الفصل الثاني

1822 Words

ايان:يمه ولدك ذا بليييييييد ماله داعي بالوجود ابوماجد:وش سويت لها يا متعب متعب:والله ولا شي..تبيني اروح اجيب لها من ستار ب** قهوه اقول لها ارسلي السواق بطلع انا تقول لا انت روح السواق مايعرف يجيب طلبي وانا مواعد اصحابي ام ماجد:وانت ابد ما تقعد بالبيت بس مع اصحابك؟ ابوماجد:خليه يام ماجد مسكين محد قده خليه يروح يوسع ص*ره شوي .. متعب مستانس ويحب راس ابوه :الله يخليك لنا يبه..وحب راس امه وطلع ايان وهي تتخصر:وانا انشالله من بيجيب لي قهوتي ليان:خلي السواق يجيب لك.. ايان:احكي هندي انا ..أقول ما مايعرف يجيييييب ليان بنص عين:خله يروح وكلمي الرجال بنفسك واطلبي اللي تبين ولا بس هو محارش لمتعب وبعدين استحي يختي تراه اكبر منك ماهو اصغر عيالك ايان سفهتها وقعدت جمب امها ودقت على الهنوف وقعدت تسولف.. ابوماجد ابتسم.. الله لا يحرمني منكم ياارب ويرجع لنا ماجد بالسلامه ام ماجد: اميييييين يارب يا حبيبي بيت العمه ام عبدالله كانت ام عبدالله تتقهوى مع مرة ولدها امل ودخلت المربيه اللي شايله ولد عبدالله الصغير سعود اللي كان يصيح امل تشيله بكل حنان:بسم الله عليك حبيبي انت ام عبدالله:يمكنه جوعان يابنتي امل:اي ياخالتي شكله ..بروح ارضعه واجيك عن اذنك ام عبدالله:اذنك معك حبيبتي ... امل راحت فلتها اللي كانت فيلا صغيره بنفس فيلا ام عبدالله .. ودخل خالد متكدر من هنا ام عبدالله:بسم الله علي وش فيك مكشر كذا؟ خالد:ابي اتزوج ام عبدالله:واحنا ما خلصنا من ذا الطاري خالد:وش فيها لو خطبتي لي يمه بتنقلب الدنيا يعني دخل ابوعبدالله:ههههه وانت للحين على نفس الموضوع يا خالد ام عبدالله بقلة حيله:تعال يابو عبدالله شوف ولدك ذ*حني بطاري العرس خالد:يبه حرام عليك مابي البنت تضيع من يدي ام عبدالله:توك صغير اركد خالد يوقف وهو كاتم غيضه:ترى لو طارت البنت اللي ابيها من يدي برمي نفسي من البلكونه ..وياشر على البلكونه ام عبدالله سفهته ورجعت تكمل قهوتها طلع خالد وهو معصب..هو اصلا مايدري وش فيه من يوم ماسمع صوت ريما تبكي وهو منعفس ,,هو حاس انها تتنكد من شي بالبيت بس مايدري وشو ..وعزم ياخذها قريب عشان ينسيها كل الحزن اللي تحس فيه ويتهنى بقربها ابوعبدالله:ورانا ما نخطب له يام عبدالله وبعدين نزوجه ام عبدالله:خالد يابو عبدالله ماخذ الزواج لعب وتسليه مايدري انه مسؤولية .. كلها فتره وينسى ابوعبدالله:طيب انتي تدرين من البنت اللي يبيها؟ ام عبدالله:لا ابو عبدالله:طيب احرصي لاتروح من يده البنت ولا ترى بيكون صادق وبيسوي بروحه شي ام عبدالله تكمل قهوتها:ماعليه شر انشالله.. ابوعبدالله:وين مها؟ ام عبدالله بحنان:نايمه مسكينه من رجعت من الجامعه وصجتها صكها صداع له اول ماله تالي ابوعبدالله:سلامتها ماتشوف شر ام عبدالله:الله يسلمك يالغالي =============== بيت ابو بندر رجع بدر من المستشفى هو وديما بعد ما اتطمن عليها وقال له الدكتور انها مجرد كدمات بس قوية شوي.. ولف لها يدها بدر حمد ربه انه ماهو **ر.. وراح انسدح على السرير وغمض عيونه بتعب وقهر ودق جواله باسم ( ملاك روحي) ابتسم بدر ابتسامه تذوب الصخر وهو يشوف التعب كله يروح من وجهه بمجرد ما شاف اسمها على شاشة الجوال شلون لاسمع صوتها ورد بكل حب:هلا بنبض قلبي وروحي شذى بقلق:بدر حبيبي انت بخير بدر:اي ياعيون بدر انتي اكيد بكون بخير دامني سمعت هالصوت شذى بحيا: ياحبيبي انت بدر بكل لهفه:احبك شذى تصرف وقالت بزعل :وينك عني اليوم كله ما كلمتني ولا سالت عني بدر :شذى حبيبتي مرررة اسف بس طول اليوم وانا مشغول بالشركه تعرفين همها كلها على راسي لحالي يوم قلت بطلع اغير جو النكد دقت علي ريما وهي تصيح تقول انو امي تض*ب ديما شذى شهقت باسف:ليش؟؟ بدر:كالعاده ..اطباع امي مدري متى بتتغير شذى سكتت باسف لانها حاسه بمعاناة ديما وقالت :الله يهيدها بس.. وكيف ديما ؟ بدر يتن*د:الحمدلله انشالله انها احسن تونا راجعين من المستشفى عشان يدها لفوها لها وانشالله خير شذى :يا حبيبتي هي بدر:احم تراني اغاار شذى ابتسمت بخجل:انا ما حبيتها الا من حبك بدر:اااااه بس..في احلى منك شذى تصرف بحيا:امم خلاص بدر انا اكلمك بعدين انشالله ..انتبه على نفسك مرة ابوي تناديني بدر فهم التصريفه:طيب حبيبتي ..اكلتي؟ شذى بنعومه:الحمدلله بدر:الحمدلله ياعمري...انتبهي على حالك شذى:انشالله وانت كمان .. بدر قبل ما يقفل قال بهمس:احبــــــــــــك انتفضت شذى من كلمته مع انها متعوده عليها بس كل مرة يقولها تكون باحساس غير كنها تسمعها اول مرة شذى بحيا:وانا بعد بدر:لا قوليها.. شذى:بدرررر بدر:ياقلبه وعيونه انتي شذى:لازم اقفل مرة ابوي بتجي بدر:مارح اقفل الا وانا سامعها.. شذى بحيا وهمس:احبك..يللا باي وقفلت بدر يبستم ويحط جواله على قلبه ااااااه احبك وربي ..الله يجمعني فيك قريب..بتحدى العالم كله عشانك يا شذى ولارح ارضى احد يفرقنا او يبعدني عنك مهما يكون -------------------------------------------- وبمكان ثاني ..اللي فيه اخر عائله من عوائل ابطال شخصيتنا مكان مختلف تماما وبيت غير تماما بيت مليان بالكره والحقد بيت ذ*حه الفقر والجوع والحاجه كانت شذى تراقب جوالها اللي محد يدري عنه بعد ما قفلت من بدر حبيب روحها اللي اغناها عن الدنيا وكنوزها واهلها كانت تشوف فيه حب عمرها وفارس احلامها اللي بينقذها من معاناتها ..ربي اعمى عيونها عن فلوسه ولا كانت تشوف فيه غير اخلاصه لحبها وصدقه حبته بكل معنى الكلمه .. راحت وخبت الجوال اللي كان جايبه لها بدر بصندوقها الصغير وسكته بالمفتاح وخبته بدولابها الم**ر اللي ممكن باي لحظه يطيح..مو من كثر الملابس..الا من قدمه واهترائه.. راحت قدام مرايتها الم**ور نصها وقعدت تراقب حالها شوي ..كل احد يقول عني حلوة بس مدري..انا حلوة بعيونك يا بدر؟ تاملت نفسها..شعرها الاسود الطويل اللي يوصل لاخر ظهرها بكثرته وحيويته وعيونها المكحله من الله وبياض بشرتها الصافيه وخشمها وشفايفها الصغيره كانت جميله بكل معنى الكلمه ... ابتسمت برضى عن نفسها .. وقالت اشرفك يا بدر ولا لا؟ طاحت عينها لى جلابيتها السماوية الخفيفه اللي راح لونها من كثر ما غسلتها..وابتسمت بخفه..معقول اهلك بيرضون فيني يابدر..بمركزك واسم عايلتك..خساره يابدر انت بالنسبه لي حلم مستحيل يتحقق ..ومسحت دمعتها اللي نزلت على وجهها سمع صوت شي يطق على شباك غرفتها وشهقت:اكييييييييد هذي اريج بنت جيراننا وحطت شي على راسها وطلت من الشباك شذى:ارييييييج يا شينه حرام عليك كنو شباكي ناقص وانتي ماغير تنطلين عليه ذا الحصى اريج:وش اسوي يختي فيك صفرت وناديت وانتي منتي هنا..