Magkasama naming inaasikaso ni Jerson ang mga kakailanganin para sa aming kasal.
Sabay kaming nagpunta sa boutique upang mamili ng aming susuutin. Pero mahigpit niyang ipinagbawal sa akin na suutin iyon ayon na rin sa mga pamahiin.
Nakakatuwa nga si Jerson dahil mas marami pa siyang alam na pamahiing inaalala kumpara sa akin na minsan nang ikinasal.
Matapos naming magpasukat ng mga damit na gagamitin namin sa araw ng aming kasal ay nagtungo naman kami sa S&R kung saan magaganap ang reception.
Sinalubong kami roon ng kaibigan niyang si CJ na kasama ang buntis nitong asawa na si Jona.
Nakatutuwang pagmasdan si Jona na sa kabila ng pagdadalang-tao niya ay taglay pa rin ang kagandahan ng kaniyang pangangatawan.
“Ito ang mga ipinagmamalaking putahe ng restaurant, kaya naman nakatitiyak
