Tahimik ang loob ng Bentley na minamaneho ni Feng habang nakatunghay lamang si Jianyu sa labas ng bintana. Kakatapos lamang ng ulan at kapwa silang patungo sa isang business meeting kasama si Mr. Astoria, ang isa sa mga kasosyo nila sa negosyo. Hindi umiimik si Feng at hindi rin siya nito sinusulyapan sa rear-view mirror katulad ng madalas nitong ginagawa. Nang makauwi siya kasi kagabi ay langong-lango na siya sa alak. Simula noon ay hindi na ito nagsalita pa masyado.
“Feng, dumaan tayo sa ospital mamaya, kailangan kong magpa-check up–”
Pagak itong tumawa. “What for, Jian? Halos sirain mo na nga atay mo kagabi. What’s the point of making you feel better and spending thousands of pesos on your health when you don’t even want to fix yourself?”
He sighed. “Kaya nga gusto ko nang magpa-che
