Alhena Bernabe
KINABUKASAN, nagising ako dahil naramdaman kong may tumapik sa aking kaliwang braso. Agad kong inangat ang aking ulo upang makita kung sino ang tumapik sa akin.
“Good morning, Alhena,” nakangiting bati agad sa akin ni Lea, dahil siya ang tumapik sa aking braso.
“Lea, ang aga mo naman ‘ata ngayon, hindi ka ba dumaan sa school ninyo?” tanong ko sa paos kong boses dahil kakagising ko lang.
“Nope, wala naman kasing gawain doon,” tugon naman agad niya.
Sabado ngayon at kapwa kami walang pasok, kaya siya ngayon ang magbabantay kay Gavin. Ngunit nanibago lang ako dahil ang aga ngayon ng pagdating ni Lea rito sa hospital madalas kasi kahit sabado ay pumupunta pa rin ito sa paaralan kung saan siya nagtatrabaho.
“Alhena umuwi ka na muna at magpahinga sa bahay, ako na muna a
