Biglang sumakit ang aking dibdib, may kung anong nakakapasong sensasyon ang nagmumula rito dahilan para mahirapan akong huminga. Kaagad kong tinanggal ang butones ng aking blouse at doon, nakita ko sa aking dibdib ang nagliliwanag na simbolo--- isang bilog na may tatsulok sa loob, at sa gitna ng tatsulok ay may dilat na mata.
Ang markang sinasabi ni Ma'am, ang marka ng wagas na pagmamahal ng Incubus. Unti-unti nang nawala ang sakit kung kaya't bumalik na muli sa normal ang paghinga ko.
Tiningnan ko si Kiel at hindi ko mapigilang hindi mapangiti nang makita ko ang unti-unting pagkawala ng mga itim na ugat sa kaniyang balat at tumigil na rin siya sa pangingisay. Pero biglang nawala ang ngiti ko nang makitang wala paring malay ang lalaki.
"Kiel naman e, gumising kana. Gumising kana, mahal,
