Muling nag-iba ang buong paligid. Mula sa magandang talon ay biglang bumalik sa palasyo ang buong lugar. Nakita kong muli si Helleia na nakaharap sa Diyosa na kasalukuyang hindi maipinta ang mukha.
"Helleia, hindi ko nagustuhan ang mga ginagawa mo. Binalaan na kita at pinagsabihan na hindi iyon ang pinapagawa ko sa iyo. Ang sinabi ko ay tapusin mo ang kanang kamay ni Lust na si Casmon dahil masyado siyang nakaka-apekto sa balanse ng ating mundo at ng mundo ng mga tao," malamig na saad ng Diyosa.
Tumayo ito at naglakad palapit kay Helleia. Inangat nito ang mukha ng huli.
"Kailangan mo nang tapusin ang ugnayan mo kay Casmon. Masisira ang balanse ng mga anghel at demonyo sa iyong ginagawa. Magkakaroon ng paglabag sa batas ng Maylikha ng lahat, at maaaring maka-apekto rin ito sa ating mga a
