"Uy, pareng Sabio!" ang waring nagugulat na pahayag ni Saymon nang matanaw niya akong patalon panaog sa kabayong sinakyan.
Pagkatapos maitali ni Marcus, hinakbang ko na ang aking mga paa palapit sa kaniya. Nadatnan ko siyang kinukwenta ang bilang ng mga gasakong palay na ipapasok sa kamalig.
"Bakit nandito ka? Hindi ba't nasa tabi ka ni Senyorito Pancho sa mga sandaling ito?" pambungad niyang tanong nang makalapit ako sa kanya.
Ayan na naman ang potang inang pangalan na kaniyang binanggit. Sa mga sandaling ito, ang nais ko lang ay mawala sa aking sistema ang lalaking iyon. Kailangan kong madivert ang aking isipan palayo sa kanya kasi kung hindi, pakiramdam ko ay na mauulol ako.
"Balik na ako dito sa kamalig," mabigat kong pahayag, dahilan para makita ko ang pagngunot ng ilang linya
