“Maupo na,” utos ng bailiff matapos umupo si Judge Matthew.
“Simulan na natin,” wika ng hukom. “Custody Hearing: Mr. Emerson Sy Versus Miss Avalynn (Sy) Olivar Castillo.”
Tumingin si Judge Matthew sa kanyang hawak na mga dokumento bago tumingin sa mga nasa harapan niya. Sa isang gilid ng courtroom ay naroon si Emerson Sy na respetadong negosyante, maayos ang bihis, at may kumpiyansa. Sa kabilang banda naman, isang payat na babae ang nakaupo, mukhang kinakabahan, maputla na parang nakakita ng multo. Sa likod niya ay ang kanyang tatlong anak, mga triplets, mga batang may tapang sa mga mata at mukhang handa sa kahit anong hamon. Hindi nila tiningnan man lang ang kabilang kampo. Tahimik silang alerto, parang mga sundalong nakaabang.
Karaniwan, ang mga ganitong kaso ng kustodiya ay
