Hindi pa namin nasosolusyunan iyong problema kahapon. Naabutan na kasi nang uwian ng mga empleyado. Hindi rin ako nagkaroon ng magandang tulog. Halos hindi nga ako makatulog kakaisip doon.
Papasok na akong muli sa opisina. Nananalangin na sana ay maging maayos ang lahat. Ang balita ko ay didiretso na raw si Jun sa MICP para maaga niyang makausap iyong examiner. Sana naman maayos na at huwag nang makaabot sa nakatataas. Mukha pa namang hindi kami bati ngayon.
Nang makapasok ako sa opisina ay inaasar agad ako nina Louie at Cris. Alam na ata nila ang nangyari sa MICP. Hindi nga lang nila ako maasar nang lantaran dahil hindi naman alam ng lahat na may ilegal na ginagawa ang kompanya.
Buong umaga ay wala akong ibang ginawa kung hindi ang makipag-usap kay Jun. Minsan pa nga ay lumalabas ako a
