تائه في حضره الموتي

الجزء الثالث

#الجزء_الرابع

أحلام.... نعام أبابا ..!! فاش بغيتيني

محمد .. المهم ابنتي .. خصك توجدي راسك .. و توجدي مع مامتك الرحيل من غدا غاتبداو تجمعوه .. مابقى لينا والو و نخويو هاد الدار ..

احلام: " عينيها خرجووو من الصدمه" .. كيفااااشش!!؟ ياك قلتي ليا عندنا عام عاد نرحلو!!

محمد: هادشي لي عط الله .."هز يديه للفوق" .. مور ما توفى الحاج .. الورثة عطاونا مهلة علم .. ولكن ولدهم جاي من فرانسا ق**ح .. و مكيتفاهمش .. بغا دار رااه اش نقول ليه ماعنديش؟! و نتي عارفاني كااري غا بالكلمة من الحاج الله يرحمو .. ما ممكاتب معاه ماعاطيني توصيل ..

احلام: ويلي ابابا فين غانمشيو و الدار مزال ما كملات ..

فاطمة: "الام" .. غانمشيو عند خوك .. راك عارفة حدا الدار ديالنا ..

احلام: "شدات فراسها".. الله يعطيه موصيبة مالو زربان.. مزال ما مستعدين نرحلو ..

محمد: اش عندك ما توجدي غاتجلسي مع ماماك تجمعو الرحيل و هذا ما كان و أنا غانخلص الناس لي غايهزوه و نخلص الكاميو و يعلم الله شحال من فياج غايهز و الطريق بعيدة ..

احلام: ولكن ابابا انا راه خدامة داكشي علاش ممستعداش للرحيل .. الخدمة مزيرة عندي مااشي وقت ما بغيتش نمنك..

محمد: د*ك الخدمة غير نساايها .. ماتبقايش ذكريها ليا حنا فين و الخدمة فين ..

احلام .."كأنه دلق عليها دلو مااء" .. كيي.. كيفاش .. لالا ميمكنش ابابا.. ميمكنش تحبسني من الخدمة ..!! انا مابااغاش نجلس فالدار ..

محمد: "ناض وقف".. الهضرة لي عندي راكي قلتها .. المشيا للخدمة من اليوم نسايها مسحيها من بالك ..

احلام .. ولكن ..

قبل ما تكمل كلامها انصرف و خلاها منشورة ..تتشوف فين حتى غبر و هي تشوف فالام ديالها ..

احلام .. واش بابا من نيتو!!!

فاطمة: احلام .. بنتي غاتلقاي خدمة فبلاصة اخرى قريبة و حسن من هاااد*ك كااع.. مكين لااش تقلقي .. حنا غانمشيو لدارنا خصك تفرحيي ملكنا و حد ما يتجمل علينا .. نوضي تعشاي نوضي ..

احلام: نتي مافاهمة والو اماما والو .. ماباغاش نتعشا العشا لي بقى لطاسيلتي ..

ناضت لبيتها تنطر و تنفخ و تصوط.. ما عاجبها حال هي نيت كاانت معصبة و كمل عليها باها بهاد الخبر ديالو.. هزات تيليفونها و اتصلات بسهام بكات عليها حتى تفشات .. و كي قطعات معاها دورات للنمرة ديال سليمان ولكن نفس الرد .. لا مجيبد .. غير العلبة الصوتية .. حطات تيليفونها و بدلات حوايجها عاد مشات تنعس بلا خاطر ...

......

داكشي لي بغا الاب ديالها هو لي كان .. ماتلاتش عتبات د*ك الخدمة .. تدهات هي و الأم ديالها فالرحيل و كييف اي وحدة تتبغي ترحل تتجبد الماعن كااملين تغسلهم ..داكشي لي دارت فاطمة .. تعاونوو على المااعن كاع غسلووهم و غلفوو ديال الزاج و لي غايتهرسو بالجورنال .. و الباقي جمعووه فالكراطن .. ثلااث أياام كااملة دوزااتهاا احلااام فالرحيل و الشقا دياللو .. و مرة مرة .. تهز التيليفون و تتصل بيه لكن لا مجيب .. تقلقات علييه بزاف ولكن ماكرهاتش يبان يقول ليها واخا غا السلام و يمشي .. و مع ذلك ما يأساتش و كل نهار تتصيفط ليه لي مييساج ..واخة متيجاوبش ..

كملو الرحيل و داه الأب ديالها سد عليه فالگراج ديال دارهم ..عاد رجع دااهم بالاوطو ديالووو لدار خوها ..لي كاان تيسكن فالقدس .. جنب الدار نيت ديالهم لي بناو.. كي دخلو لقاو .." مريم " الزوجة ديال خالد محضرة ليهم ما لد و طاب من الشهيوات .. تعشاو و جلسو فالصالون كيشربو اتاي ..

