"Anong mga hilig ni Jian?"
Napalingon si Feng sa kanya nang siya ay magsalita. Pauwi na sila noon patungo sa Paradiso dahil tapos na ang kanyang klase. Tahimik lamang ang lalaki at tila walang pakialam sa kanya ngunit nakuha niya ang atensyon nito sa kanyang tanong. Tuluyan nitong iniharap ang katawan nito sa kanya.
"Come again?"
Napayuko siya at kinakabahang pinaglaro ang kanyang mga hinlalaki. "Naisip ko lang na... Baka puwedeng may gawin ako para mapasaya siya."
Sandali itong hindi nakaimik. Pagkatapos ay natawa ito. "Bakit, tingin mo ba magbabago ang trato ni Jianyu sa 'yo dahil lang sa simpleng mga bagay?"
Napalunok siya. "Wala namang masama kung susubukan ko na mapasaya si Jian, Feng. Nasaktan ko siya nang sobra at ang tanging magagawa ko lang e ang... Ang..."
Nagpakawala ito n
