الفصل التاسع

3726 Words

سلطان: ليه ابوبندر: لما تاكل .. بوريك الاشياء طيب؟ سلطان: لازم؟ ابوبندر: اي حبيبي لازم سلطان: اووكي.. لااااااااني ابوبندر ضحك على ولده.. وجت المربيه لاني: يس ابوبندر: جيبي فطور سلطان لاني: اوكي قعد سلطان بحضن ابوه شوي وابوه يلاعبه لين ما صحوا البنات ريما: صباح الخير يا احلى بابا ابوبندر:هلااااا بنتي صباح النووووووور والسرور ديما: صباح الخير يا غلاي ابوبندر: صباح النور يا عيوني .. احلى صباح بالدنيا صباحي فيكم بدر نزل: السلاااام عليكم ابوبندر تهلل وجه يوم شاف ولده: هلا هلا والله بابو سلمان هلا بدر: ههههههههههه يبه ارسي لك على بر من ابو سلمان فينا انا ولا بندر؟ ابو بندر:ههههههههه كلكم بتجيبون سلمان انت واخوك وخواتك بدر نزل وباس راس ابوه: الحمدلله على السلامه يالغالي ابوبندر: الله يسلمك من الشر.. كيفك يابوي وكيف شغلك؟ بدر: الحمدلله ماعليه.. ابوبندر: هاااا لا يكون ابو تركي مضايقك بشي هنا ولا هناك قول لي " ابو تركي هذا الشخص اللي بدر يشتغل بشركته ورح يكون له دور بالرواية انشالله " بدر:لا والله بالع** يعطيه الف عافيه .. ماهو مقصر معي باي شي ورايته بيضا ابوبندر: والنعم والله بابو تركي ديما: بابا .. انت تعرف ابوتركي ؟ ابوبندر: ايي حبيبتي .. كننا ندرس سوا ايام الثانوي والجامعه ديما : وللحين اصحاب ماشالله ابوبندر: ولين بكره انشالله.. ابو تركي اخو دنيا وما في الدنيا له مثيل ريما: الله يخليكم لبعض ابوبندر: يخليكم انتو لي يا كل حياتي .. ويرجع لنا بندر بالسلامه انشالله ونلتم كلنا سوا من جديد الكل: امييين وقعد ابو بندر مع عياله وفطروا واتكلموا سوا .. ولا واحد منهم راح دوامه الا بدر عشان عنده اجتماع مهم اما ام بندر ما طلعت من غرفتها ابد ..مع العلم انها وابو بندر كل واحد منهم له غرفه خاصه من بعد ما جابوا سلطان لانو المشاكل بينهم زادت وصارت لرب السما ... في المدرسه.. بحصة الاحياء اللي كانت الحصه الاخيره ايان بتملل: افففف احد يحط الاحياء الحصه الاخيرة؟ الهنوف بملل اكثر: ومن سمعك.. الود ودي اصقع راس الاستاذه بذا المسطره اللي تلوح فيها من صباح ربي حولتني فيها الاستاذه : ايان والهنوف ممكن بدون صوت ؟ اياان والهنوف: ان شاء الله ايان سفهت الاستاذه ورجعت تكمل سوالف: اقول الهنوف، وش صار على خطبة مشعل؟ الهنوف بحمق: مدري ، كلما سألت احد بالبيت سفهني وقال انتي صغيره وش لك بذا السوالف ومشعل نفسه ماهو معطيني وجه يعصب علي كلما فتحت معه السالفه ايان: اففففف طولوها ترى.. قولي لهم نبي العرس يكون قريب خاطري بالطق والوناسه الهنووف: ابشري عمتي بقول لهم ولا يهمك الاستاذه وصبرها بدى ينفذ منها: بنااااات ممكن تسكتون؟ ولا ترى بفرقكم الهنوف وايان يعتدلون بجلستهم": طيب وبعدها بعشر دقايق رن الجرس معلن انتهاء الحصه الاخيره بمدرسة متعب متعب كان قاعد بالساحه مع صاحبه ريان ولا هو ناوي يطلع قاعد يشرب بيبسي ومتكي على الجدار ريان: متعب منت طالع؟ متعب ببرود: الحين لا ريان: غريبه مو بالعاده .. العداه اول ما يرن جرس قبل الاخيره وانت بره المدرس، المره هذي قاعد لي متعب: ههههههههه اي .. ماني طالع الحين ياخي يا علي اخت ل**نها اطول منها ، قلت اربيها والطعها هناك لين تتربى ريان: صاحي انت.. تخلي اختك بالمدرسة لحالها متعب وهو يكمل البيبسي حقه ببرود : لا تخاف ياخي .. اذا تاخرت عليها 10 دقايق بس بتركب مع بنت عمي ويرجعونها البيت.. ريان: بسلامتك.. انت واختك تصلحون انا ما علي فيكم، المهم تعال نروح نتغدى بماك حدددي جوعااااان متعب وهو يرمي العلبه بالزباله: يللا بالجامعه كانوا البنات بالكافيتيريا متجمعين ويسولفون دلال: اااااااااااه تعبت متى يجي الويك اند ايمان: الويك اند مره وحده.. حبيبتي تونا السبت دلال: تعبت من ذا الدراسه ابي اسبوع استجمام .. والله كرفت كرف ماقد كرفته ليان: هذي ضريبة الجامعة ريما: هههههههه المشكله يا بنات عمي تتكلمون وكنكم تدرسون طب ... الحين اللغات فيها كرف.. والله حاله !!! الاء: طبعا بتقولين كذا حبيبتي.. انتي بلبل تتغنين بالانجليزي تغني مو زينا يا حافظ جملتين ما نركب على بعض ريما شهقت ليان: قلللل اعوذ برب الفلق .. لا تنظلينها اذكري الله الاء: هههههههههه ما قلت شي عاد لا تطبون بحلقي ريما تكش عليها دلال: ههههههههههههه لا تخافين عيون البنت ماهي حاره ريما: الواحد بعض الاحيان يحسد نفسه بنفسه ما تبينه يحسد غيره الاء: الللللللللله خليتوها حسد الحين.. ما اقول الا مالت عليك وعليها.. دلال: بنات تبون اجيب لكم شي تشربونه ؟ على حسابي ترى ايمان: اووووه ما شالله .. من متى الكرم؟ دلال بنص عين وهي تحرك شعرها بدلع: ليش حبيبتي معودتك تفطريني على حسابك كل يوم ؟؟ ما يجيب لكم الا انا ايمان: بشويش طيب لا تطيحين علينا من ذا المياعه ريما: ابي نسكافيه الاء باستنكار: بذا الحررررر !!! ريما: مشتهيته ليان: وانا ابي عصير مشكل الاء: وانا جيبي لي عصير على ذوقك.. دلال وهي تطالع ايمان: وانتي مير عناد ماني جايبة لك شي .. ايمان طلعت عيونها: شف بس!! دلال راحت وهي تضحك وجابت طلبات البنات وودتها لهم ايمان: ماجبتي لي صدق دلال وهي تضحك وتأشر على الفرابيتشينو : الا هذا لك اخبرك تحبينه موووت ايمان: لا خلا ولا عدم ريما: دلال.. وين السكر دلال وهي تدور: ماحطت؟؟ ريما: لا .. دلال: خلاص بروح اجيب.. وهي بتلف خبطت بوحده خبطة جاااامده خلت دلال ترتد على ورا البنت : عممممممى ما تشوفين دلال طلعت عيونها من وقاحة البنت: اسفه البنت : وين اصرفها ذي؟ دلال بلباقة: قلت لك اسفه.. ليش بتسوينها سالفه البنت وهي تأشر على عصيرها اللي انكب: وهذا وش اسوي فيه الحين من يعوضه لي وانا موقفه ساعه على بال ما اجيبه من الزحمه دلال ياذي النشبه: اذا على العصير انا اجيب لك غيره .. بس خلاص عاد لا تسوينها سالفه البنت: ما بقى الا ذي بعد دلال رفعت حاجبها باستغراب: الحمدلله يارب البنت: شايفه مجنونه قدامك تتحمدين ؟؟ ايمان نطت: هيي يالحبيبة.. قالت لك اسفه وش تبينها تسوي بعد تحب راس جنابك عشان ترضين البنت: اولا انا ما كلمتك ، ثانيا لي اسم مو تناديني هيي ايمان تتكتف: والله ما تشرفنا بالاسم البنت بغرور: ولا تتشرفين اصلا ايمان: يللا بس روحي لا اخلي ذا الجامعه كلها تتف*ج عليك.. جت بنت ثانيه وتنادي: تهاني وينك تاخرتي؟ تهاني: ما تشوفين ذا الغ*يه كبت العصيير حقي... اميره: ليش ما تشوف؟ تهاني: مدري عنها.,. دلال بشوية عصبية: الظاهر الحكي معك ضايع انتي واقفه تعلين صوتك وتطولين ل**نك عشان عصير ب 5 ريال.. عيب عليك ، قلت لك بعوضك بلاش قلة حيا تهاني: وكمان تعلين صوتك وتطولين ل**نك.. دلال لفت عنها وسفهتها وراحت تجيب السكر لريما تهاني عصبت من حركتها وجت بتروح وراها لكن مسكتها اميره اميره: خليك منا الحين الكلاس بيبدى تهاني رضت ومشت مع صاحبتها ليان:عساهم البلا انشالله ما بغوا يفكونها ريما: ضيقوا ص*رها الحين تطنقر اليوم كله الاء : ياناس اكره ذا البنتيييييييييين ايمان: تعرفينهم؟؟ الاء: اييييي ياما سووا لاختي وصاحباتها مشاكل ايمان: باي مستوى هما؟ الاء: زينا مستوى خامس ، بس بقسم ثاني اتوقع محاسبه او شي زي كذا ريما: وايش جابهم مبنى اللغات الاء تهز راسها: والله مدري.. جت دلال وعلى شفايفها ابتسامه بسيطه يالله تنشاف وهي جايبة السكر لريما ريما تحاول تروقها: وووه يا زين المبرطميييين يا نااااااااااااس دلال ابتسمت غضب عنها ليان : اي كذا يا بعدهم، يعني معقولة للحين ما تعودتي على ذا الاشكال؟ دلال: وش اسوي ما احب اتعامل معهم ابد ليان: نضطر اننا نتعامل معهم .. وش نسوي.. ايمان بشوية عربجة: يا حلووو روقها.. ترى اذا حسيتك للحين زعلانه والله لا اروح امردغها الحين واخليها هي والبلاطه سوى دلال ضحكت على صديقتها الاء: يممممممه منك .. انتي لحظة تصيرين ناعمه وبثواني تقلبين عربجيه ؟ ايمان: وش ترجين مني دامني بين 5 عيال.. ريما بضحكه: الللله يعينك على نفسك بكلية الفنوون رنيم كانت قاعده ترسم وبحمااااس على احد المقاعد الموجوده بره وهي تدندن بلحن عادي .. ومرت وحده من قدامها رنيم بسرعه: هدييييل هديل التفتت وابتسمت: هلا والله رنيم .. كيفك رنيم: انا بخير حبيبتي وانتي كيفك هديل: ماشي الحال رنيم بحرج: هديل، انا ماني عارفه وش اقول لك بس حقيقي انا مرة اسفه من الكلام اللي قالته لك اختي ، انا عارفه انها كانت بقمة الوقاحه معاكي، وانا ابد ماني عاذرتها و.. قاطتعتها هديل: رنيم .. انتهينا من الموضوع ، انا عارفه اختك مشاعل زين زين وما يحتاج تعرفيني عليها ابد ، وعارفه اطباعها ولا اخذ بكلامها اصلا لاني اشوفها بزر ولا ينشره عليها نزلت رنيم راسها بحرج هديل ترفع لها راسها: وش دعوه رنيم، قلت لك ما يحتاج تنحرجين من تصرفها، انا عارفه ومتأكده من انك شي وانو اختك شي ثاني تماما، ربي خلق وفرق بينكم ، لا تحطين ببالك اوكي رنيم: والله كنت ناوية ادق عليك واعتذر لك بس حسيت انو اعتذر بوجهك احسن هديل: مابينا هذا كله انا وانتي خوات واكثر من خوات رنيم: يعني انتي مو زعلانه الحين هديل تهز راسها بمرح: ابدا رنيم حضنت صديقة عمرها بقوووووة وقالت وهي تاخذ شنطتها ودفتر لوحاتها من المكان اللي كانت جالسه فيه: اذا كذا اجل يللا تعالي انا عازمتك على الفطوور هديل باعتراض وفيها ضحكه: ولا يمكننننن ، انا اللي عازمتك، وبعدين وش فطوره الحين الله يهد*ك؟ الحين وقت غدا .. يللا تعالي واتا عازمتك واختاري اللي تبين رنيم ابتسمت لصاحبتها ومشوا سوا.. بيت ابو بندر ابوبندر كان يسولف مع عياله من الصبح لين الظهر وتغدوا سوى وكملوا قعدة سوا لين استأذن منهم ابوهم انه يروح يكمل شغله .. ديما: فديييييييت بابا والله اشتقت لجلستي معه ريما: الله لا يبين غلاه بس ديما: تتوقعين يطول بالقعده هنا؟ ديما: يالييييييت والله على دخلة امهم عساه مايقعد ماني طايقته ديما سكتت هي وريما ولا علقوا على كلام امهم ام بندر: شكل كلامي ما عجبكم ديما : ماما لو سمحتي ما احب احد يحكي عن بابا كذا ولا ارضى عليه ام بندر: رضيتي ولا انرضيتي .. كلام بخاطري بقوله سامعه ولا لا.. وهي تلبس عبايتها ديما وريما: سكتوا ولا علقوا .. امهم عطتهم نظرة وطلعت ديما: كل يوم على ذا الحال احنا ريما: ولا يهمك .. روحي ذاكري احسن لك الامتحانات قربت وابيك تجيبين نسبه عاليه ديما: الله كريم.. ---=----=----=----=----=----=---- مدرسة البنات .. ايان كانت بره تنتظر اخوها متعب يجي لكنه ما بين ايان:اففففففف مو بالعاده يتأخر علي ذا كله جت الهنوف من ورها: هاا ايان ما وصل متعب ايان عصبت: لا الزفت ما جا انا اوريه .. الهنوف:طيب دقي على البيت شوفي ايان: ما جبت جوالي والمشرفه قافلة المكتب حقها.. الهنوف: وانا جوالي ما جبته.. طيب تعالي معي انا اود*ك وش دعوه احنا خوات وبنات عم ايان: لالالا اخاف يجي متعب ولا يلقاني والله يلعن خيري الهنوف: انتي تعالي بس معي وماعليك منه .. من متى وانتي تعملين حسابه ولا تخافين منه ايان: من صباح ربي واحنا طقاق سوى مابي ارجع على مشاكل وطقاق بعد، خليني كذا ملطوعه بذا الحر احسن لي بدال الصجه ووجع الراس الهنوف: براحتك.. يعني امشي انا الصراحه طولت مره وانا انتظر الاخ يشرف ياخذك ولازم ارجع الحين ايان: خلاص طيب الله معك الهنوف: وطمنيني عليك لما توصلين اوكي ايان: اوكي حبيبي... وعدت نص ساعه زياده وايان مسكينه منقوعه بره تنتظر اخوها اللي للحين ماشرف ايان شوي وتصيح: يااااااااااااااااارب يبين عاد تعبت رجلي من ذا الوقفه وش ذا الحررر..المدرسه سكروا بابها الا شوي من ورا ايان جت صديقتها شهد شهد : ايان ايان التفتت: هلا شهد:للحين مارحتي ايان: لا للحين انتظر سيارتي ولا بانت .. انتي ليش ما طلعتي للحين؟ شهد: كان عندي ورشة عمل .. تعرفين المعرض بيفتتحونه بعد يومين لازم اخلص اعمالي ايان: الله يعينك يارب.. شهد: امين .. طيب تعالي معي اوصلك ايان الود ودها تقول ايييي يللللللا قدااااااااام : لا ياقلبي ما يحتاج والله الحين يجي انشالله شهد:ههههههه اي الحين يجي وانتي صار لك سنة تنتظرين السواق يجيك ايان: يختي ما يصير احس شهد: وش دعوه عاد ايووووون .. نسيتي اننا صاحبات من زمااااان وما