Napapitlag si Briar nang bumukas ang pinto ng kanyang silid. Kasalukuyan kasi isyang nagbibihis para sana sa kanyang unang araw sa isang prestihiyosong business school kung saan nag-aral din noon ang kanyang Kuya Benedict at si Andrew. Doon niya rin nakilala ang kanyang asawa. Hindi niya inakala na roon din siya ipapasok ni Jian. Hindi niya inasahan na sa kabila ng mga nangyari ay patuloy pa rin ito sa pagbibigay ng mga mamahalin at magagarbong bagay sa kanya.
"Akala ko hindi ka pa gising," bungad ni Jianyu bago siya pinasadahan ng tingin. Hindi pa siya tapos na magbihis kaya naman napatakip siya sa kanyang katawan na pagak na ikinatawa ng lalaki. "You don't have to cover yourself, I've seen it all." Tumikhim ito. "Just go downstairs for breakfast. Kailangan nating magmadali at may mga da
