-------
***Athena’s POV***
-
“Are you okay?” pagkaalalang tanong ni Atty. Villa Rosa sa akin, nasa loob na kami ng kotse. Magkatabi kaming nakaupo sa backseat. May sarili s’yang driver na s’yang nagmamaneho ng kotse.
“Opo Atty. Villa Rosa. I am just fine.”
Kahit kalmado ang boses ko, alam kong nagsisinungaling ako kay Atty. Villa Rosa. Hindi talaga mabuti ang pakiramdam ko. Namimigat ang buo kong katawan, at parang may nakadagan sa dibdib ko. Sunod-sunod ang paglanghap ko ng hangin, pilit kong nilalamnan ang aking baga, pero para akong nauubusan ng hangin. Parang hirap na hirap akong huminga.
Ang makita silang lahat pagkatapos ng napakaraming taon ay muling nagpaalab ng mga mabibigat na emosyon sa puso ko. Hindi ko inaasahang ganito kabigat ang mararamdaman ko, pero heto ako, halos
