HINDI makapag-focus si Amara sa pagkain. Hindi pa rin maalis sa isip niya kung bakit tila ang bilis yatang natanggap ng nanay niya na hindi pa rin nila nakikita si Luna. Isa pang iniisip niya ay ang babaeng nakita niya kanina sa labas. Kung hindi siya namamalik-mata ay sigurado siyang si Luna iyon. Pati na rin ang pumatay kina Cheska at Violet. Hindi man niya nakita ang mukha nito ay tila si Luna talaga iyon.
Minasdan niya ang kanyang ina habang kumakain ito. Kung noon ay tamilmil itong kumain, ngayon ay bahagya na itong magana.
“'Nay…” basag ni Amara sa katahimikang namamagitan sa kanilang dalawa. “Kailan po ba tayo babalik sa mga pulis para magpatulong sa paghahanap kay Luna?” tanong niya.
“Wala na akong balak magpatulong sa kanila.” Hindi man lang ito tumingin sa kanya.
“Pero baka m
