اسكربت انا العاشق

الجزء الثاني والاخير

سهر جريت على نغم وعنيها كلها دموع وخدتها فى حضنها

: كده يانغم تبقى فى المستشفى بقالك يومين وانا معرفش اخص عليكى

نغم بعدتها شويه : انتى ايه الى جابك فرحك النهارده وانا اصلا كنت جيالك ياحبيبتى

سهر : انا اصلا زعلانه منك ومش هكلمك تانى ابدا

نغم حضنتها تانى : وانا مقدرش على زعلك والله انا مرديت اقولك علشان عارفه انك مشغوله ومردتش اقلقك وبعدين عرفتى منين

سهر : انتى كمان ليكى عين تتكلمى المهم قوليلى كان مالك

نغم : مافيش يابنتى ضغطى علا شويه وانتى عارفه الدكتره لازم يحبكوها

سهر بقلق : يعنى انتى كويسه دلوقت

نغم بصلها قوى وحست ان وجع قلبها اختفى ازاى يبقى ليها صاحبه زى دى وقلبها يتوجع انها ضحت علشانها : انا كويسه وهلبس وهاجى معاكى البيوتى سنتر علشان نستعد للفرح

سهر ابتسمت وحضنتها : عقبالك ياقلبى لما افرح بيكى

ووشوشتها : وتلاقى الى شبه مهند علشان نحسن النسل

نعم ضحكت وافتكرت يوسف واخدت بالها انه نسخه من مهند ان مكنش احلى سهر اخدت بالها انها سرحانه ومبتسمه

: هاااى روحتى فين (غمزتها)الى واخد عقلك

نغم : انا كل الى واخد عقلى حاليا الفرح الى هيروح علينا وعمر هيجى يقتلنى انا يالا ياماما خلينا ننزل

راحوا يجهزوا وسهر خلصت وكانت فعلا شبه سنو وايت فى فستانها الابيض وطرحتها المنقوشة وكلها ورد ابيض

نغم كمان خلصت وكانت شبه حريه البحر زى ماوصفها يوسف فى فستانها البينك عمر دخل اخد سهر وكانت الفرحه باينه عليهم قوى نزل بيها ونغم وراها ماسكه فستانها والغريبه انها ماحستش بالوجع الى كان فى قلبها زى الاول

كانت ماسكه طرف الفستان بتاع سهر وبترفع عنيها بعد ماركبت سهر لقت يوسف فى وشها وقفت سهمت

يوسف اول ماشافها ابتسم قوى وقرب عليها ومد ايده : عامله ايه

نغم لسه مسهمه : الحمد لله

سهر اخدت بالها وبصت شافت يوسف غمزت نغم الى لسه مقفلتش باب سهر : بت يانغم هو ده مهند النسخه المصريه ولا ايه

نغم ابتسمت : يابت خليكى فى فرحك واسكتى متحرجنيش

سهر : طيب مين ده

نغم : هقولك بعدين اخلصى خلينى اقفل بابك واروح اشوف عربيه اركبها

سهر : طيب ماتركبى معانا ورى

نغم : لا مش عايزه ابقى عزول اخلصى بقى

قفلت الباب ولفت لقت يوسف لسه واقف وقرب عليها : هى العروسه صحبتك

نغم هزت راسها : اه اعز اصحابى ويعتبر ماليش غيرها !! (وسألته بتردد)هو انت بتعمل ايه هنا

يوسف :العريس ابن خالى ومتربين مع بعض يعنى نعتبر اخوات

نغم سكتت يوسف لقى عمر عمال يقوله يالا بص لنغم : انتى معاكى حد

نغم : لا انا هروح اركب تا** واحصلكم

يوسف اعترض : تا** ازاى يعنى وانتى بالشكل ده

نغم بصت لنفسها : مالى يعنى مش فاهمه

يوسف بص لعنيها الى زى عيون القطط السيامى: زى القمر انتى عايزه حد يخ*فك

نغم ات**فت وبصت للارض : طيب هتصل ببابا يجى يخدنى

يوسف : طيب ممكن تسمحيلى انا انول الشرف ده بدال مالسه هتستنى وساعتها طبعا هفضل واقف معاكى وبالتالى العريس الغلبان ده هيفضل واقف وانا هض*ب

