Labis-labis ang galak ng isang tao sa tuwing siya ay nakatatanggap o nakakukuha ng isang magandang bagay—lalo pa kung ang bagay na ito ay hindi inaasahan at kamangha-mangha.
Hindi maipaliwanag ang nararamdaman ng isang tao sa tuwing may natatanggap siyang bagay dahil maaari niya itong pakinabangan sa maraming pagkakataon. Ngunit sa buhay rin pala, lahat ng bagay na dumarating ay may kapalit. Give and take, kumbaga. ‘Di sa lahat ng oras ay tanggap lang. Minsan, may kapalit.
Maihahalintulad ito sa situwasyon ngayon ni Vina Oliveros.
Akala ni Vina, magiging masaya siya dulot ng nagkaroon siya ng hindi inaasahan, kakaiba, at pambihirang kakayahan dahil sa Chamile of Invisibility. Natuwa siya dahil madalas kasing malagay sa panganib ngunit makatutulong sa kaniya ang Chamile na ito para sa k