مريم: " حطات الصينية".. مرحبا بيكم.. شحال هادي ماتجمعنا ..من العيد يمكن ..

خالد: وايه من العيد ..

فاطمة: ههههه دابااا مطلعو لكم فالراس و تجريو علينا غا بلاتي ..

خالد: حاشى الواليدة .. ماعاش لي يجري عليك و ولدك فالحياة.. الى مهزااتك الارض نهزك فوق الراس ..

فاطمة: الله يرضي عليك اولدي.. يرضي علييكم كاملين يا ربي ..

محمد: انا قلت ليكم ندخلو لدارنا مابقى ليها والو و تكمل غير الفينيسيون .. ماكاملة تا خمسطااش يوم.. و مابغيتوش.. هههههه

خالد: وايلي الواليد تا نتا ما هضرة ما والو هادي ..لاش والدينا حنا

فاطمة: اوا هانتاا سمع على ودنيك قلت ليك انا ولدي ميفوتنيش ..

محمد: اوا الله يرضي عليك اولدي.. تا حنا ماغانتقلوش عليكم بزاف ..

خالد .. اودي غير تقلو براحتكم .."مد يدو عنكش لأحلام شعرها .. ياك لبااس !! مالك ساكتة .. و نافخة علينا قناانفك .. !!

احلام: "ابتسمات ليه بلا خاطر".. والو غير العيا

محمد: هاد*ك غضبانه حيت حبستها من الخدمة ..

خالد: وايلي!!

محمد: البعد بزاف و كيخرجونم معطلين .. منقدرش نغامر ببنتي راك عارف ااش كيطراا ..

احلام: راني كبيرة و بعقلي ابابا ..

محمد .. ماقلناشااي .. نتي بعقلك .. كين لي مابعقلوش .. و متهور ..

فاطمة: " طبطبات على كتفها".. الوقت خيابت ابنتي ..

خالد: "جرها لعندو باس ليها راسها" ..انا نضبر ليك الخايبة على خدمة حداك.. ياك بغيت غا تخدمي ..!!

احلام: "عنقاتو و زيرااات عليه".. الله يخليك ليا خويا حبيبي ..

مريم: اوا هانتي شكون بحالك يا لالة.. الخدمة غاتجيك تال عندك ..

احلام: هههه واييه ولكن خصني وقت طوييل باش نتأقلم مع الوضع .. هنا فالقدس ..

مريم: احبيبة هنا منطقة زينة و نقية دغيا غايعجبك الحال ..

فاطمة: قوليها ليها ..يا ختي انا رتاحيت مع الدخلة ..

مريم: اوا حلومة .. كين شي عريس شي راجل فالطريق ..?..

احلام: "زنگاتها قدام خوها و باها" .. لا مكين والو ..ناشفة

مريم .."حطات يد على يد" .. اوا يعطييهم العما هاد الرجال..

احلام .. هههههه غير خليهم ..ماخاصنيش اختي .. لا اريد من ذلك ..عييت .. بغيت نعس .. عطيني شي بيت نحط فيه عضامي الله يسهل عليك اختي ..

مريم: و حنا عاد بغينا نسهرو ويلي ويلي على الشيبانية ..

احلام: احياني مدازش عليك مداز عليا يا ختي .. دارت ليا فاطمة العقوبة ..

مريم .. ولاش تصلاحي هههه ..زيدي زيدي ..

جرات الفاليز ديالها و طلعات تبعات أحلام للطبقة الثانية حيت الداار كانت فيها زوج طبقات عاد السطح .. طبقة ساكنين فيها. و طبقة تيخليوها للضيااف سوا عائلتو سوا عائلتها ..ديما د*ك الدار مفرشة و مقادة .. دخلات احلام للغرفة لي موالفة تيعطيوها ليها فاش تتجي تبات عندهم ولا تزورهم .. و كيف بدلات حوايجها و ت**لات فووق النموسية تتفكر فحياتها لي تقلباات من نهار تشفر ليها الفون و من نهار بان الكووبرا.. ولات فشي شكل على عوايدها ..ولفاتو لدرجة هاد الأيام لي غبر عليها فيهم .. ولات عصبية و موحشاه بزاف. . موحشة كلامو و هضرتو ..أسئلتو ليها و خوفو عليها لي كيبان من نبرة صوتو .. الغبرة لي غبر عليها خلاتها تولي بلا خاطر .. يا ترى هل طرق الحب باب قلبها ام خلعه .. !؟

.........