مين ماخذ عقلك هاا؟؟ شذى بهيام:اااه من غيره اريج:اي صح صح كيف نسيت اخونا بالله براد بيت ..اقول افتحي لي الباب جايبة لك حاجه انا مسويتها بيديني شذى بابتسامه:اوكي تعالي عند الباب وراحت تفتح لها شذى منيره زوجة ابوها تطالعها بحمق:وين رايحه ؟ شذى:بفتح لاريج جايه منيره بكشره:وذي ما عندها بيت 24 ساعه مطيحه عندنا سفهتها شذى وراحت تفتح الباب لصديقتها الوحيده واختها اللي ما جابتها امها منيره وهي تطالعها بغيره من جمالها وحقد:انا اوريك يا شذى والله لا اقلب نهارك ليل اريج وهي تدخل البيت:حشا سنه تفتحين انتي ووجهك شذى وش اسوي يختي بذا النسره اللي عندي اريج تفرد عضلاتها:خليني اروح بس اتفللت عليها واوريها شغل ربي شذى تمسكها":خليها بحالها يختي..امشي ندخل غرفتي بس.. ومشوا سوى منيره تنطل حكي: ياقاعدين يكفيكم شر الجايين اريج:اممم شذووي سامعه صوت كذا ولا كذا ؟ شذى كاتمه ضحكته لانها عارفه قصد اريج وقالت تسايرها:والله مدري يا اروج كني اسمع صوت طقطقه خفيفه ؟ اريج:اي حبيبتي..اسمع صوت برص معدي منيره بعصبيه:وججججع انشالله انتي وياها البرص ابوك اللي مهيتك ببيوت الناس انقلعي بره بيتي وانتي روحي انقبري بغرفتك اريج وهي تشمر اكمامها بعد ما اعطت شذى الصحن اللي كان بيدها كنها بتصفق منيره وتقول:لااااا شكل مرة ابوي ما قالت لك عن سواياي وابداعاتي وبطولاتي فيها منيره خافت وبعدت:واللله لو تقربين لي لا اوريك اريج مو انتي اللي تخوفيني سامعه ياوجه الفقر شذى خافت من اريج تتهور لانها ماعندها مشاكل ممكن تمد يدها ..قامت مسكتها شذى:خلاص يا اريج توبة معد تعيدها اريج وهي ترجع اكمامها:ربي رحمك مني ياوجه النيص ضحكت شذى من كلمتها: يللا حبيبتي تعالي غرفتي منيره/:اللللللللللللله ياخذكم اثنينكم وافتك منكم بغرفة شذى شذى تفتح الغطا من الصحن:يمممممي جا بوقته ننقنق سوى واحنا نسولف اريج بابتسامح حنونه:بالعافيه حبيبتي شذى وهي تاكل ضحكت:هههههه اريج باستغراب وابتسامه :وش فيك شذى:وانتي تحاكيني بحنان ماكنك اللي واقفه تردح لمرة ابوي بررة ههههههههههههه اريج بضحكه:وش اسوي يختي اشوفها تطول ل**نها وتبيني اسكت مو كفايه انك ساكته عن حقك قدامها خليني اجي انا كل يومين انفضها واريحك شذى:ههههههههههههههههه مايحرمنيش اريج:ولا اتحرم منك ياااااااارب شذى:وش اخبار مرة ابوك اريج مكشره:قطططططططع انشالله وريتك فيها قبل لا اجي.. شذى:الله يعينها عليك اريج:قولي الله يعينني عليها شذى:ولوووو انا عارفتك ما تخلين حقك ..وشلون ابوك طيب؟ اريج بحزن: اااه ابس الشكوى لغير الله مذله يا شذى.. كالعاده ياما سكران او مسافر اريج بحزن :حاله مو احسن من ابوي اريج:الله يصبرني بس .. ويرحمني ويفكني من العذاب اللي عايشته..خليني بس من ابوي وابوك وحريمهم البومه ووجه النيص قولي لي كيف حبيب القلب؟ شذى بهيام:فديته وفديت قلبه ..بخير ما عليه اريج فرحانه لصديقتها واختها":الله يديم المحبه حبيبتي ويكتبكم لبعض ياااارب شذى بلمحة حزن مافاتت اريج:امين يارب لانها عارفه وش تفكير شذى السخيف من ذا الناحيه انها مو من مستواه وكذا..