SUNDAY BLUE met a man.
Kahit na alam kong masaya si Sunday Blue sa kinaroroonan niya sa kasalukuyan, hindi ko mapigilan ang aking sarili na bisitahin siya kapag may pagkakataon upang siguruhin na hindi nga siya napapahamak. Madalas niyang kausap si Tilly sa video chat. Ikinukuwento niya sa bata ang halos lahat ng nangyayari sa kanya sa Finland. Madalas din siyang magpadala ng kung ano-ano. Mga laruan at damit para kay Tilly at maraming nakaboteng pagkain at spices para kay Bea. Dahil sa masasayang kuwento at magagandang larawan na ipinapadala ni Sunday Blue, nagpaplano na ring magtungo sina Mommy at Daddy. Natutuwa akong marinig na nagpaplano na uli sila ng bakasyon. Kung matutuloy, sa Finland ang unang bakasyon nila pagkatapos kong sumakabilang-buhay.
Hindi ko alam na kaaaliwan ni Sund