عشرين يوم من الرتابة و الملل .. حسات راسها دخلات في اكتئاب .. حتى واليديها لاحضو عليها هادشي خصوصا بعد ما انتقلوو لدارهم و فرشو رحيلهم .. عاد انتبهو ليها اما فاش كانو عند ولدهم شوية بعدا كان تيحركها هو و مرتووو ..اما هي تتبقى غا فبيتها يا تف*ج و عقلها فجهة اخرى يا شادة داك التيليفون تتصل بيه و تصيفط لو لي ميساج .. بقات على د*ك الحالة تا شافت رسها غادية فالضياع و مابقاتش حاملة جلسة الداار ..فاقت نهار الحد علمات وليديها انها غاتخرج مع سهام و غايتلاقاو فالمدينة يدورو و ديفولاو شوية و حطات فبالها انها تشوف الكووبرا .. ضروري و مؤكد .. بأي ثمن خصنا تشووفو .. واخة تعرف دخل لييه لداك الدرب ليي كلو قطاطعية واخة كانت مترددة شوية من الفكرة ..

اما واليديها..مكاانش عندهم اعتراض لأنها غاتخرج بالنهار و اصلا عارفينها كانت محتاجة د*ك الخرجة و عارفين ان سهام تتفاجي عليها .... لبسات حوايجها لي كانو عباارة عن كولون فالگري .. مع بودي أ**د و جاكيط ديال الجينز طويلة حد الركبة خلاتها مفتووحة .. و سبادري فالأ**د ..جمعات شعرها كعكة و صايبات وجهها ..دارت مع سهام فين يتلاقاو باش يمشييو للكافي لي حااطة فبالها يفطروو فيها... شدات بتي طا**ي و اتجهات ديريكت لمكان لي فيه سهام تتسنا.. لقاتها واقفة و حدا البنك الشعبي... مشات ليها ديريكت ..

احلام: " تتعني و تعاااود" .. اححح يا ختييي تووححششتك ..

سهام: " بادلاتها العناق".. ياختي غادية لشهر ماتشاوفنا ..

احلام: أنا بعدا كنت مكتائبة كاع ما تقولي علاش ..

سهام: "شدات فيها من دراعها و تحركو .." ..علاش مال زييين .. ياكما سيهم سليمان!!!

احلام: " حركات راسها بالايجاب".. هو .." دخلو للكافي لي كانت نيت قبالتهم شدو طبلة جلسو فيها.." .. و حياتي لي تشقلبات .. مابقاات لا خدمة لا والو ..تحولنا من دارنا لي موالفاها من دربا لي موالفة .. اااه "حطات يدها على حنكها" ..و لكن توحشتو منكذبش عليك ..ولفتو بزااف .. واخة غا فالتيليفوونو مي ولفتو ..كنا كل نهار تنسهرو تال اشمن وقت فالتيليفوون بالهضرة.. و نضلو نصيفطو لبعضنا ميساجات ..??... ..

سهام: ويليي على الهبيلة .. ماتبكيش عافاك ..شوفي ..انا من رأيي.. إلى مابغاش يدوي معاك صاافي.. نسايه اصلا مابينك و بينو والو.. لاش مبرزطة راسك بيه ..

احلام: تصدقي.. انا جاية دابا لهاد الكافي بالضبط علاش !! علاش جيين بالضبط لفينيزيا ايس .. حيت عندي امل نلقاه هنا . هه .قلت مع راسي مدامو جابنا المرة الاولى لهنا.. سوو غايكوون متعود يريح فيها .. ولكن .. كيما تتشوفي .."وراتها المكان بيديها"..مكينش .." تن*دات".. سهاام .. فاش بعد عليا.. وليت تنحس بشي حوايج فشي شكل .. ماكنتش تنحس بييهم و هو قريب ..معرفتش .. مايمكنش .. نكون معتبراه خويا .. شي حاجة كثر أسهام ..شي حاجة قوية بديت تنحس بيها ..معرفتش ..فالاول كان انجذاب .. دابا معرفتش .. معرفتش .." شدات فراسها ..." ..

سهام: "مدات يدها شدات لها فيدها"..احلام .. واش بصح هادشي.. الصكعة طحتي فيه؟؟ لا ..افف ..

احلام: "دموع بغاو ينزلو ليها و تتحرك راسها بنفي" .ماشي لخاطري ..ماشي لخاطري ..

قاطعهم السيرفور لي جاب لهم داكشي لي طلبو .."

سهام: دابا هاد الاسئلة لي فرااسك كاملين هو لي خصوو يجاوب عليهم.. باش ترتاحي ..

أحلاام: "جمعات الكريب ديالها لواااتو و عضاات فييه مغددة".أسئلتي كثاار .. وااه فجاة ضهر فحياتي و فجأة اختفى منهاا..ماشي من حقوووو ..?

سهام: شنو الطريقة باش تشوفيه .. معرفتش علاش ساد تيليفونو مفهمتش ..بنادم كيتفاهم غا بالعقل و هو كي الدراري الصغار تفگع ..

احلام: "حنات راسها".. سهام انا ضروري نشوفو ..واخة نعرف ندخل لدربوو .. ماسوقييش ..

سهام: والله ما تكلسي تانوريك تدخلي لدربو .. كيفاش دربوو باغية دخلي لدرب كلو شماكرية و قطاطعية!!!بااغة دخليي تشرملي رااه يغتصبو حسك و يلوحوك للكلاب ياكلوك ..

