Galit na sumugod si Ernesto sa lihim na silid ni Shawn. Hindi niya lubos akalain na magagawa nitong patayin nang ganoon na lamang kadali ang kanilang mga tauhan. Nang marating ang kulay itim na pintuan ay marahas itong binuksan nang matanda. Napatingin sa gawi nito si Zeus at si Shawn.
"Ano'ng kalokohan itong ginawa mo sa mga tauhan nating boksingero?! Hindi mo ba alam kung ilang taon na ang ginugol nila sa paninilbihan sa atin tapos papatayin mo lang sila na parang mga hayop?!" gigil na wika niya. Tumingin si Shawn kay Zeus sabay tinanguan. Mabilis naman itong yumukod at lumabas nang silid. Nang maisara ni Zeus ang pinto'y galit na sinugod siya ni Ernesto. Labis na panggigigil ang nakaguhit sa mukha ng matanda bago hinablot ang kaniyang kuwelyo.
"Hindi ka ba nag-iisip?! Ganoon na lang b
