CHAPTER 15
THIRD PERSON POV
Sa unang pagkakataon, hindi na inalam ni Emmanuel kung anong mga kalokohan ang ginagawa ni Kikay sa paligid. Hindi dahil wala siyang pakialam, kundi dahil napagtanto niyang pagod na siyang makipagtalo sa babaeng iyon. Sa tuwing sinusubukan niyang ilarawan ang nararamdaman niya, ang lumalabas lang sa isip niya ay ang tawa ni Kikay—malakas, totoo, at nakakahawa.
Minsan, naglalakad siya sa paligid ng palayan, dala ang isang clipboard na nagpapanggap siyang abala sa mga plano ng hacienda. Ngunit ang totoo, sinusundan lang ng mata niya ang bawat galaw ni Kikay.
“Sir Emmanuel!” biglang sigaw ni Mang Tomas, isa sa mga matatagal nang trabahador.
“Hmm? Ano iyon?” sagot ni Emmanuel, kunwari ay hindi siya nawawala sa sarili.
“Nakita n’yo po ba si Kikay? May dalang m