احلام: سهااام.. ماتحاوليش تخوفيني.."زيرات على يدها باصرار"..غان غانمشي نشوف سليمان هي غا نمشي نشوفو و بغات توقع توقع..

سهاام: أحلاام أنا خايفة عليك ديري هادشي فبالك ميمكنش ليا نخلييك تدخلي بووحدك ..غانمشي معااك وليليها ليها ..

احلام: لاااا..غانمشي بوحدي و غاندخل بوحدي انا باغة ندوي معاه هو و يشوفني داخلة لدربو مخايفة من حد على وديتو هو ...

سهام: " جركات راسها بنفااذ صبر".. الله ياربي غطرطق ليا المرارة ..ديري لي عجبك احلاام ولكن إلى ماتصلتيش بيا و طمنتيني علييك غانصيفط البوليس. .

احلام: "جابت ليها الضحك" ههههه ألاه يمسخك ..عرفتي أش غايقولو ليك ..ياك هيا لي دخلات برجليها إوا لاش جاية مبرزطة لنا مخنا. . هههه

سهام: اووف ..المهم طمنيني عليك ..و أكيد سليمان ماغايخلي حد يقيسك الى عرفك فالدرب ..

احلام: "حركاات رايها بالايجاب".. اكييد ..

كملو فطوورهم و شدوو گلاص .. واخة الجو بارد ولكن تشهاوه. . خرجو من الكافي و دوزو وقيتة زوينة تيضورو فالمدينه من محل لمحل .. حتى وصلات وقت الغدا دخلو لسناك تغداو فيه و تما تفارقو..سهام مشات لدارهم تتوصيي و تعاود و خاطرها مامهنيهاش .. و احلام مشات في اتجاه درب فين ساكن الكووبرا و رجليها تيقفقفو بالخلعة ..كل خطوة تتخطيها تترجع ليها ذكرى اول لقاء .. تشجعات و دخلات .. للحي لي مكيقد حد يدخل ليه .. و كل ما هي غادية تقرب و العيون عليها و تيتفحصوها هي غادية كارزة على صاكها و عاضة شفايفها.. ماجات فين تخطي خطوة اخرى .. حتى وقف عليها واحد طويل كي العام اما العرض بلا مندويوش عليه مشرطين كاع يديه و فوجهو سيكاترييس شاد ليه نص الوجه.. حوايجو ديال المشرملين باين من الطيارة ..

الشمكار: "تيحك فلحيتو لي مي**ابش و تكلم بصوت ثقييل و غليض".. داخلة تسرحي گسييبة باك المعطي.. فيين غاادة اختي ..

احلام: "شداتها الرعدة و القفقافة" .. هننن اننن ..ددااخلة .. عنند ..بب.بغييت سليماان .

الشمكار: "سمع سليمان توگض" الكووبرا؟؟؟

احلام .."حركات راسها بالايجااب".. ااه ..الكوبراا ..

الشمكار: "قرب ليها كثر و هي تغمض عينيها و قفزات" شكون نتييي!!!

احلام: انن .. وااععع .. انااا أحلاااام احلااام ..

الشمكار: "فلحظة وحدة بعد عليها".. عقلت عليك ..سمحي ليا الخوادريه ..خلعتك ..سمحليلنا

احلام: "باغية غير تفك منو".. هانية هانية مادرتي لياا والو ..

صفر زوج خطرات و هو يجي واحد البرهوش نقز من السور ..

الشمكار: وصلها للخزانه ..دابا طير .. " شاف فاحلام" تبعيه غايوصللك

داارت داكشيي لي قاال لييها بدوون تردد و غاادية و تحمد الله انه طلقها و خلاها تمشعيي ..تمات تابعة الولد حتى وصلها لقدام خزانة بيضاء كبيرة ..

هاهي الخزانة مد ليها يدو .." البراكة فراسكم اختي ؟؟..غيير سمعات الباراكا فراسك مشا بالها ديريكت لسليمان و هنا فسرات غيابو علييها هاد المدة كاملة .. بلعات ريقها حساتو نشف .. و عينيها بغاو يدمعو.. فاش سمعات د*ك الهضرة ...

#يتبع

#الجزء_الخامس

°•°•°•°•°•° فلاش بااك °•°•°•°•°•°•

قاالها معصب ض*ب تليفوونو مع الارض حتى تشتت وهرس لبیس..، مبقااش تحکم فشنو کیدیر ...حس براسو من ورا کلامهاا فارض نفسو بزز علیها وكل مكتكررها كانها كتقووليه خاص تكوون مساافة بيني وبينك ..نسات بلي رسايلها معاه طمعااتو وخلاتو يبقى يفكر غیر فیهاا ، شعل گارو وخرج کیطل من شرجم کیحاول یبرد فجأة سمع صرااخ عالي ....وختو كتنادي عليييه ....

