القائد كوبرا

الفصل الثالث

بذا الوقت

ام رنيم:صباح الخير

رنيم بابتاسامه عذبه مثلها:صباح الورد حبيبتي

ام رنيم تمسح على راس بنتها بحنان..ورنيم باست يد امها

ام رنيم:وش عندك متاخره اليوم

رنيم:ابد محاضرتي الاولى تبدى الساعه 9 ونص

ام رنيم:الله يوفقك حبيبتي

رنيم:امين يارب وياك..وش عندك ماما صاحيه بدري اليوم مو بالعاده

ام رنيم بضيق:مدري يابنتي احس انو فيني ضيق اعوذ بالله

رنيم بقلق:وش فيك ماما بسم الله عليك

ام رنيم:مافيني الا العافيه ..بس كذا كتمه بخاطري مدري وش سببها

رنيم:انشالله خير حبيبتي

ام رنيم:انشالله..وين مشاعل؟

رنيم:كالعاده نايمه اكيد مارح تصحى الحين

ام رنيم:والله اني اخاف على ذا البنت بزياده ولا ادري ليش

رنيم:طبيعي ماما عشانها بنتك الصغيره

ام رنيم:الله لا يحرمني منكم كلكم...ربي ما عطاني غيركم واخاف عليكم من الهوى

رنيم:الله يخليك لنا ماما ويطول لنا بعمرك

اببتسمت امها بحنان لها

رنيم:يللا ماما انا ماشيه الحين..تامريني على شي؟

ام رنيم:سلامتك حبيبتي انتبهي لنفسك

رنيم:انشالله..يللا باي

ام رنيم :الله يحفظك

تعوذت من الافكار اللي تضيق خاطرها وتخوفها عالفاضي وقررت تقوم تصلي لها ركعتين وترجع تنام لين قبل الظهر

---------------------------------------------------

العصر

قامت الهنوف من النوم وهي متكدره ومعصبه ونزلت للصاله وشافت دلال تقرى مجله

دلال:بسم الله علينا

الهنوف بنص عين:خيييييييييييير

دلال:اللي يشوف وجهك المعتفس وكشتك المنفوشه يشوف الخير؟؟

الهنوف:يالللللللله مساء خير.. اقول وين اخوك؟

دلال:والله مدري عنه الظاهر انه نايم

الهنوف:اقوووووول بلا ظاهر بلى مقدَر..ابي الاكيد مو اطلع فوق عالفاضي والقاه ماهو موجود اصلا

دلال وهي تقرى بالمجله:مدري عنه روحي شوفيه بحالك ماني فاضية لك ..وغيري لبسك مو حلو تقعدين بذا اللبس للحين

الهنوف وهي تتفحص لبسها اللي كان بجامه عباره عن برموده زهر وبلوزة علاق بيضا مكتوب عليها كلام بالزهر

وش فيه لبسي..

دلال:لبس نوم وانتي الحين مو نايمه عيب

الهنوف سفهتها:اصلا مارح اخذ واعطي معك بالحكي

دلال:.......

الهنوف طلعت لغرفة مشعل

دخلت الغرفه لقتها ظلاااام وباااااارده...دخلت وهي تمشي بشويش وتتحسس طريقها تخاف لا تتكعبل بحاجه وتطيح على وجهها..

لين وصلت سرير مشعل..

الهنوف:"مشعل..مشعلللللللللللل

مشعل:همممم

الهنوف:قوووووم

مشعل:وش تبييييييييييين

الهنوف:"وين الشي اللي واعدني فيه امس

مشعل:ماوعدتك بشي

الهنوف وهي تتكتف وبصوت شوي مرتفع:لا واللللللللللللللله الشي اللي واعدني تجيبه لي امس يوم بشرتك انو امي تبي تخطب لك..لا تحسب اني يوم رحت نسيت لااا الا انا نمت من تعبي وانا انتظرك..وين الشي خلصني

مشعل وهو يرميها بالمخده الصغيره اللي كان حاضنها: وطططططي صوتك جاني الصداع منه .. وبعدين يللا انقلعي ماكانت بشاره جبتيها لي بشاره زي وجهك يالشينه

الهنوف:مسكين حالك؟..زوجتك الشينه

مشعل قام عليها من الكلمه..

