الحلقة الخامس

2379 Words

ليان عقدت حواجبها وهي تشوف الحرمه قربت لريم اكثر ومسكت يدها ‏ولفت لها ريم ومن شافتها خافت وهمست الحرمه:ريم؟ ‏ريم بخوف ساكته وتناظر لها ‏همست: ريم قلبببببي انا مـ. ‏ماكملت وسحبت ليان ريم من يدها وناظرت لها قوت بحده وليان ردت لها النظره بثقه ‏ليان:انتي من ؟ ‏قوت ناظرت لريم اللي ماسكه يد ليان ورجعت ناظرت ليان ورجعت خطوه لورا بدون ماتتكلم ومشت بسرعه وطلعت وليان استغربت وبنفس الوقت خافت وناظرت لريم ‏ليان:وش قالت لك ؟ ‏ريم بخوف ماردت ومشت لهم لجين ‏لجين : من هذي ليان؟ ‏ليان بهمس:ماادري من سألتها شفتي وش سوت ، هربت ، وش كانت تبي من البنت ‏لجين:الله يستر ‏ليان ناظرت لريم وجلست ع مستواها ‏ليان:ريم قلبي وش قالت لك الحرمه؟ ‏ريم:ماقالت شي ‏ليان:تكلمت معك؟ ‏ريم حركت راسها بـ لا ‏لجين:البنت خافت ليان خلاص خليها ‏ليان ناظرت للجين ووقفت: ماراح اخليها اليوم انا وانتي انتبهنا لها بكرا غيرنا مايهتم وهالحرمه تدخل وتأخذ اي احد وتطلع مايصير ‏لجين:وش بتسوين ؟ ‏ليان:اكيد بقول للاداره مايدخل هالمدرسه الا امهات الصغار غيرهم لا ‏لجين:ع اساس بيطبقون اللي تقولينه ع طول .. ‏ليان:يطبقون ليش مايطبقون وبعدين لجين ناظري حولك كل الصغار فيه امهاتهم عندهم ينتظرون اللي يطلعهم بس ريم الوحيده اللي لحالها وهالحرمه ماتجرأت الا عليها لا والله مااسكت .. ‏لجين:انتبهي لاينقلب هالكلام ع راسك ، ماصار لك يومين من جيتي لهالروضه لاتسوين مشكله ‏ليان ناظرت لريم ورجعت ناظرت للجين وسكتت شوي وبعدها اخذت نفس:عندك رقم عمتها؟ ‏لجين: ايه نزلت رقم عندي ‏ليان:ابيه ‏لجين:تمام بروح اجيبه ‏ومشت وليان لفت لريم وهمست:تبين مناكير ‏ريم بفرحه:ايه ‏ليان ضحكت:تمام بكرا تعالي واحط لك ‏ريم باابتسامه:طيب ‏ع صوت لجين:هذا هو ‏رفعت راسها ليان واخذت الرقم وطلعت جوالها تسجله وبعدها اتصلت ‏رفعت راسها ليان واخذت الرقم وطلعت جوالها تسجله وبعدها اتصلت ‏سلطان كان بالطريق ومن رن جواله اخذه وشاف الرقم واستغرب شوي وتذكر ريم ورد بسرعه ‏سلطان:ايوه؟ ‏ليان انصدمت وناظرت للجين ولجين استغربت وهمست:ايش؟ ‏ليان بعدت الجوال عنها:رجااال ‏لجين:ايه ابوها ‏ليان:نعم ؟ ‏لجين كاتمه ضحكتها:وش فيك ؟ ‏ليان ناظرت لها بحده:سخيفه ليش ماقلتي طـيب ... ‏ماكملت ورد صوت سلطان:الووو! مين! ‏ليان اشرت للجين باانها تصبر ورجعت ردت بهدوء ‏ليان: السلام عليكم ‏سلطان عقد حواجبه:وعليكم السلام ‏ليان:والد ريم؟ ‏سلطان توتر:ايه فيها شي؟ ‏ليان:لالا ، بس انه تأخرت عليها والبنت تنتظر ‏سلطان:ايه انا بالطريق ، لاهنتي لاتتركينها لحالها اذا انتي استاذتها ‏ليان:ايه استاذتها ماعليك أنا معها ‏سلطان:شكراً ‏ليان سكرت قبل ترد ومشت للجين ولجين ركضت وهي تضحك ‏ليان: تشوفين والله مااتركك يالنكبه ‏لجين:ههههههههه ماسويت شي ياربي ‏ريم تناظرهم وتضحك ولفت لها ليان وتكتفت:اعجبك اللي سوته هاه ‏ريم استحت ‏ليان مشت لها باابتسامه:يلا شوي