الحلقة السادس

1184 Words

قولي للامن مايدخل الا امهات الصغار؟ هذا الغريب بنظرك؟ ‏فوز:ايه غريب انك تعطيني بصيغه امر ‏ليان:لانك ماشفتي اللي شفته ، ريم بنت عندنا مالها ام وامس وحده داخله وتراقبها وحاولت تقرب لها ، هذا مو سبب برايك؟ ‏فوز:يمكن تعرفها طيب ، او اعجبتها البنت وقربت تسولف معها ‏ليان ضحكت بصدمه:ونسمح لها برائيك؟ وبعدين تعرفها تروح لبيتهم مو تجيها لروضه ‏فوز:ليان حبيبتي ماتدرين وش سالفتها ، وبعدين انتي وظيفتك تجين وتعطين الصغار اللي نقوله لك وتمشين مالك علاقه بفلانه عندها ام او فلانه لا .. ‏ليان انصدمت من كلامها .. ‏فوز: وللامانه ماابي اظلمك واخسرك من الروضه من اول موقف ، ابي اعطيك فرصه ثانيه اتمنى اتمنى من كل قلبي تنتبهين لتصرفاتك ، وريم دام تدرين مالها ام ماله داعي تسوين عليها ام ‏ليان ماقدرت تتكلم من الكلام اللي سمعته ‏فوز جلست ع مكتبها:تقدرين تتفضلين ورجاءً ماابي هالشي يتكرر ‏ليان بحده:انتي ميـ. ماكملت وطق الباب وفوز تناظر لليان بحده وليان تبادلها النظره وانفتح الباب ودخلت لجين ‏لجين:ماعليش قاطعتكم ‏ماردوا وهم يناظرون بعض بحده ‏لجين بربكه: ليان تعالي ابيك ‏ليان بحده وهي تناظر فوز:انا مااشتغل عندك ، والشغل اللي يحدني اصبر على اشكالك ماابيه ‏لجين انصدمت وفوز رفعت حاجب ‏ليان ولفت بتطلع بس وقفت ورجعت ناظرت للفوز ‏ليان: والصغار جايبينهم اهاليهم امانه عندك، بس اظنهم ماعرفوا عند من حطوهم ‏ولفت وطلعت ‏فوز بعصبيه:تعااااالي ، لييييان ‏لجين بخوف لحقت ليان ومشت معها لدرج ‏لجين:ليان وقفي اسمعي ‏ليان ماترد ودخلت لمكتبها تجمع اغراضها ‏لجين:مجنونه انتي ؟ ‏ليان بدون ماتناظر لها:ايه مجنونه ، واللي تحت بقره همها ريالها بس ‏لجين: ليان ماصار لك اسبوع وتتركين الشغل نعم ؟ ‏ليان ناظرت لها:اتركه ولا اجلس عندها زين اني عرفتها من البدايه تناظر لنا اننا استاذات نجي ونعطي الدروس ونطلع بدون مانهتم بالصغار ولو ينخ*فون عادي لانها مو شغلتنا ، ووش تقول بعد؟ تقول اذا ريم مالها ام لاتسوين عليها ام، هالعقليات المريضه شلون بتعامل معها؟ عفواً صبر ماعندي مااعرف اصبر ماااعرف تعرفين شلون مااعرف اصبر وخاصه ع هالعقليات ‏لجين بتتكلم ع صوت فوز الحاد: ليان..! ‏ليان ناظرت لها بتحدي ‏لجين بربكه:استاذه فوز اعذريها البنت مو نايمه من امس ولـ. ‏ليان بحده:لجين ‏لجين سكتت ‏ليان ناظرت لفوز:نعم؟ ‏فوز:لجين اطلعي ‏لجين بخوف طلعت وسكرت الباب وفوز قربت لليان وليان ماتحركت ‏، ‏لجين نزلت وهي تشوف امهات الصغار ينتظرونها وواضح سمعوا الاصوات ‏لجين بربكه:ماعليش اعذرونا بس حاصل سوء فهم ‏صاروا الامهات يتهامسون ولجين دخلت للغرفه عند الصغار وهي تدعي ان الله يستر ‏، ‏ليان تناظر فوز تتكلم وفوز تناظرها بحده ‏فوز: مروا علي كثير توهم متوظفين ومتحمسين لوظيفتهم ، بس انتي غير صراحه اول مره اشوف وحده تبي تكون مدرسه وبنفس الوقت مديره وبنفس الوقت مشرفه ع الصغار وبنفس الوقت امن وبنفس الوقت ام لطالبه ماتعرفها ‏ليان بهدوء:فيه بنت كان ممكن تنخ*ف امس من روضتك استاذه فوز ‏فوز:بس ماانخ*فت ‏ليان:لان لولا الله ثم ان انا ماانتبهت كان انخ*فت ‏فوز بضحكه:من جهة اكشن ومن جهه تطلعين نفسك البطله ‏ليان:انتي ليش مو مصدقه ؟ لو اقول ممكن ماتنخ*ف بس امس شفت بعيوني ، وغير كذا البنت ابوها يوصلها وهو لابس بدله شرطه وممكن احد حاقد عليه ‏فوز: ههههههه وتعرفين ابوها بعد وتعرفين شغله ههههه اخاف بينكم شي ؟ تمام قولي انك معجبه فيه مثلاً وتحمين بنته عشان تكونين البطله اللي تنقذها من الخ*ف .. ‏صرخت ليان بوجهها:وش تقولين انتي ‏فوز بضحكه: هذا اللي اشوفه ‏ليان انفاسها تسارعت بعصبيه وفجاءه جت ببالها فكره وابتسمت:تمام انتي اللي بديتي ‏ورفعت جوالها وفوز استغربت ‏واتصلت بالرقم اللي بجوالها وحطته سبيكر شوي ورد صوته وبهيبته ‏سلطان:ايوه هلا ‏ليان باابتسامه:السلام عليكم استاذ سلطان ‏سلطان:وعليكم السلام ‏فوز مو فاهمه شي ومنصدمه ‏ليان:انا استاذه ريم بالروضه اسمي ليان الـ. ومسوؤله عن اللي بقوله لك الحين ، انت مدخل بنتك بروضه مو آمنه ، امس بنتك كانت ممكن تنخ*ف لو انا ماانتبهت لها ، والمديره فووووز الـ.. تقول هذي مو شغلتنا وانني غلطانه اني انتبهت لبنتك .. ‏سلطان كان يسمع كلامها ومنصدم ‏وفوز مو اقل منه صدمه ماتوقعت ابد تسويها ااااابد ‏سلطان:انتي وش تقولين؟ ‏ليان : اللي سمعته ، واذا تبي بعد وش قالت عنك ، ووش اتهمتني لاني بس طلبت تحمي بنتك ، اقولك ‏سلطان عصب:متأكده انتي ان احد قرب للريم؟ ريم بنتي ‏ليان وهي تناظر للفوز بحده وابتسامه:ايه نعم ورب البيت امس فيه وحده جايه تراقب بنتك وقربت لها قبل الطلعه ماكنت بخوفكم بس دام المديره قالت هالكلام حبيت اقولكم عشان امن بنتكم ، والسلام ‏وسكرت وفوز بصدمه تناظر لها وليان ابتسمت ليان: موفقه خير استاذه فوز واخذت اغراضها وطلعت من جنبها وفوز ماتحركت .. ‏نزلت ليان من الدرج واغراضها معها والامهات كانوا جالسين وشافوها ومنهم امل وصاروا يتهامسون ولجين انتبهت لها وطلعت من الغرفه ‏لجين:لييييان ‏ومشت وراها وهي تناديها وليان ماترد ‏بنفس هالوقت رن جوال امل وهي تناظر للجين وتنادي ليان ‏وردت ‏امل:ايوه؟ ‏سلطان:يمه انتي عند ريم الحين؟ ‏امل:ايه ماطلعت ‏سلطان:١٠ دقايق واكون عند الباب طلعي ريم معك ، انتبهي لها يمه ‏امل استغربت وعقدت حواجبها:وش صاير؟ ‏سلطان:اقولك بعدين ، انتبهي لريم جاي ‏امل:زين زين ‏وسكر وهو ماشي بطريقه ويفكر بالكلام اللي قالت له البنت ، معقوله صدق؟ ولو صدق معقوله تكون قوت؟ اكيد هي من غيرها بيعرف ريم ‏، ‏ليان بالساحه وقفت وكلمت نايف يجيها ولجين تنتظرها تخلص وقال لها نايف انه قريب حيل وجاها ، وسكرت جوالها ‏لجين:ياخبله ليان تتركين وتمشين كذا؟ الناس تدور الوظيفه وانتي تكفرين بهالنعمه ‏ليان ناظرت لها:انتي تصبرين لكن انا لا ، وفوز هذي عبده لريال ، مايهمها غير الريال وتفكيرها منحط وعادي عندها تقول لي انتي معجبه بواحد .. ‏وسكتت ماكملت واخذت نفس:موفقه لجين واجمل حسنات هاليومين اني عرفتك ‏لجين:اووف ليان ياربي ‏ليان ابتسمت ولبست عبايتها ع طلعه امل وماسكه يد ريم ‏امل:استاذه لجين ، انا اخذت ريم مالقيت المديره عشان استأذن ‏ليان عقدت حواجبها:من انتي؟ ‏امل استغربت:سمي؟ ‏ريم من شافت ليان فرحت ‏ريم: قلتي بتجيني اليوم تلعبين معي ‏ليان ابتسمت لريم ومشت لهم وتناظر لامل:وش تصيرين لها؟ ‏امل بااستغراب:جدتها ‏ليان ناظرت لريم:هذي جدتك؟ ‏امل:نعم؟ ‏ريم بضحكه: ايه ماما امل ‏ليان ارتاحت:ماعليك اعذريني بس لاني لازم اتأكد ‏لجين:عذراً خاله ‏ع رنه جوال ليان واخذت اغراضها وطلعت وناظرت لريم وحستها بتشوفها اخر مره بس ماتبي تبين لها مششت وضضضايقهه وامل استغربت منها وصارت تناظر لها ‏طلعت ليان وشافت سياره نايف ونايف من شاف الاغراض معها نزل بسرعه ومشى شال عنها الاغراض ع وقفه سياره سلطان وشافهم وعرف نايف من اخر مره شافه ع طلعه امل وريم وريم تأشر لليان بـ باي ‏وسلطان استغرب ويناظر لريم والحرمه اللي تناظرها واشرت لها ببـ باي وركبت السياره سلطان ربط كل شي ببعضه ، ونزل ومشى لريم وامل سلطان: يمه هذي ليان؟ امل: وش عرفك فيها سلطان مارد ولف لسياره نايف اللي يحط الاغراض بالدبه سلطان:لو سمحت لف له نايف ومن شافه تذكره:سم؟ سلطان لف لامه:اركبوا السياره شوي وجاي ومشى لنايف وامل استغربت وركبت هو وريم وليان من شافته جاي لهم من المرايه جمدت من شكله وهيبته وواضح من ملامحه معصب وكان جرأتها اختفت فجأه واخذت نفس تهدي نفسها فيه ...

Free reading for new users

Scan code to download app

App Store Google Play

Facebookexpand_more