بينا هذا كله ايان استحت من صديقتها وقعدت تفكر ، الحيوووواااان متعب ذا اللي مايستحي لاطعني سنه هنا وبعد انا ووجهي قاعده اراعي خاطره .. ما اقول الا مالت علي وعليه قبلي: طيب حبيبتي يللا .. سوري بثقل عليك شهود شهد: لا ثقل ولا شي .. انتي من اهل البيت اصلا ماما صار لها فتره طويله تسأل عنك تبي تشوفك .. ماغير وين ايان يا حبي لها ورى ماتجي ومدري ايش ايان ضحكت بخجل: ياحبي الله .. الله يسلمها.. شهد: يللا يا حلوة عشان نلحق عالغدى معاها.. ايان: اوكي *شهد صديقة ايان من ايام التمهيدي .. بس تعرفون احيانا الصاحبات يبتعدون شوي عن بعض وتصير دايم بين البنات م يحبون بعض بس علاقتهم خفت حبتين .. بيت شذى شذى كانت قاعده في الصاله تتف*ج على التلفزيون على مسلسلها المفضل .. ودخلت عليها مرت ابوها منيره بهدوء: شذى شذى التفتت لها: نعم منيره قعدت جمبها وهي تطالعها شذى استغربت من مرت ابوها اول تكلمها بهالنبره وهالهدوء منيره: بقول لك شي .. شذى قطبت وطفت التلفزيون والتفتت لمرت ابوها: خير منيره : انتي عارفه انك مثل بنتي بالضبط واني ابي مصلحتك واخاف عليك.. شذى ابتسمت بسخريه وهي ترفع حاجب وسكتت ولا علقت منيره: وابوك الله يهديه و يصلحه مخلينا هنا لا يسأل علينا ولاهو جايب خبرنا ,, حتى الاكل مننا عارفين كيف ناكل شذى: خالتي اخلصي ممكن وبلاش مقدمات منيره بحنيه مصطنعه: تعرفين عاد وانا مو دايمة لك وما تدرين وش ممكن يصير بعدين شذى رفعت صوتها شوي: خالتي وش سالفتك انتي منيره: بصراحه يا شذى ولد اختي متقدم لك ويبي يتزوجك شذى فتحت فمها من الصدمه: نعم ؟ّ!!!!!! منيره: اللي سمعتيه .. هو كلمني اليوم الصبح وقال لي يا خالتي اخطبي لي .. وتعرفين عاد وخيتي المسكينه عجزت وحالتها حاله وولد اخوي ماله غيرها .. قلت انا اتكفل بموضوع خطبته .. ويبي وحده اعرفها زين ومافي ازين منك شذى قاطعتها: وفري هالحكي كله يا خالتي انتي تعرفيني مابي اتزوج منيره: يا بنتي كل بنت مصيرها بيت رجلها كذا ما يصير عاد شذى: يصير ولا مايصير .. زواج مارح اتزوج ، وبعدين اسمحي لي عاد انا ما اضمنك لا انتي ولا مجايبك ، انا اللي مخليني صابره عليك هو ابوي الله يسامحه لانها لازمني فيك وزاوج حطيها ببالك ماني متزوجه يعني وفري على نفسك التعب لو سمحتي وفكيني من شرك واذاك.. ودخلت غرفتها ولبست عبايتها منيره: على وين ؟ شذى: بروح لاريج.. وطلعت بدون ولا كلمه زياده اما منيره صارت تغلي من كلام شذى ورفضها لولد اختها االي على قولتها لقطه وما يتفوت ... وتحلفت انها تسعى بذا الشي عشان تقلع شذى من البنات باقرب وقت وباي شكل من الاشكال بيت اريج موضي من عند الباب: خيييييييييير شذى لا حووووووول: خالتي ممكن اريج ؟؟ موضي: لا مو ممكن .. انتي ما تستحين على وجهك كل يوم والثاني ناقزة لي .. فكيني يختي شذى بصوت واطي: خالتي افتحي الباب ما يصير كذا نحكي عند الباب.. افتحي لي الناس صاروا يطالعون فيني موضي: وخير يا طير.. روحي يللا بيتكم اريج ماهيب في شذى بنفاذ صبر: وين بتروح يعني؟ موضي بصراخ: لجهنم الحمرا انشالله .. اريج جت من وراها بصراخ: يا جعل جهنم اللي تاكلك اكل يا ملعونة الخير تخصرت لها موضي: انقلعي عن وجهي على جثتي تدخل البيت اريج وهي تتخصر: اقوووول وخري عن الباب خليني افتح لها لا من جد اخليها تدخل على جثتك موضي: خوووش خوووش بعد تبين تدخلينها بيتي غصب علي اريج: وش بيتك يا ام بيت انتي.. هذا بيت ابوي يعني بيتي .. وقبل ما يكون بيت ابوي كان بيت امي الله يرحمها يعني مالك فيه شي يللا انقلعي عن وجهي خليني افتح لها شذى كاتمه ضحكتها وهي بالشارع على اريج موضي: اقول لك ماني موخره هي قالت ذا الكلمه ولا ماقالت.. وتلقى اريج طايره عليها صاروخ وهي تسحب شوشتها موضي تصارخ: حسبي الله عليك .. الله ياخذك نتفتي شعري اريج: الله واكبر عليك بس انتي وذا النتفتين اللي مسميتهم شعر .. وخري يللا عن وجهي لا اكفر فيك الحين .. موضي دخلت جوه وهي تعرج من تصفيق اريج وتسب وتشتم فيها شذى من بره بصوت مرتفع شوي: يا اريج افتحي لي بعدين اذ*حيها اريج خبطت راسها بخفه وفتحت الباب: سوري ياقمر بس تعرفين لازم اعرفها بمقامها هاللي ما تستحي شذى: ههههههههههههههههههه يختي بدعتي فيها مسكينه وراك نازلة فيها تصفيق اريج: عشان تحرم تطول ل**نها علي...يللا تعالي جوة دخلت شذى بعد ما شالت غطاها لانو اصلا البيت مافيه احد غير اريج ومرت ابوها والابو كالعاده دااااج ما يجي البيت الا بالسنه حسنه اريج عقدت حواجبها: شذوووي وش فيك؟ شذى: مصيبه يا اريج اريج شهقت: وش مصيبته يا كافي؟؟ شذى: تعالي جوة اقول لك وش صار.... وقالت لها كل السالفه من الى اريج عصبت: انجنت مرت ابوك شذى: مدري عنها يا اريج اريج: وراك ما تخليني بس اجي اعطيها كورسات ادب تربيها بس .. شذى: الحقي علي يا اريج وش اسوي ؟ اريج: ببساطه كلمي بدر وقولي له شذى: ليش وش دخل بدر؟؟ اريج: كيف وش دخل بدر، من جدك انتي .. هذا بدر حبيب القلب وهو الوحيد اللي بيقدر يطلعك من ذا المصيبه شذى: لا في حل ثاني.. ابوي اريج ضحكت بصووت عالي: ههههههههههههههههه اما ابوك خلف الله بس.. من جدك تتكلمين ابوك ما عنده مانع بشي اهم شي انه يطيح همك من فوق راسه .. شذى حزت بخاطرها كلمة اريج مع انها عارفه ومتأكده من انها حقيقه .. شي يألمها من قلب انها تكون عبأ على ابوها وحيدها بالدنيا وسندها .. بس وش تسوي هذا شي مكتوب عليها تنحرم من امها وتصير ثقل على ابوها اريج: ههههييييييييي شذاوي وين رحتي ؟ شذى: معك معك اريج: والله اشك ..المهم بتقولين لبراد بيت ؟؟ شذى: مدري.. اخاف يفهمها بشكل ثاني اريج: كيف يعني؟ شذى: يعني يفهمها سرع الوضع وتعال اخطبني .. اذا فهمها كذا بيحسب اني مرخصه نفسي اريج رفعت حاجبها: هذا بدر .. كيف تتوقعين يفكر فيك كذا.. انتي عارفه انتي ايش بالنسبه له وانه بعد يتمنى قربك اكثر شي بالدنيا شذى: معك حق ، بس من جد انا مابي ادخله بمواضيع زي كذا كفايه مشاكله بالبيت مع امه واخواته اريج: اممممااا عنده مشاكل ؟؟ حسبت الاغنياء ما عندهم مشاكل شذى:ههههههههههه انتي وش تحسبين؟؟ تفكرين انو الدنيا كلها فلوس اريج: انا والله عن نفسي الفلوس تحل كل المشاكل، بلا حب بلا تفاهم بلا خرابيط شذى: لو جربتي الحب كان ماقلتي كذا اريج: هههههههههههههههه وش احب خلف الله علي بس.. ان كان ابو حمدي راعي البقاله ممكن غيره ما اظن شذى ضحكت على صديقتها بقوة: وش فيك انتي ماخذه الدنيا هبال وفلوس .. ترى في اشياء ثانيه اهم .. اريج تسلك لها: اي اي طيب شذى: ههههههههههه انتي موووستحييييييييييله وقدرت اريج تنسي شذى الموضوع لفتره بسوالفها الحلوة وهبالها بيت شهد دخلت شهد هي وايان البيت وطلعوا لغرفة شهد على طول شهد : تو ما نور البيت ايان: منور باهله شهد: دقيقه بروح اجيب لك ملابس بدال ما تقعدين بالمريول ايان:ههههههه لا ما يحتاج حبيبتي عامله حسابي شهد: كيف ؟؟ ايان رفعت تنورة المريول لينها لابسه بنطلون تحت شهد فتحت عيونها: منتي صاااااااااااااحيه ايان وهي تفصخ المريول ويبقى عليها البنطلون والتيشرت : ها بس كيفني معاك؟؟ شهد: ههههههههههه منتي صاحيه دخلت ام شهد: هلااااااااااااا واللللللله بالغاليه ايان ما بغينا نشوفك يا غلاي ايان خجلت : هلا بك خالتو ام شهد: كيفك حبيبتي ؟ ايان: بخير الحمدلله ام شهد: وكيف ماما وليان؟ سمعت انها انخطبت ايان: الحمدلله كلهم بخير ، اي انخطبت من فتره ام شهد: ماشالله الله يتمم لها على خير يارب.. يلله عاد تعالوا نتغدى انا بصراحه ميته جوع شهد: يلله.. مشوا الا ايان التفتت لها شهد: وش فيك؟؟ ايان: اخاف اخوك موجود شهد: مين؟؟ طلال؟؟ ايان: وفي عندك اخو غيره يعني ؟ انا اللي اعرفه انكم اثنين شهد:طلال الحين بالشغل مستحيل يرجع الا بعد العصر ايان": اذا كذا اوكي.. نزلوا تحت تغدوا بيت ابو مشعل بعد ما خلصوا الكل من الغدى راحت الهنوف وانسدحت بالصاله على رجل اختها دلال اللي كانت تقلب بالتلفزيون وبثواني نقزت من مكانها وهي تصرخ دلال: اااه يمه وش فيك انتي انجنيتي؟ الهنوف: ايااااااااااااااان دلال: وش فيها.؟ الهنوف: خليتها .. دلال: وين خليتيها فيه؟؟؟ اتكلمي زين طيحتي قلبي؟؟ الهنوف: انا يوم اطلع من المدرسه ايان كانت هناك ولا طلعت وعيت تجي معي تبي تنتظر متعب يجيها، وجيت دلال: كيف يعني؟؟ يعني ايان لين الحين بالمدرسه لوحدها الهنوف بخوف: مدري دلال: شلون يعني ما تدرين؟؟ طيب دقيتي تطمنتي او شي؟؟ الهنوف: لا دلال وهي تلتفت لتلفون البيت جمبها وتدق على بيت عمها: انتي متى بتكبرين هاا؟؟ كيف تخلين البنت لحالها وهي بنت عمك ليش ما جبتيها مو هنا بيتها بعد؟ الهنوف: اصرت انها تقعد هناك تنتظر متعب وش اسوي لها اسحبها بالقوة ؟؟ دلال ما ردت عليها لانو السماعه رفعت ام ماجد: الوو دلال: السلام عليكم ام ماجد: هلا بنتي وعليكم السلام، شلونك دلال وشلون ماما؟؟ دلال: الحمدلله كلنا بخير الله يسلمك.. ام ماجد: اللهم لك الحمد والشكر دلال: خالتي.. ايان موجوده؟؟ ام ماجد: لا والله للحين ما جت هي ومتعب شكلهم بيتغدون بره دايم يسوونها دلال : معقوله ؟؟ ام ماجد: اي يا بنتي.. ليش صاير شي؟؟ دلال قالت انها لازم تقول لها: خالتي الهنوف قالت لي انها يوم طلعت ايان كانت لسه بالمدرسه ومتعب لسه ماجاها طول عليها ام ماجد بدت تقلق: معقول؟؟ دلال: ايوة .. فقلت اتصل اتطمن عليها ام ماجد خافت: طيب يا بنتي مشكورة.. انا بدق الحين واشوف وش صاير.. دلال: طيب خالتي وانا بدق بعدين اتطمن ام ماجد: انشالله.. يللا مع السلامه دلال: هلا والله.. ام ماجد مسكينه ارتاعت .. عيالها فعلا طولوا، بس هما عادة يدقون عليها يقولون لها اذا كانوا بيتغدون بره وهالمره ما سووها .. وش صاير يارب الله يستر حست بالذنب لانها سهت عنهم .. وفكرت على طول انهم بيتغدون سوى زي ما دايم يسوون رفعت جوالها تدق على متعب وهي تدعي الله انه يرد عليها ويكون سالم متعب: هلاااا ام ماجد: متعب يمه انت بخير؟؟ متعب: اي يمه وش فيك؟؟ ام ماجد: وينك انت واختك ليش ما جيتوا للحين؟؟ الساعه 2 ونص متعب: طيب؟؟ ام ماجد: وش طيب؟؟ وراك ما شرفت لا انت ولا اختك متعب ارتاع: وشوووو؟؟؟ ما جت ايان؟؟ ام ماجد: لا طبعا ما جت.. ومن بيجيبها غيرك يعني ؟؟ متعب: يعني مارجعت مع الهنوف؟؟ ام ماجد: لا والله الهنوف ببيتها .. متعب يفكر .. معقول تكون للحين بالمدرسه؟؟ ام ماجد بصراخ وعصبيه: متعب وين بنتي؟؟ متعب: هاا؟؟ الحين الحين شوي ونكون عندك انشالله.. ام ماجد: لا تقول انها للحين بالمدرسه؟ متعب: لا لا تشيلين هم.. شوي ونكون عندك مع السلامه وقفل قبل لا يسمع كلمه زياده من امه وقفل جواله عشان ما تدق ثاني ام ماجد: حسسسسبي الله على شيطانك من ولد لعبت باعصابي.. الله يجيب العواقب سليمه يارب.. بسيارة متعب متعب: لاحوووووووووول ريان: وش فيك؟؟ متعب: اختي مارجعت البيت مع بنت عمي زي ما كنت متوقع ريان استغرب: امممماااا متعب: اي والله ريان: طيب هدي لا تخاف اكيد انها بالمدرسه لين الحين متعب: وشلون ما اخاف.. انا واثق انها ماهي بالمدرسه مستحيل تقعد لين الحين لوحدها .. توقعتها بتكون مع بنت عمي بس الظاهر كنت غلطان ريان: طيب يلله عالمدرسه خلينا نشوف.. متعب: الله يستر.. عند المدرسه متعب للبواب: ايان راشد لو سمحت البواب: نعم؟؟ متعب: اللي سمعته.. وش نعم!!! البواب: المدرسه مقفله من ساعه مافيها احد متعب: شلون يعني مافيها احد؟ البواب: يعني مافيها احد.. انا بنفسي داخل من شوي ومشيك على كل شي جوه مافيها احد فاضيه متعب: اقول لك اختي ما تحركت من ذا المكان كيف يعني مافي احد؟؟ البواب: انت متأكد انها مداومه اليوم؟ متعب وبدا يفقد اعصابه : شلون متأكد .. انا جايبها بنفسي للمدرسه ريان: هدي اعصابك متعب متعب: وش اهدي اعصابي.. اختي وماهي موجوده وين بتكون يعني؟؟ ريان: تعال نفكر على رواق بالسياره ونشوف وين ممكن تكون متعب: ياخي مدري وين بتكون ريان: طيب مالكم احد ثاني بالمدرسه ممكن تسألونه؟؟ متعب: لا مافي غير صاحباتها وانا عن نفسي مدري كيف بوصل لهم ريان سكت يفكر مع صاحبه شوي.. متعب: وين بتكوووون

Free reading for new users

Scan code to download app

App Store Google Play

Facebookexpand_more