Irene
Nanlambot ang aking tuhod at tila binuhusan ng malamig na tubig ang aking talampakan. Napaupo na lang ako sa kama habang ang mga luha ay sunod-sunod ang pagpatak mula sa aking mga mata.
Paano na? Anong gagawin ko? Totoo ba ito? Totoo bang wala na siya? Wala na si Clara?
Tila napakabilis ng pangyayari, noong nakaraan ay kausap ko pa siya ngunit ngayon, wala na siya, wala na ang babaeng tumulong sa akin at sa aking ina.
Mariin kong tinakpan ang aking bibig upang hindi lumabas ang mga hikbi, ngunit kahit nakatakip, hindi pa rin maiwasan ang hindi tumakas ang hikbi mula sa akin.
Ano nang mangyayari sa akin? Ano nang mangyayari sa pamilyang ito?
Napakaraming tanong ang tumatakbo sa aking isip. Litong-lito ako ngayon sa mga dapat kong gawin at tila naubusan na ako ng paraan. Hanggang