"سليماااان خويااااا عتق عتق "

خرج عينيه ونزل على وجه السرعة لطابق لي تحت منوو....كينقز في دروج مهامووش رااسو دخل وعلى عينيه علامات استفساار

سليماان...." بانت ليه موو جالسة الارض وخاشية وجه راجلها في حضنهااا تلاح على ركابيه هز وجهو لي عامر دم بين ايديه وعينيه كيدورو شمال ويمين بين خواتاتو باغي يعرف شنو وقع

اشنووو وااقع ماالك ابا عزوز منين جا هاد دم ...

مليكة..."كتبكي ".....تقيااه اولدي ..

" حس بالخلعة انفواا سمع كلامهاا "......کیفااااااااش؟؟؟

شيمااء.....خاص باا يمشي سبيطار اخوويا نعطي لاسعاف ..

سليمان ..."حرك راسو بنفي "...اشمن خرا نبقاا نتسنی فییهااا تا تجي طلعي جيبي ليا سوارت طوموبيل وشي حاجة لبسها في رجلي ..."وجه كلامو لصفاء ودار شاف في بااه لي كان محدو كيحب والدم كيخرج من فمو "........

عبد العزيز.....غاا خليوني كحكح...عارفيني مكنحملش طبيب ...

سليمان...."منرفز"....ولشنو بااغي تموووت !!

عبد العزيز.....شتي انا اولدي كحكح الا مشيت سبيطار عاد غنموت ...." كيدوي بصعووبة بسبب الكحه لي كتجيه "...

- مليكة.....اعبد العزيز باراكا من تخارف و نووض عونا نهبطوك لتحت..."بدات تعافر معاه توقفو تا حبسها ولدها "...

سليماان.....الله يهديييك امي......."جلس قفازي وعطى ظهرو لباه "....ركب اعزوز ركب..!!

عبد العزيز...."كيتكمل بصعووبة "...غنت قل عليك اولدي عيط عل على دراري يعونوك...

سليمان...."بدون شعوور غوت "...دير كيف قلت ليك عونوه نتوماا .."بالفعل تعاون كل من شيماء ومليمة وركبووه على ظهر سليمان...هاد الاخير لي جمع ايديه بايد وحدة واوخرا مكاليه بيها....نزل حفياان في درووج كانت سابقاه صفاء لي حلات سيارة دخلو ليهاا وقاد ليه سمطة .الدرب كلشي تجمع عليهم...

- اش واقع !! مال سي عبد لعزيز يااك لاباس ...!!

" مجوب حد كان كل هموو يطمن على باه ركبات مو وختو شيماء لور و**يرة ديريكت لاقرب كلينيك ليهم

صف سيارتوو وبدا يغوت تاجابو نقاالة غاادي بلا عقل شاد فايد بااه لي كان كينين وكل ماا كيزيد يكحل دخلووه على وجه السرعة المستعجلات باش يكشفوو علييه ...

مليكة...."كانت كتنخصص وشادة شال راجلها بايديه ".....ياربي نكون كنحلم يااربي هء هء ...ياربي متورينيش شر فمولا داري ...

سليمان..."قرب لعند موو عنقها مزير عليها "....نعلي شيطان الواليدة مغيكون عندوو والو ...

مليكة....لا اوليدي لا متضحكش ليا طبيب قالها ليه شحال هادي..قاليه بعد من بلا راه هلك صحتك وغيجي نهار لي غتطيح فيه وااقف...

سلسماان...."صااط بسخط وعمل ليها اشاارة بمعنى غاا طمني مغيكوون والو ...

ساعات الانتظاار دازو عليهم طواال.....خرج طبيب نيشان مع اذاان الفجر...

" الله وأكبر "..

سليمان..."توجه ناحيتوو " امدراا ، شنو عندو..

- نتا ولدو....!

سليمان....."كان على اعصاابو قابل للاشتعال "...اش بان ليك ?

- مهم منقدر نقووليكم داابا واالو تاا نتاكد من شك لي في بالي...

سليمان..."رفع حاجبو "...اما هوو ؟؟

- سرطان الرئه... سليمان كيف سمع سرطان الرئة شد في راسو و تبلوكا مبقا معرف راسو ميقدم و لا يوخر ...

سليمان... شنو خاص يدار دابا

طبيب... حاليا باقي متأكدناش لكن نحطك في الصورة اولدي هاد الأعراض لي شفت و لي قاليا هو بنفسو كتعطيني 90% بلي عندو ..."طبطب ليه على كتفو " نتمناو خير ... كيف تحرك خلا سليمان دايخ اش غيدير الى كان عندو مبغاش يتيق و هو عارف بلي داكشي لي قال طبيب هو لي غيكون ... هبط الجردة و جلس تحت واحد الشجرة و كيخمم و يدعي في خاطرو ... بقا على د*ك الحال تا صونات ليه ختو خبراتو بلي الطبيب بغاه ...ناض من بلاصتو و هز راسو السما زفر بجهد و طلع كيجري..

