"Daphne, nandito si Quentil!" Napahinto ako sa pagpapatalbog ng bola nang marinig ang sigaw ni Pauleen.
Nilingon ko siya at kinunutan ng noo. May tinuro itong direksyon at sinundan ko 'yon ng tingin saka nakita nga si Quentil na nakatayo malapit sa pintuan ng court.
Kumaway siya at bahagyang ngumiti.
Nag-hand gesture ako ng wait lang at binalik muna sa basket ang bolang ginagamit ko. Lumapit ako sa kanya at kumaway rin.
"Hi," casual na bati ko.
"H-Hi... Daphne..." Mukhang nahihiya siya ngayon.
Sabagay, sino ba namang 'di mahihiya kung panay ang "yiiieee" ng mga volleyball teammates ko. Actually, nitong nakaraang linggo lang din sila ulit nagpunta rito.
Tapos na naman kasi ang laro namin, panglibang na lang talaga at pampalipas oras kaya pa ako nagpapatuloy sa training, free d