كان يستفز اريج لابعد حدوود هي كانت تحس انو معها حق بس املها ببدر كبير انه ينقذ صديقة عمرها من العذاب اللي عايشته وبنفس الوقت كانت خايفه انه يخذل شذى بيوم ..نفضت الافكار من راسها وقعدت تسولف على راس شذى ليييييين جاها النوم وراحت بيتها .. خلوني اوصف لكم البنات شوي شذى:19 سنه ..بنت ايه بالجمال..حقها تكون ملكة جمال العالم.. بيضا وطويله..شعرها طويل واسووووود عيونها واسعه وعسليه فاتحه..خشمها طويل سلة سيف شفايفها صغيره حساااااااااسه لابعد حدود ورقيقه ياما عانت ابوها ومرته ومن بعد وفاة امها مالقت لها الامان الا ببدر اريج:19 سنه بنت حلوة وحقانيه,,حتى هي ياما شافت من ابوها بس ابد ماهي مقصره بمرة ابوها ماخذه حقها منها ثالث ومثلث ..عيونها نفسس عيون شذى بالضبط..كنهم خوات من ذا الناحيه,وهي وشذى سوى من يومهم صغار لانو امهاتهم كانوا صاحبات بعد..حساسه لكنها اقوى من شذى بكثييير و لا تخاف من اي شي وخصوصا من مرة ابوها اللي تعلمت كيف مع الايام تقدر توقف بوجهها .. اكيد انكم استغربتم وش اللي جمع واحد بمركز بدر ومستواه بانسانه مثل شذى..يا ترى اي من الاحداث والمواقف؟ وش القدر اللي جمعهم وكل واحد فرقه عن الثاني فرق السما عن الارض؟ كل هذا بتعرفونه انشالله بالبارتات الجايه هذي كانت احداث الجزء الاول من روايتي ..واتمنى تكون عجبتكم عشان تشجعوني استمر البارت الثاني اليوم الثاني بالجامعه دلال:ريووووووووووووووووووم ريما انتبهت لبنت عمها وابتسمت لها من بعدي وراحت لها:اهلييين دلال دلال:وينك تاخرتي اليوم؟ وادق على جوالك مقفول ريما:ناسيته بالبيت .. دلال:من زود الفلاحه..المهم ياحلوة نبي نطلع اليوم وش رايك؟ ريما.:اوكي على وين؟ دلال:شوفي انا ناوية اجمع البنات عندي يوم الخميس وابي اروح اجهز الاغراض من الحين ريما:وييييين اليوم الاثنين ووينا ووين الخميس دلال:اي يختي بس وش اسوي يوم الاربعاءيضيع كله على النوم بالنسبة لي.. مايمديني اطلع ابد ريما :ههههههههه احد يضيع الاربعاء على النوم؟ دلال: انا وش اسوي طيب اكرف طول الاسبوع ولا القى الا ذا اليوم عشان انام فيه ريما: خلاص اوكي.. نروح اليوم مو مشكله ، ومن بيجي للعزيمه؟ دلال:محد غريب بنات عمي وعمتي ريما:ونااسه زمااان عن ذا الجمعات دلال:اي والله من زمان ما تجمعنا كلنا سوى ريما:وين ليان ما جت؟ دلال بابتسامه:الا جت بس تكلم حبيب القلب ريما:ياحلووووهم الا نطت لهم ليان:ههااااااااي ددلال وريما:هايات دلال:الطيب عند ذكره ليان بنص عين :وش كنتو تحشون ؟؟؟؟ ريما:ابد كنت اسال عنك الا وانتي طالعه ليان:طيب سامحتك ذا المره دلال:يللا بنات بدت المحاضره خلونا نلحق عليها.. البنات:اوكي ريما:ها ليان جايه العزيمه يوم الخميس؟ ليان:اي عزيمه؟ دلال:تعالي واحنا ماشين للمحاضرة بنقول لك ----------------------------------------- صحت من نومها على رواااااق كعادتها فتحت عيونها بخفه وذكرت ربها وقامت تغسل وتغير لبسها مستعده تروح الجامعه لبست وخلصت وعدت على اختها اللي لقتها بسابع نومه ابتسمت وراحت غطتها وطلعت نزلت تحت ما لقت احد كالعاده..امها نايمه ذا الحزه وابوها طلع الداوم من زمان قعدت بالصاله شوي واستنت الخدامه تجيب لها قهوتها عشان تروق عليها قبل

Free reading for new users

Scan code to download app

App Store Google Play

Facebookexpand_more