نغم ضحكت وبصت لقت سهر حطه ايديها على خدها وعمر واقف جنب العربيه وشه بيطلع نار رجعت بصت ليوسف : شكلنا هنض*ب سوى

يوسف : طيب تعالى نلحق نفسنا ونركب العربيه

نغم بتردد: ياااالا

ركبت نغم مع يوسف واتحركوا كلهم بالعربيات وطول الطريق نغم ساكته وعماله تفرك ايديها فى بعض من التوتر دى اول مره تحس انها متوتره كده ياترى علشان عمر لالا فجاه بصت جنبها على يوسف وعنيها جت فى عنيه قلبها دق بسرعه ولفت وشها تانى

يوسف ابتسم واتكلم : عامله ايه دلوقت

نغم : الحمد لله كويسه قوى

يوسف ولسه على ابتسامته : الحمد لله هو الصراحه باين مافيش واحده تعبانه تبقى قمر كده

نغم ابتسمت: هو انت دكتور ايه

يوسف : هو انا مقلتلكيش

نغم : لا

يوسف : نفسى

نغم بصتله قوى: وليه انت الى كشفت عليا فى المستشفى هو الضغط ده تخصصك

يوسف ابتسم : لا مش تخصصى بس هما استغلونى علشان الدكتور المسئول عن حالتك كان مشى فدخلت انا اكشف عليكى

نغم سكتت شويه وقالتله : بس شكلك دكتور شاطر

يوسف ضحك : دى شهاده اعتز بيها بس ليه

نغم باحراج : يعنى بتعرف تدخل للمرضى كويس وتخليهم عايزين يتكلموا حتى لو هما مش من النوع الى بيكلم عن مشاكله

يوسف بص لعنيها : بس انا مكنتش بتكلم معاكى كمريضه لان انتى مش مريضه

نغم بحزن بان على وشها : اومال انا ايه

يوسف بص على الطريق تانى : انتى حرية بحر خرجت لدنيتنا علشان تخ*ف الانظار والقلوب

نغم بصتله وقلبها دق بسرعه قوى غمضت عنيها وحاولت توقف قلبها الى عمال يدق بسرعه

وصلوا اخيرا القاعه وسهر دخلت هى وعمر على صوت الموسيقى وبدات الحفله نغم دخلت ويوسف وراها كان ماجد وداليا قاعدين وعنيهم جت عليها ولقوا يوسف وراها

ماجد قرب من داليا : مش ده دكتور يوسف

داليا بصت عليه : اه هو ايه الى جابوا

ماجد : يمكن يعرف العريس

نغم جت عليهم وباستهم داليا حضنتها : عقبالك ياحبيبتى

نغم عنيها جت على يوسف دورت وشها بسرعه لامها: شكرا ياماما

داليا شايفها بتخ*ف نظرات على يوسف الى مش شايل عنيه من عليها : هو دكتور يوسف كان معاكم

نغم : اه ده طلع ابن خال عمر

داليا ابتسمت وشويه لقوا يوسف جاى عليهم : مساء الخير عاملين ايه

ماجد قام سلم عليه هو وداليا : الحمد لله

داليا لحظت عنيه الى على نغم ومن جوها اتمنت يكون من نصيب نغم : اتفضل قعد معانا يادكتور