سليمان..."دخل مربع ايديه "... امضرا اش كاين ؟؟

الطبيب... تفضل معايا اولدي المكتب غير بوحدك ... داكشي لي كان تحرك معاه كيف دخلو لمكتب و سليمان كيتسنى الطبيب يتكلم

الطبيب... بعد ما درنا ليريم باش نشووفو واش صحيح انو المرض كاين ... للأسف المرض عندو و عندو قديم و في مراحل متقدمة

سليمان... احم كيفاش مراحل متقدمة واخا تشرح ليا اكتر

الطبيب... شووف اولدي حضر معايا عقلك و كون راجل ... الاب ديالك مبقا ميدار ليه المرض في مراحل متقدمة بزااف ...

سليمان... و شنو نقدرو نديرو ليه واخا يكون 1% من الامل غنشد فيه ....واها نظيه لبرا مستعد نبيع كلشي على ودو غاا متگوولش هاد الهضره

الطبيب... سمع اولدي دي الاب ديالك و تهلاو فيه و بلا متمحنوه في السبيطارات ساهل نگولیک ندیر لیه هادی وهادی ونعطزک امل ولکن فی حالتو مسکین غا نتعداو علیه بدرجه اللوله ... ولي نصحك بيه حاليا و هو يقطع الگارو... غيبدا يحس بالام في العظام ديالو و ديق في التنفس غنوصف ليه مسكنات يعاونوه

سليمان... "کیمسح تصببات العرق لی باانو فی جبهتوو".... نقدرو نديرو ليه لاشيميو او لاغاديو تيغابي

الطبيب... لاشيميو اولدي غيدوز جوج حصص مغيدقش يكملو ... اما لا غاديو تيغابي فغادي غير تخسر فلوسك اودي ... سير اولدي تهلاو في الاب ديالكم و متمرمدوش في السبيطارات

سليمان... " شابک صباعو "... بغيت نسولك وجاوبني بصراحة،شحال يقدر يبقى بقوتو ؟! او بالأحرى شحال بقا ليه معانا !؟

الطبيب..."حدر راسو و تكلم"... بالنسبة لهاد المرض فمولاه مكيطولش ... ولكن الاعمار بيد الله ...

استأذن سليمان من الطبيب و خرج عند مو و خوتاتو

مليكة..."مشات تتجري عندو هي والبنات"... امدرا اولدي اش قالك

سليمان... والو الوليدة غي تهناي ...خاصاه غير الراحة و يقطع الگارو و ها هو مزيان... زيدو نمشيو عند با عزوز زيدو ... مشاو قصدو غرفة الاب ديالو لي لقاو فايق و كيتسنى فيهم ...

عبد العزيز... "و كأنو حاس و عارف راسو اش عندو"... اش تم راه معندي والو غير تخلعتو على والو... "تحركت عندو مليكة و جلست جنبو "

مليكة... يهد*ك الله يا هاد الراجل و قطع عليك هاد الهم اش بغيتيه ...

عبد العزيز... تانتي موت وحدة لي كاينة

سليمان... "قلبو تزير "... وايلي ابا عزوز مالنا على هاد الهضرة تا قطعو غا شوية ورجع ليه

عبد العزيز..."شاف ليه في عينيه و شافو ماشي حتى لهيه "... ولدي مالك بنتي ليا ماشي على برجك

سليمان..." نزل باس ليه راسو"... اش غيكون بيا ، غا كنفكر كيفاش غتكون الحرب بيناتنا على الگارو ...

"ضحك معاه و مشا عندو يعاونو باش يخرجو... داكشي لي كان داو عبد العزيز يرتاح في الدار وقرر سلیماان یحتافظ بسر مرضو ومیقوولها لحد ، قرر یتعذب هو ومیعذبش ناس لی دایرین بیه ...

دازو ايام و حالتو كتدهور و فين ما مليكة تتقول لسليمان يا الله نديوه لطبيب كيقوليها داكشي غير من الگارو لي قطع دوز مدة غيرجع حسن من اللول ... و هو عالم بيه غير الله عیاات یجري في اكبااء ولي قالو هادا يعيدو لاخور .. نعاس مبقاش كينعسو عارف شي نهار يجي يطل عليه غيلقى مول الأمانة دا امانتو ... و فعلا صبح صباح مشات مليكة تفيق عبد العزيز

مليكة ... "تحنات قاصت ليه راسو لقاتو بارد بحال تلج "... عبد العزيز تا فيق خاصك تشرب دواك...

