اسكربت انا العاشق

كانت قعده زى كل يوم قصاد البحر ودموعها على خدها ووجع قلبها بيزيد بقالها سنتين على نفس الوضع وكأن الدنيا وقفت مبتتحركش غمضت عنيها بوجع ورجعت بذكريتها سنتين لورا قبل ماتتخرج من كليه فنون جميله الى كان حلم حياتها تتخرج منها وتبقى م**مت ازاء .. كان اول يوم ليها فى سنه تلاته دخلت هى واعز صديقه ليها وقعدوا فى مكانهم المعتاد فى اول بنش : تعالى يانغم كويس متاخرناش قوى نغم بصتلها بغيظ : والله على اساس ان مش حضرتك الى ماخرانا ماهو ازاى سعادت الاستاذه سهر تنزل من غير احمر واخضر فى وشها مش كفايه صاحيه متاخره سهر : انا بحط احمر واخضر ماشى ياست نغم... انتى يابت هتزلينى علشان صحتينى يوم مانا كل يوم بقوم لوحدى بدرى نغم بصت لقت الدكتور دخل : خلاص اسكتى دكتور عا** دخل بدال مايجعر فينا سهر وشوشتها : طيب مضحكنيش بدال مااطرد زى كل مره خلصوا اول محاضره وطلعوا قعدوا فى الكافيتريا لحد معاد المحاضره التانيه سهر : هو دكتور عا** ده ورانا ورنا بقاله سنتين لازقلينا ودى التلاته نغم : بس بصراحه بحب شرحه رغم انه إتم وببوز سهر ضحكت : عليكى تشبهات الى يشوفك وانتى حلوه كده وبعيون رمادى شبه القطط ميقولش ان انتى تعرفى تقولى لفظ واحد سرسجى نغم بغيظ : ياسلام حوشى يابت الادب مانا متعلمه الكلام ده منك مع انك قمر وشبه سنو وايت ضحكت سهر : خلاص طيب مش لازم كل شويه نسمع علينا الناس المهم فى دكتور جديد هو الى هيدخلنا المحاضره الجايه بس بيقولوا ايه قمر نغم بصت للسما ورجعت بصتها : هما مين الى بيقولوا يابنتى وبعدين قمر ولا شمس المهم بيعرف يشرح ولا حمار سهر : هنشوف يالا بينا معدش الا خمس دقايق ليكون من بتاع محدش يدخل بعدى نغم : يالا قاموا الاتنين دخلوا وقعدوا مكانهم تانى وخمس دقايق ودخل الدكتور الجديد وقف يستنى لحد ماكل واحد قعد مكانوا وبدا يكلم : انا دكتور عمر شاهين هكون الدكتور بتاعكم السنادى واتمنى اكون خفيف على قلبكم سهر غمزت لنغم فى رجلها ووشوشتها : اهو طلع موزه فعلا نغم مردتش عليها لانها كانت فى دنيا تانيه اول لما شافت عمر قلبها فضل يدق لدرجه انها مسمعتش ولا حرف من الى قاله حاولت تفوق نفسها وتوقف دقات قلبها معرفتش خلصت المحاضره وكلهم طلعوا سهر كانت عماله ترغى ونغم ولا سمعاها سهر خبطتها فى درعها : يابت بقالى ساعه بتكلم روحتى فين نغم انتبهت : ها ولا حاجه هروح فين يعنى سهر غمزتلها : لا والله ايه الصناره غمزت ولا ايه نغم : صناره ايه ولمين سهر : لدكتور عمر مانتى من ساعت مادخل مسهمه نغم حاولت تقلب الموضوع عليها علشان سهر متلاحظ انها فعلا كانت سرحانه فيه: انا برده الى كنت عماله ابصله من تحت لتحت يابت دانتى عينك كانت هطلع عليه سهر بهيام : بصراحه اصله كيوت قوى وشبه احمد عز واحلى منه كمان نغم حست بغصه فى قلبها بس حاولت تدريها : انتى وقعتى فيه ولا ايه سهر ضحكت : لا لسه بفكر اقع فيه لو انتى مش عايزاه نغم ض*بتها : هو بنطلون جينز هنتعازم عليه يالا ياختى خلينا نروح