ويجي بابا يأخذك ، واذا جيتي بكرا بلعب معك كل الالعاب ‏ريم:وتحطين لي مناكير بعد ‏ليان بضحك:واحط لك مناكير بعد ‏ريم ضحكت وقربت لها وحاوطت يديها الصغار رقبه ليان وضمتها وليان ابتسمت من قلب ضمتها ‏ليان وهي تناظر للجين واشرت لها تشوفهم وابتسمت لجين:حصلتي ع قلب البنت وش تبين اكثر ‏ضحكت ليان وبعدت ريم وباست خدها ‏ليان:ياربي وش اسوي بعمري ، يا زينك بس .. ‏ريم ابتسمت:وانتي بعد حلوه ‏ليان:هههههههه والله الحلو انتي ‏ع صوت ام محمد:استاذه ليان والد ريم سلطان ينتظرها ‏ليان حركت راسها وناظرت للريم:يلا روحي للبيت وانتظرك بكرا تجيني ‏ريم بفرحه:طيب ‏ليان باست خدها ومشت معها للباب لين طلعت وتأكدت انها راحت لابوها ولفت للجين ‏ليان:انا اخذت قلبي هالبنت ، يارب اقدر اخفي غلاها وماافرق بينها وبين الصغار الثانين ‏لجين: صعبه ‏ليان بهمس:اي والله ‏سلطان لف لريم اللي راكبه جنبه ‏سلطان:كنتي جالسه تنتظريني؟ ‏ريم حركت راسها بـ ايه ‏سلطان:ابطيت عليك؟ ‏ريم حركت راسها بـ لا ‏سلطان:كنتي لحالك؟ ‏ريم ابتسمت:لا معي هذيك ‏سلطان : من؟ ‏ريم اشرت لروضه:هذيك وحده كبيره ‏سلطان:استاذتك؟ لجين؟ ‏ريم ماتعرف اسمها وحركت راسها باايه باابتسامه:حلوه ‏سلطان بضحكه : تمام تمام ومشى وهو مبتسم ويشوفها واضح فرحانه وعرف دام انها كانت مع استاذتها لجين يعني هي اللي راسمه ضحكه ريم ع وجهها ومخليتها فرحانه لهدرجه وحبتها .. ‏قوت دخلت للبيت وشافت امها بالصاله مع حاتم ‏هدى:بسم الله وين كنتي ع بالي بغرفتك .. ‏قوت مشت لهم وجلست:طلعت مع السواق ‏حاتم:وين كنتي طيب؟ ‏قوت ناظرت لحاتم شوي سكتت وبعدها اخذت نفس ووقفت ‏قوت:رحت لصديقتي كانت تعبانه ، بروح ارتاح ‏ومشت عنهم وحاتم استغرب ولف لامه ‏حاتم:اقص يدي اذا اللي قالته صح ‏هدى:استغفرالله يعني بتكذب علينا؟ ‏حاتم:ايه ‏هدى:لا ماتسويها ق وت ، اسكت لا تظلمها ‏حاتم اخذ فنجاله يتقهوى:ان شاءالله ‏، ‏دخلت قوت غرفتها ورمت شنطتها وعباتها ورمت نفسها ع السرير وتن*دت وهي تتذكر ملامح ريم ‏ماتغيرت كبرت شوي طال شعرها زادت حلاوتها ، تذكرت نظرتها ، ابتسمت ونزلت دمعتها من تذكرت نظره الخوف منها ولما صارت ورا استاذتها ‏حطت يدها ع وجهها وصارت تبكي وجوالها يرن ومااهتمت .. ‏، ‏دخلت ليان للبيت مع نايف ‏نايف:طول السياره تتكلمين خلاص ارحمي اذني يابنت الحلال ‏ليان ابتسمت:اصبر ماقلت لك عن ريم ‏نايف: لا قلتي ، اللي باستك يالله وش هاللطاااافه ، بس انطمي ‏ليان:ههههههههه طيب اسمع خلني اتكلم لك عن لعبهم ‏نايف:ماابي اسمع ‏ليان: هههههههه نايف لاتستهبل ، شوف ‏نايف مشى عنها : انا بروح لامي قبل ينفجر راسي ‏ليان بضحكه مشت وراه:تعال ماقلت لك عن مكتبي ‏نايف سكر اذانه ويمشي لغرفه امه وليان بضحكه تلحقه وقبل يدخلون الغرفه سمعوا امهم تكلم .. ‏العنود : يابنت الحلال خلاص ليان ماتفكر بالزواج.......