Malalim na ang gabi. Hindi ko alam kung madaling araw na sa sandaling ito. Kanina pa natapos ang kasiyahan sa labas. Ang maraming mga trabahador marahil ay nagsiuwian na rin sapagkat tahimik na ang buong kapaligiran ng mansion.
At heto ako, gising na gising ang diwa. Kahit makailang ulit ko nang pinipilit na ipikit ang aking mga mata, ngunit ni isang sandali ay hindi man lang ako dinalaw ng antok. Sa bawat pagpikit ng aking mga mata, paulit ulit rin sa pagreplay sa aking utak ang mga kaganapang nangyayari sa silid na ito kasama si Senyorito Pancho.
Wari bang isang malinaw na panaginip ang lahat. Ang daming nangyayari sa araw na ito na tila ba dumaan sa maikling saglit lang. Una, tila bombang sumabog sa akin ang balitang ikakasal si Senyorito Pancho kay Senyorita Amanda. Sunod naman, nas
