Isang babaeng maliwanag ang mga mata ang umupo pagkatapos manumpa. Suot niya ang isang simpleng pero propesyonal na suit at palda. Ang kanyang makintab na buhok ay nakatali sa isang maayos na bun, at pinagmasdan niya ang buong korte sa likod ng kanyang walang-frame na salamin.
“Doktora, maaari mo bang sabihin ang iyong propesyon?” panimulang tanong ni Tracy.
“Ako po ay isang forensic technician. Sa ngayon ay nagtatrabaho ako sa Metropolitan Forensics Lab.”
“At anong trabaho mo doon?”
“Kadalasan po ay nag-aasikaso ako ng DNA analysis, lalo na para sa mga kaso ng mga nawawalang tao. Pero pinoproseso rin namin ang ebidensya mula sa mga crime scene.”
“Kasama ba diyan ang drug testing?”
“Paminsan-minsan po, pero kadalasan sa ibang laboratoryo ginagawa iyon.”
"Safe bang sabihing madalas k
