"Pwede mo bang sabihin sa’kin kung paano mo nalaman ‘yung tungkol sa panloloob?" tanong ni Thomas habang bumababa sila ng hagdan papunta sa kalye kung saan naghihintay ang isang limo. Si Duncan, na nakatalaga bilang driver, ay nakatayo sa tabi ng sasakyan, handang buksan ang pinto.
"Hindi naman talaga ako sanay sa mga custody battle," sagot ni Tracy sabay kibit-balikat. “Criminal cases ang forte ko kaya marami akong koneksyon sa criminal justice system. Humingi ako ng pabor para bantayan ang mga tawag na nanggagaling sa loob o paligid ng building kung saan nakatira si Ava. Tinulungan nila ako... pero ideya talaga 'yon ni Lexi."
Bahagyang binaba ni Tracy ang boses niya para hindi marinig ng content family na sumusunod sa kanila.
"Lexi?" napalingon si Thomas sa dalaga. "Totoo?"