وعدى شهرين وكل يوم نغم قلبها بيتعلق بيه اكتر واكتر بس مقالتش لسهر وكانت ملاحظه ان عمر دايما بيبص نحيتهم من وقت لتانى بس مكنتش عارفه هو بيبص عليها ولا على سهر لحد ما فى مره وهما خارجين بعد ما المحاضره بتاعته ما خلصت نده عليها دكتور عمر سهر قالتلها هستانكى بره وخرجت : لو سمحتى يانسه نغم نغم اتوترت : نعم يادكتور عمر ابتسم : كنت محتاج بس أسألك على حاجه لو تسمحى نغم قلبها دق بسرعه : اتفضل حضرتك عمر سكت شويه مش عارف يقول ايه : احمم هو يعنى كنت عايز الصراحه عايز اسألك على سهر هى مرتبطه اصل انا شايف ان انتى قريبه منها قوى وقلت اكيد مش بتخبوا حاجه على بعض نغم حست فجاه ان الدنيا وقفت بيها وحست ان قلبها وجعها قوى وكل الى نفسها فيه دلوقت انها تجرى من قدامه وتسيب دموعها تنزل حاولت تحبس دموعها وتسرق ابتسامه على وشها وردت عليه: لا مش مرتبطه عمر فرح : بجد طيب ممكن تخدى رأيها اذا كانت توافق اتقدملها نغم بوجع : حاضر هقولها عن اذنك جريت نغم من قدامه ودخلت الحمام وفضلت تتنفس بسرعه وهى مغمضه عنيها تحاول تستوعب ان الانسان الوحيد الى قلبها دقله فى حياتها كلها يكون بيحب اعز صديقه ليها حاولت على قد ماتقدر متنزلش دموعها علشان سهر ماتلاحظش وبعد شويه خرجت وراحت لسهر سهر جريت عليها : انتى كنتى فين يابت عماله الف عليكى دكتور عمر خرج من بدرى وملقتكيش خرجتى وراه نغم حاولت تبقى بطبعتها رغم الوجع الى هى حاسه بيه : مافيش كنت فى الحمام شكل السندوتشات الى أكلناها مش حلوه بطنى وجعانى سهر اتخضت عليها وبان على وشها جدا: وجعاكى ازاى طيب تعالى اويدكى المستشفى نغم بصتلها وقالت لنفسها : عمرى وهخسرك ابدا ياحبيبتى ولا حتى علشان البنى ادم الوحيد الى حبيبته انتى عندى اغلى منه مليون مره سهر ملحظه سرحانها : نغم انتى تعبانه بجد نغم ابتسمت غصب عنها : لا ياحبيبتى المهم مش عايزه تعرفى دكتور عمر كان عايزنى ليه سهر بفضول : اه صحيح كان عايز ايه اوعى تقولى قالك بحبك بقى وكده وأحضر فرحك قريب نغم حاولت تدارى الوجع الى حست بيه : هو هتحضرى فرح بس مش فرحى سهر : اومال فرح ام احمد نغم : لا ياختى فرحك انتى سهر سهمت: فرحى انا يعنى ايه نغم : يعنى دكتور عمر طلبك منى ايه رئيك الراجل مستنى على نار سهر بصتلها قوى هى كانت فاكره انه بيحب نغم وحاست ان نغم بتحبه من نظرتها ليه رغم انها مقالتلهاش حاجه حتى لما سالتها غيرت الموضوع قربت من نغم وبصتلها : نغم انتى بتحبى دكتور عمر صح نغم اتفاجات بسؤلها وقلبت الموضوع هزار علشان تدارى على وجع قلبها ودموعها الى حبساها : احب مين ياماما لا طبعا عمر ده مش هو الى فى خيالى انا نفسى اتجوز واحد كده يكون شبه كفانش تاتلتوغ سهر : مين ياختى ده انشاء الله نغم : شبه مهند يعنى مش تقوليلى عمر وبتاع يابنتى عايزين نحسن النسل بقى سهر ضحكت: طيب ياختى ربنا يرزقك بواحد احلى كمان من مهند علشان تحسنى النسل بس والنبى ابقى احجزى بنتك لابنى علشان انا كمان احسن نسل النسل نغم غمزتلها : يعنى اقول للراجل موافقون سهر ات**فت ووشها احمر وسكتت نغم فهمت انها موافقه وقلبها وجعها اكتر بس فضلت مداريه وكملت بهزار : ايه ده انتى بتعرفى تت**فى زى البنات اوعى يابت تكونى بتحبيه ومدريه سهر : بصراحه كنت حاسه بحبت مشاعر كده نحيته بس كنت فاكراكى معجبه بيه فكبرت دماغى نغم لنفسها : يعنى انتى كمان حبتيه زى مانا حبيته بس هو اختارك انتى وانا استحاله اقف قصاد سعادتك ابدا ردت عليها : معجبه بيه ايه بس انا فاضيه للكلام ده المهم انا هروح اقوله بكره ان معندكيش مانع يتقدملك سهر : ليه بكره ماتروحى دلوقتى نغم : يابت اتقلى ليقول انك مصدقتى سهر : اه معاكى حق يالا بينا نروح نغم روحت واول مادخلت سلمت على ماماتها ودخلت على اوضتها رمت نفسها على السرير وسابت دموعها اخيرا ينزله بعد ماكانت حبساهم طول اليوم فضلت تعيط كتير يمكن وجع قلبها يهدى بس مكانش بيهدى دخلت عليها داليا مامتها واول ماشفتها اتخضت عليها : مالك ياحبيبتى فيكى ايه نغم طول عمرها من النوع الكتوم عمرها ماكانت بتتكلم عن الى جواها حتى مع اعز اصحابها كانت بتفضل السكوت ديما رمت نفسها فى حضن امها وفضلت تعيط من غير كلام داليا سابتها لحد ماحست انها هديت : ها ياقلب امك هديتى نغم هزت دماغها باه داليا : طيب ممكن اعرف مالك ليه العياط ده كله نغم مش عارفه تقولها ايه قالتلها اول حاجه جت فى بالها: مافيش ياماما اتخنقت مع سهر وروحت زعلانه منى داليا حاسه ان فى حاجه تانيه بس مرديتش تضغط عليها : معلش يانغم هى يعنى اول مره تتخنقوا وبكره هتلاقيها جايه تصالحك يالا قومى اغسلى وشك وتعالى علشان نتغدا نغم : معلش ياماما انا تعبانه عايزه أنام اتغدوا انتوا وانا لما اقوم هتغدا داليا : ماشى ياحبيبتي الى انتى عايزاه سابتها وخرجت ونغم غمضت عنيها وحاولت تنام يمكن وجع قلبها يروح تانى يوم راحت الكليه وقابلت سهر ودخلوا مع بعض وهى دخله لمحت دكتور عمر واقف بيبصلهم نغم : سهر انا هاروح اقول لدكتور عمر انك موافقه هو واقف هناك اهو سهر ات**فت تبص: طيب ماتستنى لما هو يسألك الاول نغم : انتى شايفه كده سهر : اه ماما قالتلى اقولك كده لما حكيت ليها امبارح نغم بوجع نفسها يروح : ماشى ياحبيبتى ربنا يتمملك على خير سهر حضنت ايديها الى هى مسكاها : عقبال يارب لما افرح بيكى انتى كمان نغم : لا لسه بدرى لما اخلص كليتى واشتغل زى ماكنت بحلم خلصوا المحضرات وكانت اخر محاضره لدكتور عمر بعد ماخلصوا نده على نغم تانى وهما خارجين نغم : نعم يادكتور عمر باحراج وخوف ان تكون سهر رفضت : احم انا اسف ان بوقفك كل شويه انا كنت بس عايز اسالك اذا كنتى كلمتيها ولا لا نغم ابتسمت غصب عنها : اه كلمتها ومعنهاش مانع حضرتك تتقدم لها عمر فرح جدا وبان عليه الفرحه : بجد متشكر قوى انا بس عايز طلب تانى معلش بتقل عليكى نغم قالت لنفسها : ابوس ايدك ارحمنى دانت لو قاصد تعذبنى مش هتعمل كده : اتفضل اطلب عمر : عايز رقم باباها نغم كانت عامله حسابها واخدت رقم ابو سهر منها : اه اتفضل هو