ولا مجيب عيات متحرك فيه... وبدات تغوت و تعيط لسليمان... هاد الاخير لي غير سمع الغوتة طاحت دمعتو و عرف باه غادر لدار البقاء ... هبط كيجري لقا مو تتريش في راسها و خوتاتو متشوفيش فيهم ... تحنى سليمان باس راس باه وغطاه و خرج مو و خواتاتو وخرج على برا تا لقا كل شي مجموع والخبر تنتاشر وماهي الا سااعة وتم دفن سي عبد العزيز وتم نصب الخزاانات

محسات براسها تاا دخلات وسط نااس لخزاانه ، کانت متلهفه ومرعووبه وعینیها کیبریو بدمووع .. کتقلب علییه وکتطلب فی سرهااا بلی یکون بخیییر ..عاضه علی قنانها بتوثر لکن لا اثر لیه الشیء لی خلاها تقرر طلع لدار لمووت تسول بنفسها وتبرد نارهااا الدورة لي غدوور جااا وجهااا في وجهوووو ....

احلام....."بتااسماات تا بانو سنانها " ...الحمد لله نتا بخييير ...

سليمااان...."خنزر فيها "......احلام اش كدييري هناااا ؟؟

احلام....." مكانتش متوقعة هاد ردة الفعل بلعات ريقها ودوات بصووت خافت "...يااك لاباس شكوون توفى ....

جرهاا برا لخزاانة كان خاشي ايديه في دجاكيط دياالو وكيشووف في الارض وكيلعب برجليه بعصبية "....

-باا عزووز ..الواالييد لي توفى ...

احلام..."غمضاات عينيها متأسفة ليه"....لبركة فراسك " حطات ايدها على كتفو كطبطب عليه " ...الله يرحمو يااربي...

سليمان....."كتفى يحرك ليها راسو "

احلام.......امتى توفى مسكين....؟؟

سليمان ......ليوم في صباح....

" بغات تدوي وقاطعو سرباي من لي معينين باغي يستاشيرو..."....مهم راه داار طلعي فووق عند نسااا ....

" مشى وخلاها بقات واقفة شحال مترددة واش طلع ولا لا ...وفي الاخير توكلات على الله ...كاانو طبقات گاع عامرين شي كيشقى شي کيبكي وهي داخلة وسطهم معارفة تا واحد....بقات تدور في عينيها تاا بانت ليها ماماه من اللبس الابيض لي لابسة مشاات لعندها وعزاتها واخا لقاتها مرفووعة وكتعدد

احلام...." لقات بلاصة حداها بزز جلسات وسلمات علیها وبدات تواسیها"....صبر اخالتي صبر الله يرحمو ياربي ...

مليكة........."كتض*ب في ص*رها وتغوت " ....مشاااا زمااني مشااا ، هء هء يااك اعبد لعزيز ياك

احلام....."دورات راسها عند مرا جالسة بجنيها "...باش مات مسكيين ...؟؟

- السرطاان ابنتي ?

احلام......" تن*دات "..ان لله وان الیه راجعون..

احلاام بطبعها حنینه وکتآثر مع اي حاجة لي شافتو بكى تبكي معاه ، بقات معاهم سويعات كثيرة كتصبر خواتاتو لي عرفاتهم وتواسيهم واخا الکل معارفينش شكون هي ولا منين جات لكن هادي هي العادات المغربية المووت لغريب ولقريب كيجييو ...

شاافت سااعتها لقاات الوقت تعطل كيخصها تحرك لدارهم سبغتو عندها مساافة تاع طريق ستأذنات وخرجاات في طريقها لقات سليمان جالس بعيد شوبة على ناس داير كرسي وكيكمي وهي توقف عليه ....

احلام...."حنحنات تا هز راسو فيها ".....صرااحة معرفت منقوووليك ، بقى فيا مسكين ولكن هادا هو المكتووب تا واحد ميقدر يغيرو ...

سليمان...." مكيشووفش فيها "...داكشي لي كااين

احلام....." تعصباات من هاد تجاهل لي داير ليها "...سليمااااااااان واش مبقيتيش باغي تدوي معايا، شفتک بلگرام كتهضر ...

سليمان...." لاح الگارو وعفس علیه ووقف شافیها " .....کییف بغیتینی نهضر اختی ..."خنزر فبه تا خلعها ".

احلام...." فهمات قصدو " ...اوک سمح لیاا خلیتک علی خییر ..

تمات غادا کتزرب فی المشیه وحاسه بالخنقه والبکیه واحله لیها فی الحلق محسات بدموعها تا دازو ....

بدات تمسح فیهم وعینیها فی الارض فجآه تساطحت معاه هزات راسها بخووف وفزع یسحابلیها شی حد

احلاام....."حطات ایدها علی قلبها وعینیها علیهم اثار لبکی " ..

سلیمااان.....علااش کتبکي ...

احلام.......واالو

سليماان....."شدها من دراعها "...سمعيني نقووليك واحد الكلمات انا حاليا ماشي في وضع لي نتحاسب ولا نتناقش واصلة بيا هناا..."حط ايدو على حلقو "...

احلاام.......عاذرااك تا انا مقلت ليك والو

سليماان......مهم مزيان ملي جيتي بغيت نقوول شكراا ...