يوسف : شكرا و ياريت يوسف من غير دكتور

ماجد : انت تعرف عمر منين

يوسف : عمر ابن خالى ويعتبره اخويا

داليا بصت ليوسف :. عقبالك يايوسف ولا انت متجوز

يوسف بص لنغم الى بصت على الارض : لا مش متجوز ادعيلى الاقى واحده زى ماتمنتها

داليا : ربنا يرزقك بالى تتمناها

يوسف استاذن لما عمر نده عليه

عمر غمزله : ايه ياعم سايبنى كده ولا كانى عريس ايه الصناره غمزت ولا ايه

يوسف اتن*د: ياريت تكون غمزت

عمر : طيب خليك معايا شويه وانا اخلص فرحى واضبطك

كملوا باقى الفرح رقص وهيصه وسهر ندهت على نغم ورقصت معاها وكانوا فرحنين قوى

خلص الفرح ونغم روحت دخلت غيرت هدومها ونامت على السرير باصه للسقف وبتسال نفسها : انا ليه مش زعلانه بالع** فرحانه لسهر قوى حتى وجع قلبى معتش موجود يمكن اكون مكنتش بحبه وكنت موهومه ومكنش هو نصيبى زى ما يوسف قال (ورجعت سكتت وابتسمت لما افتكرت يوسف وفضلت تفكر فيه لحد مانامت )

عدى اسبوعين كانت سهر خلصت شهر العسل و رجعت من السفر اتصلت على نغم : الو نغومتى وحشتنى قوى

نغم بفرحه : وانتى كمان والله وحشتينى قوى قوى

سهر : انا عملالك مفاجاه

نغم : قوليلى الاول هتيجى امتى

سهر : ماهى دى المفاجاه انا رجعت وعزماكى عندى بكره على الغدا

نغم فرحت اكتر : بجد رجعتى

سهر : اه والله المهم متتاخريش بكره

نغم : بلاش غدا فى البيت هتحرج تعالى نخرج نتغدا بره

سهر : مش هينفع اصل عمر عازم ناس قريبه كمان وانا عيزاكى معايا

نغم استغربت : ناس قريبه مين مانا كده هبقى محروجه قوى بلاش والنبى انا المرادى

سهر : والله لو ماجيتى لكون زعلانه منك بقولك محتجالك معايا تقوليلى اتحرج

نغم : خلاص امرى لله جايه

سهر ابتسمت : ايوا كده الساعه ١١ بالدقيقه القيكى عندى

نغم برقت : ليه ١١ هنبيع لبن على واحده هجيلك

سهر : بت يانغم ١١القيكى عندى لاما والله هيجى اجيبك من شعرك وانتى عرفانى هبله

وقفلت فى وشها السكه وبصت لعمر الى قاعد جنبها مبتسم

وشاورتله بايديها ?:كله تمام ?

عمر قرب منها قوى : تسلملى القويه بقولك ايه

سهر بدلع : نعم

عمر غمزلها : ماتيجى اد*كى مكفأتك على تعبك معايا

وقبل ماترد شالها ودخل بيها على الاوضه

تانى يوم صحيت نغم بدرى ووصلت عند سهر فى معادها خبطت لقت سهر فاتحه الباب شعرها مقنوش وبتتاوب

نغم بصتلها بغيظ: يعنى انتى مصحيانى بدرى وانتى نايمه يابرده

دخلت نغم وسهر وراها : مانا قولت اجيبك بدرى علشان تصحينى مانتى عارفه نومى تقيل

نغم : جوزك هنا

سهر فتحه بوقها وعماله تتاوب : لا نزل يجيب شويه حاجات وهيجيب قرايبوا وهو جاى

نغم قلبها دق مش عارفه ليه : طيب ياختى ادخلى طسى وشك بشويه ميه خليكى تفوقى وتعالى نشوف هنعمل ايه

سهر : طيب دقايق وجايه

عدى عليهم ٣ساعات وهما بيجهزوا فى الاكل وبيرغوا خلصوا وراحوا قعدوا مستنين عمر والى معاه شويه والباب اتفتح ودخل عمر ووراه يوسف نغم اول ماشافت يوسف اتوترت سهر اخدت بالها وغمزت لعمر

