“Wow! Tingnan niyo ‘tong lugar na ’to! Ang laki!” tuwang-tuwang sigaw ni Theo habang huminto sila sa loob ng foyer.
Napahanga si Sean at napa-whistle habang sumunod sa kapatid. Tinawag ito ng Papa nila na villa, pero sa laki nito, parang mansyon na talaga. Sino bang mag-aakalang may ganito palang bahay dito sa Woodsville?
Kasunod nila pumasok ang mga bodyguard na pansamantalang naging tagabuhat ng kanilang mga bag. Nandoon lahat ng gamit nila na inimpake nila nang saglit silang dumaan sa inuupahan nilang bahay. Sumunod din ang Mama nila, maingat na inaalalayan si Alexis kahit hawak na nito ang tungkod niya. Pero mas panatag silang may umaakay pa rin kay Alexis habang naglalakad sa bagong lugar.
“Hayaan mo na ako diyan, ako na ang magtatanggal ng jacket mo,” malambing na sabi ni
