Nakarating ako sa ospital kung nasaan si Hyacinth matapos ang matagal-tagal na byahe mula Sicily.
“Nasaan si Hyacinth?” Tinangka kong pumasok sa ICU na sa tingin ko ay kinaroroonan ni Hyacinth ngayon. Pinigilan naman agad ako ni Gio na lumapit doon.
“Kumalma ka nga Silas. Nasa ligtas na kalagayan na si Hyacinth. Natamaan siya sa may balikat at sa dibdib, but nothing serious. Mamaya lamang ay ililipat na siya ng kwarto,” pagpapaliwanag sa akin ni Hati na siyang nagpakalma sa akin kahit papano.
Parang doon lamang ako nakahinga nang maayos. Pakiramdam ko ay nakalimutan kong huminga sa buong byahe ko galing Sicily patungong Pilipinas dahil sa pag-aalalang nararamdaman ko para kay Hyacinth. Nilapitan ako ni Ara at agad akong niyakap. Mas lalo namang gumaan ang pakiramdam ko.
“Sinong may gaw