يوسف دخل وقرب منها ومد ايده : ازيك يانغم

نغم بصت لايده ومدت ايدها الى عماله تترعش تسلم عليه : الحمد لله

الاتنين واقفين مسهمين نغم اكتشفت ان يوسف كان وحشها مش عارفه ازاى

سهر قربت وعملت نفسها ها**ه : ايه ده هو انت تعرف نغم يايوسف

يوسف ابتسم: اه اتعرفت عليها لما كانت تعبانه فى المستشفى

نغم باصه على الارض سهر غمزتها فى درعها : طيب كويس وفرتوا عليا انى اعرفكم ببعض

عمر : طيب هستاذن ياجو خمس دقايق اغير وجاى سهر تعالى عايزك

دخلوا الاتنين وسابوهم لوحدهم قاعدوا ونغم كانت باصه لسه على الارض يوسف ضحك : نغم انتى السجاده عجباكى للدرجادى

نغم ابتسمت : اه حلوه بتسال ليه

يوسف : اصل انت من ساعت مادخلت وانتى باصه عليها

نغم : انا لا عادى

يوسف بص لعنيها: وحشتينى على فكره

نغم بصت تانى على الارض ومردتش

يوسف : نغم

نغم بصتله وقلبها عامل زى الطبله: نعم

يوسف: انا من يوم الفرح وانا هموت واشوفك وكنت هكلمك كذا مره بس كنت خايف

نغم استغربت :خايف!!! ليه

يوسف : خايف لانى مش عارف انتى كمان كنتى بتفكرى فيا ولا لا

نغم سكتت مش عارفه تقوله ايه هتقوله انها هى كمان من يوم الفرح مابطلتش تفكير فيه وانها كانت هتروح المستشفى باى حجه عشان تشوفه بس خافت لاميكنش اصلا فاكرها

يوسف لما سكوتها طال افتكر انها فى حد فى حياتها وانه اتسرع : انا اسف الظاهر انى اتسرعت كان لازم اسالك الاول يمكن تكونى مر

وقبل مايكمل قالتله بسرعه : لا ابدا ماتسرعتش ولا حاجه

نغم ات**فت من تسرعها ويوسف ابتسمته وسعت: يعنى انتى كمان كنتى بتفكرى فيا

نغم لسه ساكته وعماله تفرك ايدها فى بعض

يوسف قرب مسك ايدها : نغم انا بحبك قوى اول مره فى حياتى قلبى يدق لحد من يوم ماشوفتك على البحر وانا حاسس ان ربنا بعتك ليا يحقق بيكى امنيتى

نغم حاسه انها من كتر الفرحه خايفه تكون بتحلم سحبت ايدها باحرج ومردتش عليه

يوسف : طيب ممكن اسالك سؤال واحد بس

نغم بصوت طالع بالعافيه : اتفضل

يوسف : تقبلى تتجوزينى ياحريتى

نغم سكتت شويه وبعدها هزت راسها باه خرجت سهر من جوه تزغرط نغم بصتلها هى وعمر باحراج وفهمت ان كل ده حوار عملاه سهر علشان يوسف يشوفها

سهر جريت حضنتها : الف مب**ك ياقلبى

نغم حضنتها ووشوشتها : بتشتغلينى ياسهر ماشى

سهر : مش كنت عايزه تحسنى النسل ادينى جبلتك مهند بتاعك

نغم ابتسمت : على فكره انا بحبك يابت

سهر : وانا كمان

عمر راح حضن يوسف وغمزه : مب**ك ياصحبى اى خدمه

يوسف : الله يبارك فيك ياغالى المهم مش هناكل

سهر : عنيا ربع ساعه والسفره تكون جهزه

خلص اليوم بعد قعده حلوه طويله واتفاق يوسف مع نغم انه يكلم ابوها بكره وفعلا يوسف اتقدملها وماجد وداليا فرحوا بيه قوى واتفقوا ان الجواز هيكون بعد شهرين لان يوسف مستعجل ونغم معترضتش

