Bumuntonghininga si Marilynn habang kinukuha ang isa pang baso ng champagne. Ang makapal niyang tsokolateng buhok ay inayos ng tuwid at nilagyan ng highlights para sa isang mas magaan at modernong itsura. Suot niya ang isang pulang damit na may malalim na neckline at bukas ang likod. Sayang nga lang at dito pa niya naipakita ang bagong anyo niya, sa isang event na ayaw naman talaga niyang puntahan.
Dati-rati, si Ava ang laging kasama ng Mama nila sa mga nakakainip na charity events. Kapag hindi sumasama si Ava, si Marilynn ay madalas nakakakaiwas sa mga ganito dahil kailangan lang niyang magreklamo ng malakas. Pero kamakailan lang, naging masama ang mood ng Papa nila. Ayaw man nitong ikwento ang buong detalye, halata namang natalo ito sa isang malaking business deal. Hindi naman tama n
