KINAGABIHAN, kinatok ni Bea ang silid ni Sunday Blue. Naghahanda na si Sunday Blue sa pagpasok sa bar.
“Kailangan mo ba talagang magtrabaho sa bar?” tanong ni Bea habang pinapanood ang pagbibihis ni Sunday Blue. “Medyo nag-aalala lang ako sa `yo. Hindi ka gaanong nakakatulog. Saka delikado ang pag-uwi sa atrasadong oras ng gabi.”
“I’ll be fine, Bea,” tugon ni Sunday Blue. Mababakas uli ang hindi niya pagiging komportable sa ekspresyon ng kanyang mukha. Naniniwala akong masasanay din si Sunday Blue sa pag-aalala at concern ng mga taong nakapaligid sa kanya.
“Be extra careful.”
Ginawaran ng banayad na ngiti ni Sunday Blue si Bea. “May dala-dala akong pepper spray palagi.”
“Mabuti naman.” Bumadya ang pagkailang sa mukha ni Bea. Waring may nais siyang sabihin ngunit hindi niya masabi. Hi
