"PASENSIYA ka na pala kay Sir Apollo," nahihiyang wika ni Brielle kay Doc Trevor ng ihatid niya ito sa labas ng bahay ni Apollo nang magpaalam ito na aalis na. Babalik pa daw kasi ito sa ospital kung saan ito nagta-trabaho. Gaya ng sinabi nito kay Apollo kanina ay may pinuntahan daw ito malapit sa bahay ni Apollo kaya naisipan na din daw nitong bumisita do'n. Siya na nga ang nahihiya sa inaasal ni Apollo sa lalaki dahil kahit na sa busy ito ay nagawa pa nitong bumisita.
Hindi man lang kasi nito nagawang maging grateful sa pagbisita ng kaibigan nitong si Doc Trevor do'n. Talaga kasing ipinakita at pinaramdam nito kay Doc Trevor na hindi ito welcome sa bahay nito.
Sa ilang oras kasi na pananatili ni Doc Trevor sa bahay ni Apollo ay hindi maipinta ang mukha nito. Ilang ulit nga ding sinab