معايا 010...... عمر : متشكر قوى ياأنسه نغم نغم : العفو عن اذنك نغم خرجت وراحت لسهر الى واقفه على نار : ها قالك ايه نغم ابتسمت : اخد رقم باباكى زى متوقعت سهر فرحت وحضنت نغم : عقبالك ياقمر نغم : طيب يالا بقى نروح ولما يكلم باباكى ابقى قوليلى عملتوا ايه سهر : ماشى يالا بعد اسبوعين سهر وعمر اتخطبوا واتفاقوا ان الجواز بعد ما سهر تتخرج نغم حضرت الخطوبه وكأن القدر حالف يعذبها اكتر واكتر طول السنتين كانت نغم بتحاول تنسى عمر لان خلاص هيبقى جوز اعز اصحابها بس للاسف مش بايدها ولا هو زرار هدوس عليه تنسى عدو السنتين عليها وكانهم ميت سنه ولحظها الوحش عمر درسلهم السنه الاخيره كمان كانت بتصلى وتدعى ربنا يلهمها الصبر والنسيان وتقدر تتحمل علشان متخسرش صاحبت عمرها فاقت من زكرياتها على صوت تليفونها وكانت سهر : الو سهر : انتى فين وسيبانى لوحدى محتاسه كده نغم : فى ايه بس دوختينى يابت لسه الفرح بعد بكره عامله دوشه ليه سهر بغيظ : ماشى يانغم والله لما تيجى تتجوزى مانا معبراكى نغم ضحكت بوجع : طيب ياحبيبتى متزعليش عايزه ايه وانا معاكى سهر بزعل : خلاص مش عايزه حاجه نغم : يابت متبقيش قماصه انتى متوتره وهطلعيه عليا صح سهر : بصراحه اه متوتره قوى وخايفه وحاسه انى هطلع وحشه نغم ضحكت : لا متخافيش هتطلعى قمر لان انتى قمر اصلا سهر انشكحت : بجد انتى شايفه كده نغم : اه والله المهم كنتى عايزه ايه سهر : مافيش كنت هانزل مع عمر اجيب شويه حاجات وعايزاكى تيجى معايا نغم غمضت عنيها وقالت لنفسها : انا مصدقت انى اتخرجت علشان معندش اشوفه وكفايه عليا يوم الفرح اعمل ايه يارب سهر : نغم انتى روحتى فين نغم : مافيش اصل شاكلى اخدت برد وجسمى وجعنى قوى سهر : سلامتك ياحبيبتى طيب خلاص ريحى انتى واشربى حاجه سخنه وانا هروح مع عمر ولو خلصت بدرى هجيلك نغم : طيب ياحبيبتى ربنا يفرحك قفلت نغم معاها وكملت قعدتها قصاد البحر فجاه جالها شعور ان فى حد بيرقبها لفت وشها شافت واحد واقف لبعيد وعينه عليها وباين عليه واقف من زمان لفت وشها تانى وبصت للبحر وبعد نص ساعه قامت مشت وهى ماشيه لاحظت ان الى كان واقف لسه واقف زى ماهو وبرده عنيه عليها نغم فعلا حست انها تعبانه كانت طالعه السلم بالعافيه لحد لما وصلت ويادوب امها فتحت الباب وقعت اغمى عليها بعد ساعه كانت نغم نايمه فى المستشفى والدكتور بيكشف عليها خلص كشف عليها ولف لدليا الى كانت هتموت من القلق : ماتخفوش هى بس ضغط الدم عندها عالى والحمد لله انها مجلهاش جلطه داليا اتخطت : جلطه!!! وضغطها عالى من ايه يادكتور الدكتور : والله يامدام هى لو مش مريضه ضغط اصلا يبقى ممكن حد زعلها ابوها ماجد : ابدا يادكتور دى بنتى الوحيده وعمرنا مازعلانها الدكتور : عموما فى دكتور نفسى جاى دلوقت انا طلبته يجى يكشف عليها لان واضح انها عندها ضغط نفسى بعد ربع ساعه وصل الدكتور النفسى كان شاب فى اواخر العشرينات وسيم لدرجه كبيره وخصوصا بعنيه الزرقا وقابل ماجد وداليا واتكلم معاهم شويه