لالا مو قصه ماتبي ناصر بس ماتبي الزواج كله ‏ليان وقفت بصدمه وناظرت لنايف ونايف لف لها وناظر لملامحها اللي جمدت من سمعت اسمه ‏ليان وقفت بصدمه وناظرت لنايف ونايف لف لها وناظر لملامحها اللي جمدت من سمعت اسمه ..! ‏نايف لف بسرعه للغرفه وطق الباب ولفت لهم العنود ومن شافتهم تكلمت بهدوء ‏العنود:طيب انا لازم اسكر ، مع السلامه ‏وسكرت وابتسمت لهم:هلا بكم ، متى جيتوا ‏ليان دخلت:هذي وش تبي؟ ‏العنود ناظرت للنايف ورجعت ناظرت لليان:من؟ ‏ليان:ام ناصر وش تبي؟ ‏نايف:ليان؟ ‏ليان ماردت: ليش تردين عليها ، ليش تتكلمين معها للحين ؟ ‏العنود:ليان عمري هذي زوجه عمك ، نقاطعهم يعني؟ ‏ليان بقهر:ايه تقاطعينهم دام هالحقير ولدهم ، هي بااي ووووجه تتكلم اصلاً .. ‏العنود ناظرت لنايف وكانها تبيه يتدخل ‏نايف مشى لها:ليان اهدي ، اكيد ماراح نوافق يخطبك ‏ليان ناظرت لها:وخطبه بعد؟ انتم شلون ساكتين ، تعرفون وش سوا فيني تدرون والا ماتدرون ، او نسيتوا ‏نايف:تمام وش فيك اهدي ‏ليان صرخت:ماراح اهدا لين تكلمونها الحين وتقولون تطلع من حياتنا هي وولدها ، الحين .. ‏العنود خافت من حاله ليان وقامت مشت لها ومسكتها:طيب بكلمها بس اهدي ‏ليان بعدت يدين امها:كلميها يلا الحين ‏نايف صرخ : ليييان خلاص عاد ‏ليان ناظرت له وتكلمت بهدوء:ليش خلاص ، اخاف انا مبالغه؟ اووه صح ناصر معه الحق صح اغلطت ع ولد عمك ، اسفه ‏نايف عصب:وش فيك انتي؟ قلنا ماراح يخطبك ولا بنوافق عليه ، تصارخين ليش؟ ‏ليان صرخت:لانكم تعرفون وش سوا فيني ومع هذا للحين تتكلمون معهم ‏العنود ماقدرت تتكلم وهي تشوف انفعال ليان اللي خوفها ‏نايف بعصبيه: امه تكلم امي ، ماتكلمنا معه ولا دخلناه بيتنا ، ماله داعي اللي تسوينه ‏ليان بعصبيه:امه تكلم عشان تخطب له ‏نايف صرخ:وماعطينا للحين اذا انتي مستوعبه .. ‏ليان ناظرت لنايف بحده وماقدرت تتكلم وامتلت عيونها دموع ومشت وتركتهم ‏العنود بهمس:انت ليه تعصب عليها ‏نايف ماتكلم وطلع من غرفه امه معصب لغرفته والعنود تاففت وحست رجعت الايام اللي فرحت ان ليان طلعت منها .. ‏الساعه صارت ٩:٤٠ م ‏سلطان دخل للبيت يحس نفسه مت**ر من الشغل ومشى لصاله شاف اميره وامه جالسات ‏سلطان: السلام عليكم : وعليكم السلام ‏وجلس:وينها ريم؟ ‏اميره:لعبت هي ومعاذ وثامر (عيالها الصغار) ونامت ‏ابتسم سلطان:ومعاذ وثامر وينهم؟ ‏اميره ابتسمت:نايمين بالمجلس ، اقول بس يازين المدرسه اللي تهد حيلهم وينامون بدري ‏امل:هههههههه اي والله ‏اميره ناظرت لسلطان:انت شلونك وشلون شغلك ‏سلطان:كل شي ماشي الحمدلله ‏اميره:زين ‏سلطان:شفت اسم مدرسه ريم لجين الـ.. ، ودورت عنه طلعت مسالمه ‏اميره لفت لامل:ولدك مو طبيعي صدقيني يمه ‏امل:ادري مصدقتك ‏اميره : هههههههه سلطان صادق انت ؟ لو عندها شي مو زين ماتوظفت استاذه وبروضه بعد ‏سلطان:عاد اتأكد ، حتى ريم حابتها وانا دام ريم حابتها مرتاح لها ‏امل ابتسمت:جد؟ ‏سلطان:ايه ‏اميره: والبنوته ماشاء الله توها متوظفه صغيره ‏سلطان عقد حواجبه:بالله؟ ‏اميره كاتمه ضحكتها:ايه ، حتى عليها اسلوب ماشاء الله تبارك الرحمن يهبل ‏سلطان ابتسم:عشان كذا ريم حابتها ‏اميره ابتسمت لامها وامل ضحكت ‏سلطان:وش فيكم؟ ‏امل:ولا شي ، بس ترا بروح مع ريم بكرا لروضه بشوف وضعها مع هالاستاذه ‏سلطان:حلو تسوين خير لي ‏اميره همست لامها:لاتنسين اسمها لجين ‏امل ضحكت:ان شاء الله ‏سلطان: شفيكم؟ ‏اميره : ولا شي نضحك وش فيك انت ؟ ‏قام سلطان:والله يستر من ضحكم والله ، انا بروح انام مع بنتي وانتم كملوا ضحك كملوا ‏امل:هههههههه طيب روح الله يهد*ك بس ‏سلطان عرف ان وراهم شي بس ابتسم ومشى عنهم وطلع لغرفته ‏ولفت امل لاميره ‏امل:عاد جد هي صغيره؟ ‏اميره:ايه توها متوظفه واضح ‏امل:والله ياليت يصير اللي ببالي ‏اميره : ليت ، والله اني بس افكر فيه ، صعبه ريم عنده وتبي احد قريب لها ‏امل:بس تهقين توافق ع رجال مطلق وعنده بنت .. ‏اميره:يحصل لها سلطان ياقلبي ، بس تراك استعجلتي خلينا نشوف اول ونقنع سلطان ‏امل:ان شاء الله ‏، ‏دخل سلطان غرفته وشافها نايمه ببرائه وابتسم وقرب لها وغطاها زين ومشى لدولاب بدل ملابسه ودخل غسل وطلع ومشى لها وانسدح جنبها واخذ نفس وقربها له وباس راسها وبدون مايحس نام بتعب ..! ‏الساعه ٦:٤٥ ص ‏نزلت ليان وملامحها هاديه شافت نايف وامها يفطرون ونزلت شنطها وعبايتها ‏العنود ابتسمت:صباح الخير حبيبتي ، تعالي افطري ‏ليان بهدوء لبست عبايتها وتكلمت بهدوء:انا انتظرك برا ‏ومشت عنهم ونايف ناظر لامه:عادي ليان وتعرفينها ‏العنود:ياخوفي ترجع لحالتها اللي مافرحنا تطلع منها ‏نايف قام وباس راس امه:لا ان شاء الله مو صاير شي ‏العنود ناظرت لنايف:انتبه لطريق ‏نايف:ان شاءالله ‏وطلع وشافها واقفه ومشى للباب وهي مشت وراه بهدوء ولا تكلمت ولا حتى ناظرت له .. ‏، ‏العنود من طلعوا وهي تفكر بـ ليان اخذت نفس وهي تتذكر قبل سنتين ملامح ليان لما قال لها نايف ان ناصر خطبها ، ماتنسى ابتسامتها الحيويه وماتنسى فرحتها وضحكاتها كل ماجابوا طاري ناصر وماتنسى اللحظه اللي وقعت فيها ليان ع دفتر ملكتها وابتسامتها قبل يصير اللي **ر كل شي حلو داخل ليان واخفى ابتسامتها شهور .. ‏، ‏امل وهي تلبس عبايتها:بروح مع الحلوه ريم وراجعه ‏علي:وتخلوني لحالي ‏ريم بضحكه:ايه ‏علي:افاا وين اروح ‏ريم ضحكت:تعال معنا ‏سلطان:هذي لو بيدها تدخلنا كلنا معها ‏علي:هههههههههه تسويها ‏ريم ناظرت لامل: يلا ماما امل بسرعه ‏امل اخذت شنطتها:يلا يلا خلصت ‏سلطان اخذ شنطه ريم ومسك يدها وطلع وامل همست لعلي : ادع ان اللي ببالي يصير ‏علي: وش ببالك؟ ‏امل:بقولك اذا رجعت ‏ومشت وعلي استغرب بس عرف افكار امل ماتتحمس كذا الا بتسوي شي يرضيها حتى لو مايرضي غيرها ‏، ‏بسياره نايف ‏كانت هاااديه ونايف اخذ نفس ‏نايف:ليان اعتذر عن اللي قلته امس ‏ماردت ‏نايف لف لها وابتسم:ماتبين تتكلمين لي عن مكتبك والصغار وذيك اللي اسمها ريم؟ ‏ماردت عليه ونايف تضايق:ليان خلاص تكفين ‏ماردت ونايف تن*د وماتكلم وهو كل شوي يشوفها ماتناظر له ولا مهتمه ابد شوي ووصلوا ووقف سيارته ونزلت ليان بدون ماتتكلم ونايف ناظر لها لين دخلت الروضه وندم ع كلامه لها حس انه كان دفش معها وهي ماتنلام ع عصبيتها وقهرها ..! ‏سلطان وقف قدام الروضه ولف لامه:بتبقين معها لين اخر الدوام ‏امل:ان شاء الله ‏سلطان:زين ‏ولف لريم:قربي قربي قربي ‏وباس خدها وريم ضحكت ‏امل:هههههه يلا ريم انزلي قبل ياكلك ‏ريم وهي تضحك نزلت ومشت مع امل وسلطان مبتسم ناظرهم لين دخلوا ومشى وهو يهمس بالاذكار عليها ‏، ‏لجين بالمكتب مع ليان:وش فيك؟ ‏ليان ضغطت ع راسها ماادري تعبانه من امس مانمت ‏لجين:ليش ؟ ‏ليان ناظرت للجين:ماقدرت ، لجين قلبي تكفين بس ساعه انتبهي لمجموعتي وبنزل اذا ارتحت ، ساعه او نص ساعه ‏لجين:ابشري بس اذا تعبانه اطلعي ‏ليان:لا ببقى ماعليك ‏لجين:تمام اذا تبين شي ارسلي لي ‏ليان:طيب ‏ونزلت لجين لمجموعه ليان ودخلت شافتهم مجتمعين وابتسمت ‏لجين:حبايبي بدون صوت شوي واجيكم ‏وطلعت لمجموعتها تشوفهم ، وجت ببالها فكره واخذت الصغار بمجموعتها ودخلتهم مع مجموعه ليان والعدد ماكان كثير وهذا اللي مريحها وصارت تلعب وتسولف معهم تحت انظار بعض امهات الصغار وامل ، مرت نص ساعه ولجين مع الصغار وامل ع وضعها كانت تراقب لجين بكل تحركاتها ومبتسمه ، قامت بهدوء ومشت لها ‏امل: مرحبا ‏لفت لها لجين وابتسمت : ياهلا ‏امل:انا جدة ريم ‏لجين:ياهلا ومرحبا شرفتي ‏امل:انتي استاذتهم لجين صح؟ ‏لجين:ايه نعم ‏امل: والنعم ، تشرفت فيك ‏لجين:الشرف لي ‏ومشت امل ورجعت لكرسيها وهي مبتسمه ، وتتخيل لجين جنب سلطان وريم معهم ‏ع صوت برا الغرفه ‏ليان بعصبيه : هذا الشي اللي مفروض يصير اصلاً ‏لجين بخوف قامت:لاحد يطلع حبايبي ‏وطلعت بسرعه والامهات قاموا يشوفون الصوت ‏ليان للمديره : ليش عاجزه تقولين للامن برا مايدخل الا امهات الصغار؟ ‏المديره مستغربه من عصبيتها: ليان وش فيك اهدي ، حنا بروضه واللي تسوينه مايصير ‏ليان:طيب ليش ماتقولين للامن مايدخل الا امهات الصغار وانتي تو تستحقرين كلامي يا استاذه فوز اللي صار امس ماتعرفينه ‏لجين مسكت يد ليان وهمست:شفيك تصارخين اهدي ‏ليان:مااصارخ لجين ، انتي شفتي اللي صار امس ‏المديره ناظرت للامهات اللي يشوفونهم ومسكت يد ليان وسحبتها لداخل الغرفه قبل تقول شي يخرب سمعتهم وسكرت الباب ولجين خافت ولفت وهي تسمع همس الامهات: وش فيها هذي استغفر الله ‏لجين:عذراً اسفين ‏امل استغربت وما اعجبها اللي شافته بس صدت ودخلت للغرفه والامهات مافهموا شي ولجين قربت لهم تعتذر وتدخلهم للغرفه .. ‏المديره فوز من سكرت باب الغرفه لفت لليان ‏فوز: ليان انتي وش فيك بتفضحينا؟ ‏ليان تكتفت:وانتي وش فيك ماتسمعيني ‏فوز رفعت حاجب:عفواً؟ ترا ماصار لك اسبوع متوظفه عندي وهذا اسلوبك معي؟ ‏ليان بقهر:انا اتكلم معك ومستحقرتني ليش ؟ ‏فوز:مو مستحقرتك بس اللي تقولينه غريب واستغربت ‏ليان:وش الغريب ، اني اقول

Free reading for new users

Scan code to download app

App Store Google Play

Facebookexpand_more