Sa unang pagkakataon sa mga nagdaang linggo, nagising si Ava na talagang nakapagpahinga at hindi mag-isa. Katabi niya sa kama si Alexis, habang sina Sean at Theo naman ay nakahiga sa paanan niya. Nang makita niya ang tatlo, hindi niya napigilang ngumiti. Pero kasabay ng ngiti, may bahid din ng lungkot dahil wala si Silas. Baka panaginip lang talaga ‘yung kagabi. Pero kahit gano’n, ramdam pa rin niya ang init ng yakap nito.
“Kung curious ka kung nasaan si Mr. Uy, Mama, tumawag siya mula sa opisina,” sabi ni Alexis habang naghihikab. “Mukhang may emergency.”
“Nagawa niya ‘yon?” tanong ni Ava, nilingon ang anak habang pinipilit pigilan ang pag-asang unti-unting sumusulpot sa kanyang dibdib. Ibig sabihin ba nito, totoo ang nangyari kagabi? Totoo ‘yung haplos, ‘yung yakap, at ‘yung para