وبعدها دخل لنغم الى لسه يادوب بتفوق اول لما شافها اتفاجا بس سكت نغم فتحت عنيها بالراحه لقت واحد واقف قدمها بس عنيها لسه مزغلله غمضت تانى : انا فين الدكتور : فى المستشفى سلامتك الف سلامه نغم فتحت عنيها تانى بس المرادى الزغلله راحت بصتله وحست انها شافته قبل كده : انت مين الدكتور : انا دكتور يوسف القاضى نغم بصتله قوى بتحاول تفتكر شافته فين : هو انا شفتك قبل كده يوسف ابتسم وابتسمته زودت واسامته : اه اتقبلنا من بعيد لبعيد من حوالى ساعتين نغم افتكرت هو الى كان واقف وبيبص عليها : ايو انت الى كنت واقف على البحر و سكتت واتحرجت تقوله كنت بتبصلى بس هو كمل بابتسامه : وكنت ببصلك صح نغم هزت راسها وهو كمل : اصل بصراحه كنت شاكك انتى انسانه ولا حرية بحر نغم بصتله واستغربت : حريت بحر ازاى يوسف :اصل انا كنت واقف باصص على البحر وسرحان وفجاه باصيت نحيتك لقيتك قعده قصاد البحر على الصخره وبصراحه كنت مفكر ان ربنا حقق امنيتى وبعتلى حرية بحر تخدنى زى ماتمنيت نغم ابتسمت غصب عنها : بس انا خيبت ظنك وطلعت بنى ادمه يوسف ضحك : بصراحه اه بس يالا ملحوقه نغم سكتت وبان عليها الحزن تانى يوسف فضل يفكر يبدا معاها كلام ازاى يخليها تتكلم وتخرج حزنها نغم اتكلمت : هو انا عندى ايه يوسف : ما فيش ياستى ضغطك كان عالى شويه بس الحمد لله نزل الظاهر حد مزعلك نغم سرحت : لا محدش مزعلنى ولا حاجه انا بس الظاهر اخدت برد وكمان مكنتش اكلت يوسف فهم انها من النوع الكتوم وده الى وصلها للتعب الى هى فيه : طيب الحمد لله ان محدش زعلك والا كنت مسكته ورنيته علقه محترمه نغم ابتسمت لثانيه ورجعت بصتله بحزن تانى : هو انا ممكن اروح دلوقت يوسف : هو ممكن بس معلش استحملى معانا يوم كمان نطمن ان الضغط مش هيعلى تانى نغم سكتت وبصت نحيه الشباك يوسف فضل مكانه متحركش وعينه عليها وبيسال نفسه :هو انا ليه مقولتش انى دكتور نفسى يمكن خوفت ترفض الكلام معايا طيب ياترى مين الى ممكن يكون سبب حزن ملاك زى دى نغم انتبهت ان يوسف لسه قاعد لفت وشها بصتله : هو فى حاجه يادكتور يوسف قام باحراج :ها لا ابدا انا خارج اشوف باقى المرضى وهبقى اجيلك تانى خرج يوسف ونغم لسه عنيها على الباب وبتسال نفسها : هو ليه دايما باصصلى كده رجعت تانى لحزنها وتفكرها فى ازاى هتقدر تحضر فرح سهر من غير مايبان عليها الزعل يوسف خرج وقابل ماجد وداليا داليا: خير يادكتور بنتى مالها يوسف ابتسم : ماتقلقيش هى الحمد لله احسن بس واضح انها من النوع الكتوم قوى داليا بحزن على بنتها : فعلا عمرها مابتقول لو زعلانه او تعبانه بتفضل ساكته وبس يوسف : طيب ملاحظتيش عليها اى حاجه غريبه ممكن توصلها للحزن ده ماجد اتكلم : بقالها حوالى سنتين وهى متغيره ومابقتش تضحك وتهزر زى الاول داليا : انا حاولت اتكلم معاها كتير بس كانت بتقول حاجات مش مقنعه زى الامتحانات او اصل سهر هتتجوز وتسبنى يوسف: سهر دى اختها داليا : لا صحبتها الوحيده نغم ملهاش اخوات يوسف لنفسه: اسمها نغم : طيب تمام