Nadulas ang hawak kong baso kung kaya nagkandapira-piraso iyon sa may sahig.
“Ang tanga mo talaga!” nakaismid na wika ni Michelle.
“Nadulas sa kamay ko,” paliwanag ko naman sa kapatid.
“Anong nangyari sa baso?” pahiyaw na tanong ni Tiya Dolores.
“N-nadulas po mula sa kamay ko,” kandautal kong sagot.
Lumuhod ako sa sahig upang damputin ang nagkandapirasong bahagi ng baso.
“Agh!” igik ko nang tumusok ang bubog sa daliri ng kamay ko.
Mabilis na nagkalat ang dugo sa aking daliri na pumatak pa sa sahig.
“Ang tanga-tanga mo talaga, Laura!” hiyaw ng aking ina-inahan.
Pinaghahampas ako ni Tiya Dolores ng kahoy ng walis tambo sa aking katawan.
“Huwag po, Tiya!” pagsusumamo ko sa ina-inahan.
“Lumalaki kang tanga at walang silbi sa pamamahay na ‘to!” Pakiramdam ko’y natanggal ang buong
