"Helleia, oo, inaamin k-ko noong -u-una, nagsinunga-ling a-ako, p-pero d-dahil gusto kong h-hindi ka biglain, a-ayokong s-sabihin sa i-iyo ang lahat, p-pati na a-ang nakaraan natin. Gusto kong gumawa ng mga p-panibagong alaala, mga alaalang babaunin ko sakaling m-mangyari ang kinatatakutan kong araw, at ang a-araw na iyon...ay ito," mas lalo akong nasaktan sa sinabi ni Kiel. Hindi ko na tuloy alam kung sino ang paniniwalaan ko.
"Ano bang nangyari sa atin noon?" tanong ko sa kaniya. Umiling lang siya bago tumingin kay Eulla.
"Hayaan mong ipakita ko sa iyo ang nakaraan, Helleia. Hayaan mo akong ibalik ang mga alaalang nawala sa iyo. Pero pinapaalala ko lang sa iyo, ihanda mo ang sarili mo sa makikita mo," saad ni Eulla bago niya itinapat ang kaniyang palad sa akin. Nakita ko ang paglabas n