عدوا الشهرين واجى اليوم الموعود يوسف راح اخدها من البيوتى سنتر واول لما شافها حس ان الزمن وقف بيهم قرب منها ومسك ايديها : حريتى القمر انا مش لاقى كلام اقوله يعبر عن الى انا حاسس بيه بس كل الى اقدر اقولهولك انى عاشق لكل حاجه فيكى وهفضل اشكر ربنا طول عمرى انه حققلى امنيتى وبقيتى مراتى

نغم بصتله قوى: انت احلى حاجه حصلتلى فى حياتى كلها يايوسف

يوسف باس ايدها واخدها وراحوا على القاعه سهر قربت عليها حضنتها قوى : الف مب**ك ياحلى عروسه فى الدنيا

نغم : حبيبتى ياسهوره عقبال ماربنا يقومك بالسلامه

سهر حطت ايدها على بطنها : لسه بدرى دانا يادوب فى التانى

نغم : الايام بتجرى بس متنسيش اتفقنا هتجيبى ولد علشان اجوزه لبنتى

سهر ضحكت وغمزتلها : شدى حيلك انتى بس وهاتى البت وانا هحجزلك الواد

نغم ات**فت وبصت على يوسف الى واقف مع عمر يتكلم

وحمدت ربنا انه مش سامع : سهر انتى بقيتى قليلة الادب كده ليه من يوم ماتجوزتى

سهر ضحكت : بكره تبقى زى كلها النهارده بس

نغم برقت : امشى ياسهر روحى قعدى مكانك امشى

سهر اخدت عمر ومشيوا يوسف بص لنغم لقها وشها احمر قرب منها ووشوشها : هى قالتلك ايه خلت وشك بقى لون الفروله كده

نغم ابتسمت واتوترت : مقلتش حاجه

يوسف ضحك : طيب تعالى نرقص الدى جى عمال ينادى علينا

قاموا رقصوا سلو وبعدها الفرح كله بقى رقص وكل ماسهر تقوم علشان ترقص عمر يمسكها : يابنتى حرام عليكى دى سابع مره الحقك قبل ماتقومى

سهر بغيظ : وبتمسكنى ليه ماتسبنى ارقص لصحبتى

عمر بص للسقف ورجع بصلها : هو انتى متعرفيش مش انتى حامل

سهر عملت نفسها متفجاه : لا والله صدق مكنتش اعرف

عمر بغيظ : اد*كى عرفتى اياكى تقومى من هنا

الفرح خلص والكل كان فرحان بنغم ويوسف الى اول ماالفرح خلص اخدها وطار على بيته

دخلوا شقتهم ونغم توترها بيزيد اكتر واكتر يوسف ملاحظ وحب يخف عنها التوتر : ادخلى ياحبيبتى غيرى هدومك واتوضى علشان نصلى وانا هغير فى الاوضه التانيه

نغم شاورت براسها ودخلت الاوضه واول مادخلت اخدت نفسها وحطت ايدها على قلبها : اهدى يانغم اهدى مافيش حاجه تخوف

غيرت هدومها ولبست القميص الابيض الى كانت داليا مجهزاه وسابت شعرها النبى الطويل الى يوسف لحد دلوقت ماشفوش اصلا ولبست الاسدال عليها وطلعت كان يوسف مستنيها وقفوا صلوا وشكروا ربنا كتير وقالوا دعاء الزواج وبعد ماخلصوا يوسف اخدها وراحوا يتعشوا

يوسف بخبس : نغم هو انتى سقعانه ياحبيبتي

نغم : هااا ليه

يوسف ابتسم: اصلك لسه لبسه الاسدال وكده مش هتعرفى تاكلى اقلعيه احسن

نغم برقت : اقلعه ليه

يوسف ضحك على منظرها وقرب منها وفك طرحت الاسدال وفرد شعرها بصلها وسهم نغم ات**فت وبصت للارض يوسف كمل وقلعها الاسدال وحاول يتماسك على قد مايقدر مسك ايدها وقعدها على السفره : يالا كلى ياحبيبتى انتى ماكلتيش من الصبح