الهنوف:ههههههههه لو اني داريه انو طاري اثير بيقومك كنت قومتك من زماااااااااااان

مشعل بصراخ وعصبيه:رووووحي افتحي البوك حقي وخذي 100 الله يقلع ذا الوجه وخليني انام

ودخل تحت البطانيه ..وكمل نوم

الهنوف راحت وفتحت المحفظه وشافتها مليناه ابتسمت بخبث..سحبت ميه وقالت هذي حقي..وسحبت ميه ثانيه وقالت هذي حق انكارك انك مديون لي بشي وسحبت ميه ثالثه وقالت وهذا حق صبري عليك من امس لليوم وسحبت ميه رابعه وقالت هذا عشان تحرم تتاخر علي بشي.. ورجعت المحفظة مكانها ..وقبل ما تطلع نطت ثاني للمحفظه كنها تتذكر شي وسحبت منها ميه خامسه وقالت وهي تضحك بخفه:هههههههه وهذا حق الغدى اللي بطلبه بعد شوي..ورسلت لاخوها بوسه من بعيد وطلعت وهي ترقص وعلى وجهها ضحكه انتصار ^_*

ْْْْْْْْْْْْْْْْ

كانت ديما قاعده بالحديقه الكبيرة حقت بيتهم تشرب عصير وتراقب اخوها الصغير سلطان يلعب مع المربيه الا ورن جوالها

ديما بابتسامه: هلا والله وغلا

دانا:هلا بك ديما ..سلامتك حبيبتي ليش ماجيتي المدرسة اليوم والله كان لك فقده

ديما:الله يسلمك..ابد حبيبتي شوي تعبانه

دانا:ماتشوفين شر حبيبتي..اهم شي مو شي كبير

ديما وهي تطالع يدها الملفوفه وابتسمت بسخريه:لا حبيبتي الحمدلله ماهو شي كبير

دانا:الحمدلله ..وقعدوا يسولفون شوي لين جت ريما

ريما:مين تكلمين؟

ديما:هذي دانا تتطمن علي

ريما:فيها الخير والله ..اقول ديما انا كمان شوي بطلع مع دلال نجيب شوية اغراض عشانها مسوية جمعة يوم الخميس وش رايك تجين معنا تغيرين جو شوي بدل الحبسه اللي انتي حابسه نفسك فيها

ديما:والله مدري يا ريما ودي وماودي واحس رجلي تعورني شوي مافيني عالمشي

ريما:مقدر اخليك لحالك بالبيت اذا ماجيتي معي ماني رايحه

ديما بسخريه:ههه ما قد شفت احد يخاف على نفسه من امه

ريما نزلت راسها بحزن ..

ديما تتن*د:طيب انشالله بروح معك..وخلينا ناخذ سلطان بعد يغير جو بدل ماهو مكبوت هنا

ريما:طيب..انا استنى ابوي يجي عشان نقول له يسجله بروضة بدل ما يقعد كذا

ديما:اي والله فكره ..

بيت ابو رنيم

كانت مشاعل قاعده بغرفتها وهي تاخذ لها لفه على ايميلها اللي ضايفه فيه نص شباب الرياض

مبسوطه بهبالها عليهم وهي تشوفهم يركضون وراها ويلهثون على جمالها وهي تراقبهم وتحاكيهم بكل غرور ..

زهقت وقفلت اللاب توب حتى بدون ماتستاذن من احد فيهم وقررت تنزل الصاله تحت

شافت امها قاعده تشرب شاهي واختها رنيم تعزف عالبيانو وتغني بصوتها العذب وامها تسمع لها بكل حماس

كانت تغني اغنيه بتوحشني لشيرين وكنها قاصده فيها احد وتناديه بكل شوق ولهفه

بتوحشني وانا وياك

بتوحشني وكل يوم بشوفه معاك ..بيوحشني

وكل ثانيه مش وياك..بتدبحني

وكل ليله بعيشها معاك..تفرحني

تخوفني..وتجرحني واخاف بكره يفوت عمري

وانالسه بتوحشني

بتوعدني..مفيش بكره

مفيش بعده..مفيش ولا لحظه من غيرك

وترجع تاني تتاخر..وتوحشني

واعمل ايه ..اعمل ايه مليش غيرك بيوحشني

بترسم لي حاجات اكتر.. وعود اكبر

والقى نفسي من غيرك

وتبني لي.. امل تاني

واعيش تاني ..اعيش بعذابي من غيرك

وانا وياااك ..بتوحشني

صفقت لها امها وهي تثني على صوتها وموهبتها

ام رنيم:الله يحفظك لي يارب

مشاعل وهي معقده حواجبها:من تقصدين بذا الاغنيه؟

رنيم بطرف عينها:اغنية واحبها

مشاعل وهي تدق:يعني مافي احد من هنا او من هنا؟

رنيم تطنشها:.....