عموما انا هسبها ساعتين واحاول اتكلم معاها تانى يمكن تتكلم بس ياريت محدش يقولها انى دكتور نفسى يعنى علشان ماتنشنش منى داليا : متشكربن قوى يادكتور يوسف ابتسم: العفو ده شغلى مشى يوسف وعدى حوالى ٣ساعات خلص شغله ورجع دخل لنغم تانى ولحظه محدش كان عندها : ها حرية البحر اخبارها ايه نغم بصتله واستغربت هو مافيش دكتور غيره فى المستشفى ولا ايه : الحمد لله يوسف قعد على الكرسى قصدها : ممكن اقعد نغم بصتله قوى : انت قعدت على فكره يوسف ابتسم باحراج : انا شكلى دمى تقيل صح نغم حست انها احرجته : لا ابدا انا مش قصدى والله يوسف : انا بس كنت جاى اطمن عليكى واشوف علشان لو كويسه اكتبلك خروج بكره نغم بسرعه: انا كويسه والله بس ياريت والنبى خرجنى من هنا انا مابحبش المستشفيات يوسف ابتسم : وانا موافق بشرط نغم استغربت : شرط!!! شرط ايه يوسف : تحكليلى ايه الى مزعلك ووصلك ان ضغطك يعلا كده انتى كان ممكن بعد الشر بجيلك جلطه نغم برقت : جلطه !!! (غمضت عنيها بوجع ورجعت فتحت تانى ) يوسف مستنى انها تتكلم وتقول ايه الى وجعها كده وحاسس انه مخنوق نفسه يشيل وجعها ده بس لو يعرف مالها نغم بصتله بتفكير: مافيش صدقنى بس مش عارفه دايما عندى احساس انى لوحدى وحتى صحبتى الوحيده هتتجوز واكيد هتبعد عنى يوسف : انتى عمرك ما ارتبطى قبل كده يعنى انا اسف بس انتى جميله قوى وشكلك مثقفه واخلاق كل ده ومش مرتبطه نغم سكتت تانى مش عارفه تقوله ايه ومش عارفه ليه عايزه تتكلم معاه اصلا : لا مش مرتبطه الحب ده عباره عن **ره قلب ووجع مش بينتهى وانا مش عايزه اوجع قلبى يوسف اتاكد انها كانت بتحب حد وبعد عنها لسبب هو مش عارفه حس انه اضايق بس هو م**م يغير نظرت الحزن الى شايفها فى عنيها : بالع** لو اخترنا صح الحب بيبقى فرح وسعاده وحياه كلها امل ومش معنى ان فى حد قلبه ات**ر مره ان دى نهايه الدنيا لا دى بتبقى مجرد تجربه ومش بيبقى ده الى ربنا كتبه يكمل معاه ولو بص حوليه هيلاقى ان نصيبه مستنيه وساعتها هيعرف معنى الحب الحقيقى وان الى كان حاسس بيه مكنش حب ابدا بس الاهم من كل ده ان ميسبش نفسه للحزن والوجع يسيطر عليه لازم يكون عنده اراده وثقه فى ربنا ان عمره ماهيضره ابدا وربنا سبحانه وتعالى قال فى كتابه العزيز (وعسى ان تكرهوا شيئآ وهو خيرآ لكم وعسى أن تحبوا شيئآ وهو شرآ لكم والله يعلم وانتم لا تعلمون ) صدق الله العظيم يوسف سكت وبصلها لقى دموعها نازله ابتسم وحس انها بدات تخرج مشاعرها ومتحبسهاش نغم حست بكل كلمه قالها ولقيته فعلا معاه حق لو عمر كان نصيبها كان هيحبها ومش هيشوف سهر بس هو حب سهر علشان ربنا كتبهم لبعض بصت ليوسف قد ايه كلامه ريحها وحست ان وجع قلبها هدى ابتسمت وقالتله : شكرا يادكتور يوسف ابتسم اكتر : العفو انا فى الخدمه يوسف قام وقف : استاذن انا وعلشان الابتسامه الحلو دى هكتبلك خروج الصبح خرج يوسف وتانى يوم فعلا كتبلها خروج روحت نغم علشان تستعد لفرح صاحبت عمرها شويه ولقت جرس الباب بيرن ماماتها فتحت واتفاجات