نغم حاولت تاكل بس مش عارفه من توترها ورعشت ايدها يوسف لاحظ اخدها على رجله وبدا هو ياكلها ومع كل لقمه كان بياخد وراها بوسه سريعه لحد ماخلصوا اكل وكان يوسف جاب اخره قام شالها ودخل اوضتهم

نغم اترعشت : انت رايح فين تعالى نقعد شويه نتف*ج على فيلم

يوسف مردش عليها لحد ما وصل و نزلها قدام السرير وبص لعنيها وقرب منها قوى وخدها فى حضنه واتكلم جنب ودنها بهمس : انا بحبك قوى يانغم من اول مره شوفتك وانا بحبك وحبى ليكى كان بيزيد مع كل مره بشوفك فيها

نغم لقت نفسها هى كمان حضنته قوى ونسيت خوفها وقربت من ودنه : انا كمان بحبك قوى وعمرى ماعرفت يعنى ايه حب الا لما شوفتك

يوسف خرجها من حضنه بس لسه قريب منها : اول مره تقوليلى بحبك

نغم رفعت ايدها ومسك وشه : ومش اخر مره انت حبى الى عشت احلم بيه وعمرى ماحسيت انى سعيده غير معاك

يوسف قلبه عمال يدق جامد مش مصدق انه خلاص سمعها منها قرب منها مره واحده واخد شفايفها فى حضن شفايفه وبعد شويه بيعد ياخد نفسه نغم بصتله قوى وحمدت ربنا انه انعم عليها بحب صادق واتاكدت ان الى كانت حاسه بيه نحية عمر مكنش حب كان وهم عيشت نفسها فيه مش اكتر

يوسف قرب منها تانى وباسها بالراحه وهو بيهمس ليها : حبى ليكى بقى اكبر من مجرد كلمه اقولها الى انا حاسس بيه جوايا ملوش اسم غير ان انا عاشق !! عاشق لكل حاجه فيكى لكل لمسه منك عاشق لعيونك وشفايفك

ومع اخر كلمه اخد شفايفها تانى فى جوله طويله ووطى شالها وراح على السرير يكمل ملحمة عشقه فيها

****************

بعد مرور سنه كانت نايمه على السرير فى المستشفى وفى حضنها بنتها وجنبها يوسف الى الفرحه مش سيعاه

سهر دخلت هى وعمر وابنهم تيام الى يادوب عنده خمس شهور قربت واخدت البنت من نغم: حمد الله على السلامه يانغومه

نغم بتعب : الله يسلمك ياسهر شوفتى ادينى سمعت كلامك وجبت لابنك بنوته اهى

سهر بصت عليها : هى عنيها لونها ايه ياترى

ويادوب مكملتش الكلمه ولقتها فتحت عنيها سهر سهمت وهى عماله تقول : مشاء الله ولا حول ولاقوة الا بالله

نغم ضحكت : مالك يابت فى ايه

سهر بفرحه : فتحت يانغم وعنيها مشاء الله مش عارفه لونها من جمالها

نغم بلهفه: ورينى كده

اخدتها منها وبصتلها : ياعمرى بص يايوسف عنيها حلوه اواى

يوسف بصلها وابتسم : دى عملت مي** منى ومنك وجت بعيون فيروزى

عمر : انا كده خلاص اطمنت على نسل ابنى

نغم ضحكت وبصت لسهر الى ضحكت هى كمان

نغم بصت ليوسف : هنسميها ايه

يوسف بصلها قوى : هسميها عشق !!!! عشق يوسف!!!

((انا العاشق بحبكى متيم انا الاسير فى قلبكى مخيم

اصبحت فى عينيكى سجين وما طلبت الحريه يوما

انتى الحبيبه والصديقه لى وانا امانك من كل شئ تخافيه))

****وتوته توته خلصت الحدوته حلوه ولا بنتوته *****