوول عليييهم خارجين من فيلم هندي لأن اللحظة فعلا طااالت لا هو متيق انهاااا نطقااات دييك الكلمه .. ولااا هي تيقاات انتا قاالت هادشييي و شداات ليه يدييه ماعرفااتش منين جااتها الجراة .....ولكن كلشي مباح في الحب هاد الاخيير لي كيخليك طااير وكتشووف الحيااة بالوان مفتخة ..ميخلي ليومك طعم وشكل واللون ولحيااتك معنى ووجوودك...كيحسسك انك مهم في حياة ناس ...دائما ما تنحسوو بالنقص فاش تنكونو بووحدنا ولكن فاش تنلقااو لي يعبي الفراغاات .. تسوو بالرضى التااام و الكمال نوعا ماا ..و هادشي لي وقع لأبطالنا .. لي ولاو تيحسوو ببعضيااتهم رووح وحدة في أجسااد مختلفة و بالرغم من البعد في المسافة بيناتهم و بالرغم من انهم مكيتشااوفقووش لكن قلووبهم دائما مجتمعين .. سليماان كيكوون مقاابل لاجونص ديالوو و العمل كي غااادي فييها و التيليفوون متيفاارقش يديييه .. حتى فالداار فااش تيكوون جالس مع الأم ديالو و خواتاتووو تيبقااو يتغاامزووو عليييه من هاد الشدة ديال التيليفووون لي ولات ملازماااه و متتفاارقووش .. اما احلااام خلااااص .. ولات تدخلوو معاااها حتال الطواليييط ..تعنس عليه وتصبح عليه ...

...

في صباح يوم من الايام ناضت احلام كتبتاسم لاحت عليها الغطى و كدندن و تحرك شعرها ... هزات فوطتها و دخلات خدات دوش خفيف بلا متقيس شعرها و قدات حاجتها ... مشات الماريو ديالها جبدات منو جينز ديلاڤي مع تريكو كول مونطي في الگرونة ... لبساتهم و هزات وراقيها و قبل متصبح على ماماها هزات تليفونها تصبح عليه لقاتو مصيفط ليها مسااج

- " good luck"...

فرحات ملی شافت مساجو وعرفاتو تفکرها ، صیفطات لیه مسج دیک ساع فیه صباح لخیر عاد خرجات عند مها لی کانت کتحط الفطور

احلام... "تلاحت جبدات لمها حناكها بالبوسان "... صباح الخير ماميشكو

فاطمة... صباح الخير حبيبت ماماها ... شفتك فرحانة و على غير عادتك

احلام ... حيت واخيرا غنمشي ندفع لد*ك المدرسة لي قلت ليك و ندوز المقابلة ..."هزات كرواسة و تمات قاصدة الباب"... شي دعيوة من القلب احبيبتي

فاطمة... الله يسر ليك ابنيتي و يسهل عليك ... خرجات احلام في اتجاه الطا**يات ... غير وصلات ركبات و عطاتو الوجهة ل فين غادة... دارت لي كيت ديالها تتصنت القران بيدما وصلات...مساافه الطریق وکانت فی وجهتها دخلات دیریکت الاستقبال لی صیفطتها لبیر لي غدوز ليها المقابلة ... كيف وصلات دقات و سمحات ليها بالدخول ...

الكاتبة... تفضلي جلسي

احلام... شكرا

...