الفصل العاشر

3742 Words

الشيطان ريان: اعووذ بالله من الشيطان الرجيم بيت ابو طلال.. شهد كانت جالسه مع ايان وكانوا يسولفون ويشربون عصير.. ايان كانت اعصابها باااااارده وماكنوا صار شي.. ويوم جت الساعه 4 استوعبت .. ايان: يوووووووووو شهد: وش بلاك؟؟ ايان: عدى الوقت .. وانا حتى ما كلمت امي ولا قلت لها اني هنا شهد: طيب دقي عليها.. ايان:طيب ممكن جوالك؟؟ شهد مدته لها اكيد تفضلي.. ايان مسكت الجوال بس ترددت تدق على امها لانها بتوريها الشغل جاااامد.. ففكرت انها تدق على متعب دقت ولقته مقفول ايان تأففت شهد: وشو ؟؟ ماترد؟ ايان: لا دقيت على متعب اخاف من امي والله بتلعن شيطاني شهد:ههههههههه طيب ومتعب؟ ايان: مقفول جواله شهد سكتت شوي: وش رايك انا اوصلك البيت؟؟ ايان: اممممم مدري شهد: بلا مدري بلا هم .. قومي بس خليني اشوف السواق ايان: طيب .. بيت ابو ماجد متعب تعب من من التفكير وبجد شال هم اخته وحس بحركته السخيفه اللي سواها.. قام ودى صاحبه ريان لبيته وراح لبيته .. اكيد بتكون رجعت الحين ام ماجد/: متعب.. وين اختك.. متعب فهم انها لسه مارجعت :....... ام ماجد: انا اكلمك .. وين اختك؟ متعب: مدري ام ماجد طلعت عيونها: شلون يعني ما تدري.. متعب: ماهي بالمدرسه ام ماجد: وين بتكون يعني.. انت ما وديتها المدرسه؟؟ متعب بقلق: الا بس مالقيتها ام ماجد واعصابها تلفت مرررره: شلون يعني مالقيتها وين بتكون راحت متعب: بصراحه انا تأخرت عليها بالعنيه عشانها مستفزتني من الصبح، وما سويت كذا الا لاني كنت متأكد من انها بترجع مع الهنوف.. بس انتي صدمتني يوم قلتي لي الع** وانو الهنوف ببيتها وهي مارجعت البيت ام ماجد بخوف: رحت مدرستها؟؟ متعب: ايوة.. ويقول البواب انه مافي احد بالمدرسه وانها فاضيه من البنات ام ماجد انهارت بكى: راااحت بنتي.. حسبي الله على عدوك وين بتكون الحين متعب خاف على امه لانه فيها الضغط والسكر وراح لها يسندها: يممممه ليان جت على صوتهم وارتاعت يوم شافت امها: يممممممممممه ام ماجد بس تبكي وهي منسدحه بين يدين متعب ليان برعب: وش فيها متعب : مو وقته الحين .. ساعديني ارفعها واوديها الغرفه جيبي دوا الضغط اكيد انه ارتفع عليها ليان بسرعه تحركت وراحت جابت دوا امها وطلعت فوق لغررفة امها لانو متعب شالها لهناك ام ماجد تبكي بالسرير: يممه بنتي وين راحت.. جيبو لي ايان ليان استغربت.. اي صح اختي ايان، انا ماشفتها اليوم عالغدى وين بتكون يعني؟؟ انا كنت احسبها نايمه التفتت على متعب : وين ايان يا متعب؟؟ متعب بعصبيه: هذا وقت استجوابك خليني اتطمن على امي ليان سكتت ولا حكت... بيت ابو طلال.. شهد نزلت تدور على امها.. بس مالقتها شهد: لوناااا .. لونا: يس شهد: وين ماما؟؟ لونا: راحت شهد: يووووه.. طيب طلال وهو ينزل من الدرج: هلا بالقمر الغايب عني طول اليوم شهد بابتسامه : هلا بك .. طلال: وينك مختفيه عني طول اليوم .. اول مره ما تجيني الغرفه يعني شهد: اليوم عندي صديقتي.. رجعت معي من المدرسه وقعدنا سوى طلال: اهااا.. شهد: طلال وين امي؟ طلال: طلعت للجيران من ساعه.. شهد: وطبعا راحت بالسياره طلال: لا راحت بالسيكل شهد بنص عين : بلا خفة دم طلال: هههههه مدري عنك انتي وسؤالك شهد : طيب طيب .. المهم ابي طلب طلال وهو يأشر على عيونها: عيوووني لك شهد: تسلم.. بغيتك تاخذني انا وصديقتي عشان نوصلها بيتها طلال عقد حواجبه: مين هي صديقتك؟ شهد: ايان طلال وهو يحاول يتذكر: اياان؟؟ شهد: اي ايان .. طلال: اهااااااااااااا اياااااان.. هي اللي عندك فوق؟ شهد: ايوة طلال: يا حليلها.. خلاص ولا يهمك البسوا عباياتكم وانا انتظركم بالسياره راحت شهد بعد ما شكرت اخوها لغرفتها عشان تقول لايان تتجهز ايان بحرج: لااااااااااااااا يا خزياااه شهد: ههههههههههه وش يا خزيااه انتي.. تستحين من اخوي؟؟ ايان: ايييي شهد : وش تستحين منه تراه كبر ابووي.. يخلفني ويخلفك بعد ههههههههه ايان بنص عين: اقوول لا تبالغين شهد: يلله عاد ايان البسي العبايه وخلينا نوصلك، انا عن نفسي ما عندي مانع من انك تقعدين بس تعرفين امك اذا عصبت وش ممكن تسوي فيك ايان تذكرت امها اللي بعدها ما تدري انها هنا: طيب طيب يمممه منك انتي تعرفين شلون تسكتين الواحد شهد وهي تلبس عبايتها: ههههههههه يلله طلال ينتظرنا بالسياره.. بسيارة طلال كان قاعد يحوس باوراق كانت بالدرج حقه ويقرا بعضها لانه يحتاجها بالشغل .. ركبت شهد قدام وايان ورى .. شهد ويان: السلام عليكم طبعا ايان قالتها بهمس يلله ينسمع طلال: هلا وعليكم السلام رفع عينه للمرايه : شلونك ايان ايان بنفسها ..يخرررب بيت عيووووونك: الحمدلله بخير طلال ابتسم : دوووم يارب.. ولبس نظارته الشمسيه وحرك طلال: وين بيتكم فيه للحين بنفس الحي؟؟ ايان بصوت يلله ينسمع : اي طلال ضحك بخفه: ايان والله ما اسمع علي صوتك شوي ايان بنفس الهمس: اي طلال سمعها بس حب يجننها: اييييييش؟؟ ما سمعت ايان علت صوتها شوي: ايوة ايوة بنفس المكاان طلال: ايوة كان كذا من اول الله يهد*ك سمعينا هالصوت من اول ايان استحت منه.. طلال: وباي صف يا ايان؟؟ شهد: هوووو طلال.. وش رايك يعني؟؟ صديقتي يعني قدي طلال: خليها تحكي ما سألتك انا شهد تكتفت وهي تتحلطم طلال رفع عينه للمرايه من جديد: ها ايان ؟؟ بأي صف؟؟ ايان بحيا وبصوت واطي: اولى ثنوي طلال حالف يطفرها: اااااايش؟؟؟؟ ايان رفعت صوتها حبتين : اولى ثنوي طلال: يازييينهم يا ناس والله كبرتو.. طلعت منه ذا الكلمه العفوية.. لانه دايم يقولها للصغار على قولته.. وهو يشوف ايان واخته شهد توهم بزراااان شهد ما علقت لانها عارفه اخوها وش قصده بس ايان بلمت من كلمته.. وش جرأه يقول لي كذا قدام اخته ما يستحي طلال: وايش تبين تدخلين؟؟ ادبي ولا علمي؟؟ ايان مررره استحت .. وش ذا قاعد ياخذ ويعطي معي بالحكي وانا شوي واذوووووب من الحيا .. انقذيني يا شهد شهد: طلاااال تراك مصختها ياخي اسكت البنت استحت طلال ضحك بشويش وبانت غمازته: هههههههه طيب طيب سكتنا .. ورفع على صوت المسجل 10 دقايق ووصلوا بيت ايان ايان قبل ما تنزل: مشكورين طلال: ولووووو.. حاضرين للحلوين وبأي وقت ايان ذاااابت وش ذا يا ناااس يخقق وكلامه يخقق اكثر شهد : بااي ايووون اشوفك بكره انشالله ايان: انشالله.. مع السلامه طلال: الله يحفظك .... شهد بعد ما نزلت ايان: اقوووول طلووول ماكنك زودتها مع البنت باخذك وعطيك؟؟؟ طلال: هههههههه وش فيك انتي تراها كبر بنتي شهد عطته نظره وسكتت طلال.... شاب وسيم طويييييل .. شعره اسود وفيه غمازات تجنننننننن ، عمره 27 سنه .. مهندس.. بيت ابو ماجد دخلت ايان وهي بقمة الخقه والذوباان من طلال.. صحيح كان ياخذ ويعطي معاها بالحكي بس كان معتبرها بزر عادي زي اخته شهد لا اكثر ولا اقل اااه بس يا زينه ويازين حكيه دخلت ايان ولا لقت احد بالصاله.. كان الجو هدووووء على غير العاده ... هي متعوده تكون امها تتقهوى ذا الوقت بالصاله مع اختها ليان.. بس هي ماهي شايفه ولا احد والوضع كان مريب شوي رقت فووق وهي على الدرج لقت متعب قبالها والشرر يتطاير من عيونه ايان خافت من جد متعب وهو يمسكها بقووووة: وين كنتي ياكلبه ايان:......... متعب: تكلمي لا اذ*حك بمكانك ايان بخوف: كنت عند شهد متعب: من شهد؟؟ ايان: صديقتي متعب بعصبيه/: ومن اذن لك تروحين لها؟؟؟ ايان وهي تحاول تفك يدها من يد اخوها: ااييي متعب فكني عورتني متعب وهو يشد زياده: تكلمي.. من مين اخذتي الاذن بروحتك لها؟؟ ايان: مو من احد.. انت سويت كلمتك وتأخرت علي تبيني ابات بالمدرسه يعني؟؟؟ حتى المناوبة راحت قبل ما انا اطلع قالت لي شهد اروح معها البيت متعب وهو فاااير من العصبيه:/ وليش ما اتصلتي علي بلغتيني ايان خانقتها العبره: دقيت عليك جوالك كان مقفول متعب تذكر انه قفل جواله عشان امه ما تدق عليه كل شوي متعب: وليش ما بلغتي امي؟؟ ايان: انت تعرف ساعتها ماما وش كانت بتسوي فيني .. متعب يفك يدها بعد ما شاف الدموع بعيونها تهدد بالنزول: روحي لامي تراها تعبانه من خوفها عليك ايان بخوف: وش فيها؟؟؟ متعب: تحسب صار لك شي روحي لها خليها تتطمن ايان ركضت بسرعه لغرفة امها اللي لقتها تبكي بحرقه على بنتها اللي ماتدري وينها .. وكانت بحضن اختها ليان ايان من عند الباب: ماما ام ماجد التفتت بسرعه : اياان يمه .. ايان راحت بسرعه لامها وصارت تبكي بهدوء: سوري ماما والله اسفه حقك علي ام ماجد تبوس بنتها وتحمد ربها انها سالمه: وين كنتي يمه ايان: كنت عند شهد يمه .. والله اسفه معد اعيدها بس متعب تأخر علي وانا خفت اقعد لحالي قلت اروح مع شهد .. ونسيت نفسي هناك ام ماجد: لعد تخوفيني كذا عليك.. واخوك حسابه معي بعدين ليان اللي تقريبا فهمت السالفه: وانتي ما تعرفين تدقين تقولين انك هناك؟؟؟ ايان: والله ضاع الوقت علي ولا حسيت وخفت ادق على ماما توريني الشغل ام ماجد بهدوء: خلاص يا ليان انتهى الموضوع .. وحسابها هي ومتعب معي بعدين.. بس خليني اخف شوي ايان تبوس يد امها: انا راضيه بأي عقاب يمه .. بس انتي خفي الحين .. ولما جا ابو ماجد قالت له ام ماجد السالفة كلها وهزأ متعب بقوة هو وليان .. واخذ من متعب سيارته لمدة اسبوعين وحرم ليان من الطلعه كمان اسبوعين لغير المدرسه عشان تعمل حسابها مره ثانيه الجزء السابع بيت ابو رنيم مشاعل كانت قاعده بغرفتها تفكر باللي صار لها من يومين مشاعل :وربي احبه الكلب.. بس مستحيل يحس فيني.. مدري وش ممكن اسوي عشان يشوفني ولا حتى يعبرني.. هذا وانا محد يقدر علي ولا يقدر يقاومني ، بس هو مدري شلون ماهو حاس.. وفوق هذا وذاك شافني قدامه ولا حركت فيه شي.. امم يمكن لانو وجهي ما كان مبين مرره .. بسوي المستحيل عشان يحبني .. لو وش يكلفني .. قررت تنزل تحت تشوف مين في نزلت ولقت رنيم بالصاله اللي تحت تتف*ج على التلفزيون .. مشاعل قعدت جمبها: وش تسوين ؟؟ رنيم: شوفة عينك.. مشاعل: غريبه طالعه من قوقعتك .. مو بالعاده تكونين هنا تتف*جين على التلفزيون رنيم: قلت اغير جو.. وانزل مشاعل: والله انك غريبه وغير البشر.. الحين الناس تطلع بره البيت تغير جو وانتي تغيرين جو بتغييرك للغرف؟؟ رنيم: هذي انا عاد مشاعل: طيب قومي نطلع سوى رنيم:مالي خلق.. مشاعل بسخريه : انتي من متى كان لك خلق اصلا؟؟ رنيم ما ردت عليها ومشاعل زفرت بقهر من اختها رنيم التفتت لها: اقول مشاعل .. متى ناوية انشالله تبدين دراسه وتسجلين؟؟ مشاعل بلا مبالاة: بعدين بعدين رنيم: ومتى يعني؟؟؟ مشاعل: يعني مو الحين رنيم بسخريه: طبيعي مو الحين.. اصلا الترم ما بقى له شي.. فكري بمستقبلك ولو مره وحده عمرك عشرين منتي صغيره ترى مشاعل: واللي يسلمك يا رنيم تكفين مالي خلق ازعاج ولا حكي ماله داعي رنيم ترفع حاجب: تسمين خوفي عليك حكي ماله داعي؟؟ والله انك غريبه مشاعل عينها على التلفزيون ولا ردت عليها رنيم قامت بهدوء من مكانها مشاعل بدون ما تطالعها: على وين؟؟ كلما جيتك انا لمكان بتقومين منه؟؟؟ رنيم: انتي بحركاتك هذي تبعيدن الكل عنك.. وانا مو اي احد على فكره انا اختك .. يعني اذا اختك معد صارت تطيق الجلسه معك بمكان واحد هذي تعتبر اكبر كارثه مشاعل التفتت لها بنظرة سخريه وابتسامه: صدقيني ياروحي منتي اكبر همي .. وصدت رجعت تناظر للتلفزيون رنيم طبعا هاديه ولا قالت شي زياده مع انها من جوه تغلي مووووت ما ودها تكون اختها كذا .. تبي تصير مع اختها مثل باقي الناس مع خواتها لكن وش تسوي .. تحركت للدرج وتوجهت لغرفة امها طقت الباب مرة ومرتين وعشر بس ما ردت .. تذكرت انو ابوها اصلا مسافر.. فقررت تدخل لقت الغرفه بااااارده موووت وظلام .. سمعت صوت انين بعيد شوي.. بحكم انو غرفة امها وابوها كبيره مرررررة قطبت شوي وهي تستوعب الصوت .,. قربت من سرير امها وفتحت الابجورة .. لقتها عابسه بقوة رنيم بقلق: ماما؟؟ ام رنيم:..... رنيم هزت على خفيف: مامااا ام رنيم : هممممم ام رنيم: وش فيك ؟؟ ام رنيم: مافيني شي.. رنيم: شلون مافيك شي وانتي تتألمين حتى اونتي نايمه .. ماما قومي اود*ك المستشفى ام رنيم : ما يحتاج رنيم شوي وتبكي: شلون يعني ما يحتاج.. انتي صار لك فتره ماهي قصيره وانتي تعانين من الالم القوي براسك ولا انتي راضيه تكشفين ومكتفيه بالمسكنات هذا مو كلام.. اذا انتي ما همتك صحتك انا تهمني صحتك ام رنيم ما ردت عليها اكتفت بتنهيده قوووية طالعه من قلب رنيم: ماما اجيب لك شي؟؟ ام رنيم: ابي مسكن .. رنيم ركضت لدروج امها اللي تحتفظ فيها بالادوية حقتها وطلعت لها مسكن وصبت لها كاسة مويه ناولتها حبه وشربتها موية ام رنيم : رنيم حبيبتي سكري النور تكفين احس راسي بينفجر.. وانا لنام شوي لين اطيب رنيم وحالة امها مو مريحتها ابد: طيب.. طفت نور الابجورة وقعدت على احد الكنبات الموجوده بالغرفه وهي تسمع انين امهاا وتتقطع من جوة عليها .. صارت تدمع بهدووء.. اسوأ شي انك تشوف شخص غالي عليك ويسوى الكون بعيونك.. يتألم ويعاني وانت مو قادر تساعده ولا حتى تخفف عنه .. وهذي مو اي احد .. هذي امها .. انتظرت ربع ساعه لين هدا الانين .. وشافت ملامح امها ارتخت.. اتطمنت لانو المسكن بدا يعطي مفعوله .. غطتها وطلعت من الغرفه .. راحت تتوضى وتصلي لها ركعتين تدعي فيها ربي انه يشفي لها امها ويطمن قلبها عليها... بيت ام عبدالرحمن ام عبدالرحمن كانت قاعده بالصاله مع احفادها رند ورائد لانو امهم وابوهم جابوهم لهم عشانهم طالعين مشوار .. قعدت الجده تراقب احفادها وهم متحمسين ويلونون وعلى شفايفها ابتسامه كلها حنان دخلت عليها اثير.. اثير: السلام عليكم ام عبدالرحمن: هلا والله .. وعليكم السلام والرحمه اثير: ماما .. ليش قاعده لوحدك؟؟ وين غدير عنك؟؟ ام عبدالرحمن: نايمه اثير: هوووو ولا قامت حتى تصلي؟؟ ام عبدالرحمن: الا الا .. تقوم تصلي وتنام من جديد .. الله يهديها نومها ملخبط .. اثير: اي والله .. الله يهديها . ام عبدالرحمن: زين انك نزلتي .. كنت ناوية اناديلك .. اصير: خير ماما ؟؟ ام عبدالرحمن : كل الخير.. طبعا تعرفين انو احنا طولنا بالرد على ام مشعل .. وهي الصراحه الحرمه مستعجله .. اثير سكتت منحرجه وهي تتذكر الموقف اللي صار لها مع مشعل بالعزيمه ام عبدالرحمن: ها حبيبتي؟؟ وش ردك؟ موافقه ولا؟؟ اثير سكتت ام عبدالرحمن : لا تشيلين هم يمه .. اخوانك سألوا عن الرجال وهو بصراحه والنعم فيه ولا ينعاب ابد .. واهله ناس طيبين وانتي تعرفينهم زين ، وانا من رايي انه مناسب لك .. وانا واخوانك موافقين عليه.. بس الراي الاول والاخير لك انتي يا غلاي.. ؟؟ اثير:..... ام عبدالرحمن: هههههههههههه يابنتي لا تستحين .. ها موافقه ولا لا .. اثير وهي مستحيه: موافقه ام عبدالرحمن ارتاحت والفرحه بانت عليها: على بركة الله.. اجل ... وقاطعها صوت التلفون يرن ام عبدالرحمن: الوووو ام مشعل: السلام عليكم ام عبدالرحمن ابتسمت: هلا والله وعليكم السلام الطيب عند ذكره والله ام مشعل: ههههههههههه انشالله بالخير.. ام عبدالرحمن: اكيد بالخير حبيبتي ام مشعل: طمنيني عليك وعلى الاولاد .. عبدالرحمن وعياله وزوجته شلونهم وكيف سالم وشغله؟ ام عبدالرحمن: والله الحمدلله والشكر كلهم بخير ونعمه يارب لك الحمد ام مشعل: الحمدلله يارب.. يلله عاد نبي نسمع الاخبار الزينه وذيك الساعه عروسة سالم عندي ام عبدالرحمن: ههههههههههههه ربي يسعدك يارب.. كان زين والله يوم المنى ازوج سالم بس وين اللي يقنعه ام مشعل : لا تحاتين دواه عندي .. وزاوجته على يدي انشالله ومن نقاوتي.. ام عبدالرحمن:وانا اكره .. يازين نقاوتك والله ام مشعل: اكيييييد امني اخترت لولدي الزين كله اثير .. اللي ادعي كل يوم ربي يكبتهم لبعض ام عبدالرحمن: وشكل ربي بيستجيب.. ام مشعل بفرحة: يعني موافقه اثير؟؟ ام عبدالرحمن وهي تناظر اثير بحنان: اي موافقه ام مشعل: الله يبشرك بالخير .. خلاص انشالله الاسبوع هذا يجي ابو مشعل ويطلبها رسمي من اخوانها .. وبعدها باسبوعين الملكه ام عبدالرحمن: هههههههههه مستعجله يا نورة ام مشعل: اي وربي مستعجله اكثر من ما تتوقعين ام عبدالرحمن: اجل على خيرة الله ... بيت ابو مشعل ام مشعل بعدما قفلت من ام عبدالرحمن التفتت على دلال اللي معها بالصاله ام مشعل بابتسامه: وين مشعل؟؟ دلال: طالع من العصر.. ام مشعل: افففف وينه الله يهديه .. كلما بغيته ما القاه.. دلال": خير يمه ؟؟ ام مشعل: كل الخير.. اثير وافقت على مشعل دلال بفرحه: صدق والله ام مشعل: اي .. دلال: الحمدلله .. باقي عاد مشعل يوافق.. ام مشعل بعدم اهتمام: بيوافق غصب عليه .. دلال: ......... ام مشعل: والاسبوع هذا بيروح هو وابوه انشالله عشان يطلبونها رسمي.. وبروح انا وخالتك ام وليد وعمتك الجوهره وخالتك خلود دلال: وخالتي فوزية؟؟ ام مشعل كشرت: لا ويييه قطع انشالله .. مابيها تشبر وجه الشوم ذي دلال: ههههه ليش يمه يا كافي ام مشعل: بس مابيها تجي ذا الحسوده .. عمري ما شفت حرمه مثلها والله .. حتى عيالها ما سلموا منها دلال سكتت: الله يعنيهم يارب.. ام مشعل: انا بروح ابشر ابوك دلال: اوكي.. -=-=-=--=-=-=-=-=----=-=-=--===-=- استراليا كان بندر وماجد مجتمعين مع اصحابهم بالشقه .. لانهم كانو بيودعونهم لانو سفرتهم بعد يومين .. حمد: هاااا شباب بنفقدكم والله ماجد: والله حتى احنا بندر: اما انا عن نفسي مارح اشتاق لاحد فيكم عبدالله: وليش عاد بندر: عللللله وناشبين لي وكل شي حمد: لا تحسبنا ميتين عليك بندر: اكيد ميتين علي ولا ماكنتوا بشقتي الحين حمد: اقول انطم انت.. ولا ينفع معك غير كذا معروف عن بندر وحمد انهم دايم يتناقرون .. عشان كذا الوضع عادي.. ومستحيل يجتمعون الا وهم متطاقين ماجد: ههههههههههه قوموا تماسكوا احسن لكم بندر: والله ودي لؤي : اقول عاد شباب .. لا تنسون اللي وصيتكم عليه.. بندر: هههههههههههههه انت جاد؟؟ والله كنت احسبك تمزح لؤي: يابووو .. هذا شي ما ينمزح فيه .. الدعوه فيها كبيسه حمد: وش كبيسته ؟؟ ماجد: هههههههههه الاخ يبينا نجيب له رز من هناك لؤي: ياخي رزهم هنا سامج.. ما ينفع اسوي فيه كبسه .. وانا بصراحه ولهااان على الكبسه الزينه ، ما اكلتها من 7 سنين .. جيبولي لو كيلو واحد انا راضي حمد:ههههههههه تكفى لا تصيح علينا لؤي : بتطولون هناك؟؟ ماجد: لا انشالله بس شهر وراجعين حمد: اي بعد .. لا يكون اكثر .. بندر: لا ماهو اكثر انشالله .. الا انتو ليش ما تجون معنا؟؟ حمد: انت عارف او اخواياك دشير .. يبي لنا ندرس ونشد حيلنا .. احنا نبي ذا الشهر من الله اصلا عشان ندرس ونرتب امورنا فيه .. خلاص كلها ترم ونتخرج الحمدلله بندر: الحمدلله .. هانت .. ماجد: لو انكم تدرسون زيي اول باول ما صار لكم اللي صار الحين ..شوفني اسم الله علي ما افارق الكتاب لحظة .. بندر: هههههههههههههه والله لو انه رانيا ماجد بنص عين: وش قصدك؟؟ بندر: ابد سلامتك .. حمد: ماجد.. انت للحين انت ورانيا ؟؟ احسبك ساحب عليها من زمان ماجد: يا ذا الرانيا اللي مسببة لكم ازمه بحياتكم.. لا ياخي ماني ساحب عليها ارتاح وشيل ذا الفكره من بالك بندر انقهر من كلام ولد عمه .. هي تستغل فيه وهو قاعد يعشق لي فيها عبدالله: شكل الوضع جدي.. ماجد بجديه: واكثر من جدي والله .. بندر : اللللله يعينك على نفسك ماجد: اقووول انطم وقوم جب لنا عشا ولا اطلب لنا بيتزا .. بندر: قايم اصلا بدون ما تقول انت وخشتك .. وظلوا الشباب بين المناقر والسوالف العاديه لين بعد الليل -=-=-=-=-=-=-=-=-=--=-=-=-=-=-=- بيت ام عبدالله ام عبدالله كانت قاعدع مع زوجة ولدها امل ومها وعبدالله ..كانوا يسولفون ويتقهوون والجو حلو عليهم مها كانت تلاعب ولد اخوها سعود ومبسوطه عليه: ياناسوووووو عليه يجنن ذا الولد طالع على عمته عبدالله: كثري منها بس.. طالع على ابوه وبس..ولا لا يا امل امل بابتسامه حلوة : اكيد عبدالله: جعلي فدا ذا الابتسامه انا امل استحت بقوووة لانها مع خالتها ومها مها: احم احم عيب ترانا كلنا هنا ام عبدالله بابتسامه : عقبال ما اشوفك تلاعبين ولدك يا مها مها وهي تحط سعود بحضن امه: ويييييييييييين يمه مطوووله مررره انا.. بالله ويني ووين الزواج يبي لي وقت ام عبدالله: لا وقت ولا شي .. اول ما يجي نصيبك بقضبك الباب مها: هههههههههههه حلوة ذي ماما .. انواع الطرده ام عبدالله: اي والله ماعندي بنات انا يقعدون عندي.. اول ما يجي الرجال الزين خلاص مع السلامه وش تنتظر عندي؟.؟ مها: اجل جعله يبطي ... توي ماشبعت منك ام عبدالله: لا شفتك طولتي القعده هنا انا بنفسي بخطب لك وازوجك على حسابي مها: واللللللللله .. وليش كل هذا انشالله .. دامك متحمسه مرره زوجي خالد مسكين ام عبدالله تتافف: انا لللله .. لعد احد يجيب لي طاري زواج خالد .. خليه يستنى له فتره .. توه ما استقر عبدالله: يمه مسكين خليه يتزوج، اخطبي على الاقل ام عبدالله بحزم:" اللي يبي رضاي بذا البيت لا يجيب لي طاري زواج خالد.. عبدالله ومها سكتوا.. امل: الا خالتي ترى اليوم دقت عليك خالتي ام مشعل كانت تبيك ام عبدالله: صدق؟؟ ما قلت لك وش تبي؟؟ امل: لا والله ما قالت لي .. بس تقول انها دقت على جوالك وطلع مقفول.. ام عبدالله: يابنتي انا ما احب ذا الجوال يعور اذني.. ما احب احكي فيه ولا استعمله .. مها: هههههههههههه عزتي يمه ام عبدالله بغرور: فشششر انا لسه شباب .. عبدالله: ههههههههه عسى الله يطول لنا بعمرك .. ام عبدالله : اميييين يارب وافرح فيكم كلكم.. امل حبيبتي قربي لي التلفون من جمبك قامت امل وجابت لخالتها التلفون: سمي ام عبدالله دقت على بيت اخوها وردت عليها الهنوف الهنوف: الوووووووووووو ام عبدالله: هلا واللللللللللللللللللله بحبيبتي الهنوف: هلا عميمه هلا كيفك ام عبدالله:زعلانه عليك الهنوف: افااااااا يا عمه .. في احد يزعل من الهنوف الحلوة شيخة البنات ام عبدالله: اي فيه .. انا .. وينك يا حافظ لا تكلمين ولا تسألين ولا تقولين لي عمه اسأل عنها ولا شي الهنوف: سامحيني عمة اسفه .. بس تعرفين الدراسه يعني وبلاويها ام عبدالله: ههههههههههه والله لو اشوفك تدرسين بعيون مير ماني مصدقه الهنوف: هههههههههههههههه اجل زين انك عارف*ني الله يهد*ك وشو له تخليني اكذب اجل ام عبدالله: اااه منك انتي بس ما يقدر عليك الا ربك الهنوف: تربيتك ام عبدالله: ههههههه يا جعلي ما خلا .. الا وين امك؟؟ الهنوف: دقيقه ... وراحت تنادي امها ام مشعل: هلا والله ام عبدالله: هلا بك والله .. وش اخباركم وش علومكم؟؟ ام مشعل: بخير يا وجه الخير ام عبدالله:قالت لي امل انك داقه علي.. امري؟ ام مشعل: ما يلمر عليك عدو.. بس حبيت اقول لك اني خطبت لمشعل واني ابيك تجين معي عشان نطلب البنت رسمي ام عبدالله بفرحه: ماشاللللللللللللللللله عالبركه والله.. ومن بنته؟؟ ام مشعل: بنت ام عبدالرحمن ال... يصيرون حمولة اختي ام عبدالله: الله يتمم على خير.. خلاص انشالله من عيوني .. ومتى تبينا نروح؟؟ ام مشعل: ابد الاسبوع هذاا خير البر عاجله وش له نتأخر وانا بصراحه مستعجله على زواجة مشعل .. تعرفين بعد وحيدي وودي افرح فيه بدري ام عبدالله: على خيرة الله .. وانشالله الله يتمم على خير وتفرحين فيهم ام مشعل: امين يارب.. وقعدوا يسولفون شوي وقفلوا مها: يمه مين بيتزوج؟؟ مشعل ولد خالي؟؟ ام عبدالله: اي .. خالتك نورة تقول لي انها تبيني اروح معها عشان نخطب رسمي مها: الله يتمم له يارب..ومن بياخذ؟؟ ام عبدالله: حمولة اخت خالتك ام مشعل.. مها تحاول تركب الوضع وتتذكر وقالت بشهقه : اثيييير؟؟ ام عبدالله: اي اثير مها: ياحلووووووها يا نااااس والله انها مافي منها بنت مؤدبه وحلوة ام عبدالله : الله يهنيهم يارب.. والتفتت يمين ويسار ام عبدالله: هوو وين عبدالله وامل وسعود مها: ههههههههه وش فيك يمه الله يهد*ك .. استأذنوا منك وقالوا بيروحون يجهزون عشان بيروحون لاهل امل يتعشون عندهم ام عبدالله: هوووو .. ما انتبهت لهم مها: لانك كنتي متحمسه بالمكالمه ام عبدالله: كان خلو لي سعود طيب مها: خليه يمه يروح اكيد جدته تبي تشوفه ام عبدالله: على قولتك بيت ابو ماجد ايان تدور بالبيت وهي بقمة الطفش ..دخلت غرفة اختها لقتها تكلم بالجوال ايان: اففففففف وانتو ما تملون اشرت لها ليان عشان تطلع بس ايان ولا كنها تشوف ليان: ها حبيبي؟؟ لا ولا شي بس ايان دخلت عندي... هههههههههههههه اي اي .. وش اسوي فيها طيب... ههههههههه محمد من متى انشالله.... هههههههههه طيب طيب هههههههههههههههههههههههههههههههههههههههههههههههههه ههههههه ايان تتطنز عليها وتقلدها بضحكتها: هههههههههههههههههه يا بثرررررررركم

Free reading for new users

Scan code to download app

App Store Google Play

Facebookexpand_more