احلام....." برضى "...ماشي مشكيل

بلعات ريقها و شاافت فيعييينيه وااخة كان مزلهم ..حساتو متألم بصح .. بااينة من كتاافو الطاايحيين ..و بااينة من رااسو لي كيشووف غير التحت بااش ميبييينش الألم ديالو .. بدوون شعور ..دفعاتها العاطفة ديالهاا و شداتو من يديييه .. و فاش ماتجاوبش معاها .. عنقااتو ..عنقاااتو و زيييرااات عليييه ...لعلوو يحس بشوية ديال الرااحة .. بقاات مدة على د*ك الحالة حتى حسات بيديه على ضهرها لواهم علیها بدوروو و زااد ضمها لعندووو ....زوج دقايق كااملة و هوما هكذاااك .. حتى بعدها علييه و بقى كيشووف فيها ..

احلام .." ابتسماات بتوثر و رجعات اللور .." ..سليماان ..خصك تعرف .. ان القرح مكيدووم لحد ..و الفرح مكيلازم حد ..الوالد ديااك الله يرحمو .. البرااكة فالواليدة .. و خواتاتك ..الله يخليهم ليك .. خصك تفكر بإيجابية .. و الى بغييتي تحس بالولید ديالك قريب منك .. دير الحواايج لي كان تيبغي يشووفك ديرهم .. كوون كيف هو كان تيبغي يشوفك .." مدات يدها و زيرات على يدو" ..هكذا غادي تحس راسك قريب ليه ..خصص ليه وقت للدعاء كل نهار .. وادعي معااه بالرحمة ..هكذاا غاتريحووو و تريح الحزن لي فقلبك ..

سليمان .." كيشووف فيها منطقش .." ..

احلام .." ابتسمات ليه " ..انا معاك ..واخة تعاملني بجفاء .. انا معاك .. ديرها فبالك ..وااخة قطعتي كاع وساائل التواةصل لي بيني و بينك .. انا معااك .. غير تفكرني غاتلقااني معاك .. " شيرات ليه بمعنى بسلامة" .. خلييت لييك الرااحة ..

" مشااات وتبعها لیها لعین شویه غوت علی دري من تماا ....

سليمان.....سير بقى وراها تا تركب ورجع بلاما تحس بيك ، ووصي خوتنا هادي يفووتوها عليهم

في قانون الحب كيقوولو انه مكااينش شي واااحد من غيير لي يبغييك كينتبه لنظراتك الشااردة و افكاارك المثقووبة يقدر تخدع العالم كاامل انك بخير و حالتك مزياانة رغم كوولشي ، ولكن لي تيبغيييييك تيحس بيك و تيحس بشنوو فقلبك و شنوو بدااخلك وااخة كيكوون مجرد شك ولكن قلبوو هو لي تيعلمووو هاادشي لي شاافت أحلاام فعيووون سليماان شاافت حزن دفيييين و رجل مهدووووود من الدااخل و ماا أصعب حزن الرجااال

كملاات طرييقها في اتجااه الشارع الكبيير لي منوو شداات طاا**ي حمرة باش تمشي لداارهم حطاات يدهااا على قلبهااا و تن*دااات داك الاحساس لي حساات بييه و هي مااشية فالطريييق مكانتش موالفة تحسوو قلبها كان تيض*ب فالتسعيين لحظة ما عنقااتو تمنااات العالم يوقف من أجل هد*ك اللحظة تمناات تبقى بين دراعو تساائلت في نفسها شنو هاذشي بااش حساات

قلبها بدا يض*ب فمعدتها كي شافتو و الطريييقة بااش تخلعااات علييه فالاول اللهفة لي كاانت فعيوونهااا و الحزن لي حساات بيييه فاش قاا**ها بجفااء مكانتش متوقعاااه عيوونها لي دمعو فديييك اللحظة و الظعف لي حسااات بيييه كي شاافت الحزن فعيوون سليمااان هادشي كلو الى قصااتو على أي وااحد واخة يكوون جااهل فالحب غايقوول لها انها كاتبغيييه فالمدة لي تعرفاات عليييه كانت تتقنع رااسها انو خووها فاات شهر و الزياادة و هي تتقوول انه انساان طيييب و حاماا علييها اذاا راه خووها لأنه حتى وااحد مكاان غايدير د*ك شي لي داار من غيير الأخ لكن فاش يعد عليها بسبب هاد الموضووع نييت و فااش قطع معاها الاتصاال حساات براسها تتوحشو حسااات بالكآبة و اياامها ولات مملة بدون ماتسمع صووتو او حتى يوصلها ميساااج منوو حساات روحها تتبغيييه بصح مااشي غير كلام

وقفهاا مول الطا**ي قدام الباب كي طلباات منو خلصااتو و اتجهاات ديريكت لدارهم حلات الباب و دخلات لقات محمد وااجد لييها و مخنزر ..#يتبع .