ام رنيم:وش جاك يا مشاعل؟

مشاعل:ابد بس لانها قاعده تغني باحساس ولهفه

ام رنيم:البنت حساسه

رنيم توقف:عن اذنكم ..وتروح لغرفتها وتسكر عليها الباب

تن*دت بشووووووووق:لمتى يارب بصبر لمتى بظل بعيده عنك يا ماجد..حتى شوقي لك بان بصوتي وكلامي..ما اتخيل غيرك ولا اسمع صوت غيرك ..يارب يرجع ويحس فيني يااارب

********************************

بيت ابومشعل

مشعل قام من النوم والشرر يتطاير من عيونه

مشعل بعصبيه:وين هنوفو

دلال باستغراب:بالمطبخ

طلعت الهنوف وهي معها كيس تشبس وتاكل فيه

مشعل يشد اذانها:انا ماقلت لك تاخذين 100 بس ؟ ليش ماخذه اكثر؟

الهنوف:ااااه وجع مشيعل عورتني وطلعت للصاله بس مشعل لحقها

مشعل:/احسن عشان ثاني مرة تسمعين الكلام .. هذي اخر مرة اقول لك شي وتسوين ع**ه سامعه؟

دلال: وش سوت بعد؟

مشعل: العمه اقول لها تاخذ من بوكي 100 تاخذ مليووون

دلال:لا تشره عليها بزر

الهنوف بق*ف:خليت العجز والكبر لك ياحلوة.. وبعدين انت وش فيك بخيل كذا

مشعل: انا بخيل !!!!!

الهنوف: اي بخيل ونص .. وش عاد لو خذيت منك كم ميه اسر خاطري بها

مشعل: اللي يسمعك الحين يقول انو ما عندك ولا هلله

الهنوف: الا اكيد عندي ... بس فلوسك احسن، ما تنقص ابدددد

دلال بشهقة: قل اعوذ برب الفلق.. وش ذا الحكي

الهنوف: وانا صادقه اففف.. اللي يقول الصدق بذا البيت يصير نظول وبعيون حاره

مشعل: انا مدري انتي طالعه على مين ..

وجت الخدامه: مس الهنوف هدا مطعم اوت سايد

الهنوف وهي تطلع من جيب بنطلونها الفلوس قدام عيون مشعل ودلال وتاخذ ميه: خذي .. ورجعي الباقي يا وييييلك ما ترجعينه

الخدامه: اوكي مس..

مشعل طلعت عيونه: الحين كللل هذا ماخذته مني

الهنوف : يووووووووو وش فيك علي انت.. اي ماخذته منك لا يكون عندك مانع بعد !! والتفتت على دلال

الهنوف: اذا جت سيتي قولي لها تجيب اكلي على الغرفه حقتي ميته جوووووع وبعدها ترى بنام احس عيوني بتتقفل من نفسها.. لحد يصحيني لو تصير قنبله بالبيت.. وراحت تناقز لغرفتها

مشعل: يااااااااارب صبرني عليها لا اقوم اذ*حها

دلال: هههه ما عليك منها بزر

مشعل: اي بزر الله يهديك.. البزر ما يكبر يعني

دلال: مو مشكله .. المهم مشعل ابيك تودينا السوبر ماركت اليوم انا وريما بنت عمي

مشعل:اسف بس مواعد خالد

دلال:الله يخليك يا مشعل السواويق واحد مع ماما والثاني ابوي موصيه على اغراض ماهو راجع الا العشا

مشعل:بس..ويقاطعه رنين جواله

مشعل:الووو

خالد:هلا مشعل وينك يارجال نسيت وعدنا؟

مشعل:لا والله مانسيت بس عشان خواتي يبون يروحون السوبرماركت قلت ممكن ناجل الطلعه؟

خالد:وديهم ياخي وبعدين تعال

مشعل:شكلهم مطولين لسه بعدي على بيت عمي ابوبندر

خالد بحذر:"وش عندك هناك؟

مشعل:نبي ناخذ البنات..

خالد بلهفه:خلاص خلاص انا جايك نروح نوديهم وبعدين نرجعهم البيت ونطلع موعدنا

مشعل استغرب لانه غير رايه بثواني بس مافكر واجد:اوكي اجل انا استناك..

خالد:مع السلامه

دلال:ها يا مشعل بتودينا؟

مشعل:اي بود*كم انا وخالد..انتي كلمي البنات وخليهم يجهزون

دلال:اوكي..

اما خالد من قفل من مشعل وهو الفرحه مو سايعته..ماني مصدق اني بكون معها بنفس المكان حتى لو ماني شايفها يكفيني اتنفس انفاسها..وراح بدل بسرعه وطلع لبيت مشعل

بيت ابو ماجد

دق التلفون

ايان ترد بزهق:نعععععععم

........:هههههههههه الله يرجك من بنت للحين مافي اسلوب انا قلت ما ادق الا بعد فتره يمكن تكبرين وتتغيرين الا تصغرين

ايان بدت تستوعب الصوت وقالت بصراخ:مااااااااجد

ماجد:هههههه اي ماجد وش فيك

ايان وشوي وتبكي:وحشتيني وينك زمان ما دقيت

ماجد:ابد حبيبتي مشاغل والله انا اسف حقك علي..بس لازم اشد حيلي شوي عشان ارجع لكم بدري خلاص هانت الحمدلله كلها شهور

ايان:انشالله حبيبي وطمني عليك....

دخلت ليان على ايان وشافتها تحكي بحماس استغربت

ليان:مين؟

ايان:ماجد

ليان فرحت وسحبت السماعه منها:ماااجد حبيبي

ماجد:اهلاااااااااا بعروستنا

ليان خانقتها العبره:اهوووون عليك املك ولا تكون معي يا ماجد

ماجد حز بخاطره:حقك علي حبيبتي انتي والله اني مقصر بس مالقيت لي اجازة ولا فرصه اني انزل وانا والله حتى لو لقيت اكيد ماني متاخر عليك

ليان:الله لا يحرمني منك يااااااارب

ماجد:ولا منك حبيبتي.. امي قريبه ودي اسلم عليها

ليان:ثواني اناديها لك .. ومسكت ايان السماعه

ايان:اقوووووووول ماجد

ماجد:يا عيووون ماجد

ايان: يا ويييييلك اشوفك مشبر الرياض بدون ماتجيب لي شي يسوى .. سامع ولالا

ماجد:سمعا وطاعه .. اوامر ثانيه عمتي

ايان ببراءة :لا

ماجد:فديتك

ام ماجد جت تركض وسحبت السماعه من يد ايان

ايان:ااااه يمه عورتيني وش ذا موب طاير ولدك

ام ماجد ماردت عليها:الوووووو ماجد يمه وينك عني وحشتني يا غالي

ماجد:وانتي وحشتيني يا ست الحبايب

ام ماجد ببكى :كافي غربه يمه .. تعال نور لي دنيتي

ماجد:هاااانت يا غاليه كلها كم شهر اول ما اخذ الشهاده بجيكم ركض وبنفس اليوم

ام ماجد وهي تمسح دمعتها بجلالها: الله يرجعك لي سالم وارفع راسي فيك

ماجد:امييييييين يا رب...وقعدوا يكلمون بعض شوي ياخذون اخبار بعض وقفل على دخلة بندر

بندر:من تحاكي مجوود؟

ماجد بضيق:امي

بندر:وش فها خالتي ؟

ماجد:مافيها الا العافيه.. بس ما وقفت بكى تقول لي ارجع

بندر:اي والله لازم نرجع،خلاص زهقت ودي اشوف اهلي وارجع لهم

ماجد سكت قاعد يفكر

بندر:وين وصلت يالحبيب؟

ماجد:ولا مكان

بندر:اجل وش فيك؟

ماجد تن*د":مشتاق لها

بندر سكت مو عاجبه الوضع ابد

ثواني ورن جوال ماجد

ماجد بابتسامه:هلا حبيبتي

رانيا:اهلا فيك

ماجد:للحين زعلانه مني