الحلقة السابع

2307 Words

ومشى لنايف وامل استغربت وركبت هي و ريم وليان من شافته جاي لهم من المرايه جمدت من شكله وهيبته وواضح من ملامحه معصب وكان جرأتها اختفت فجأه واخذت نفس تهدي نفسها فيه سلطان صافح نايف:شلونك نايف بااستغراب:الحمدلله بخير سلطان اشر ع السياره:اللي معك استاذه بنتي وصاير شي وودي اعرفه منها نايف بهدوء:ايه دقيقه ومشى لباب ليان وفتحت ليان الدريشه نايف:يبي يتكلم معك عن بنته ليان:نايف انا تركت هالشغل اليوم ماابي اتكلم روح قل له اني قلت كل شي ومافيه شي نتكلم عنه نايف انصدم وهمس:نعم؟ ليان:اللي سمعت انصدم بس مايبي يتكلم معها قدامه رفع راسه وناظر لسلطان وسلطان سمع كلامها ليان بهدوء:مافي شي ازيده هذا كل شي سلطان وهو بمكانه:بس انا بفهم ليان ماردت وناظرت لنايف:خلاص يلا بنمشي نايف ناظر لسلطان ومشى له وهمس:خلاص اخوي ، اختي تركت شغلها اليوم ولا ادري وش السبب عشان كذا مااتوقع انها بتتكلم اكثر ، اعذرنا ومشى وسلطان ناظر له لين ركب ومشو وهو منصدم ، ليش تركت شغلها؟ هي لما كلمته قالت انها انتبهت لريم والمديره ماكانت راضيه ، معقوله عشان ريم؟ قطع تفكيره صوت امل امل : يلا يمه لف لها سلطان واخذ نفس ومشى لسيارته وركب وهو ساكت مشى امل:وش السالفه وش كنت تبي منهم؟ سلطان:هالبنت تركت شغلها اليوم وشاك انها تركته عشان ريم امل:بالله؟ تركته؟ سلطان ناظر لها:ايه امل: والله من عوابتها وصراخها ولا وش دخل ريم لاهي مدرستها ولا شي ، والا بنت صغيره تصارخ ع المديره؟ وين عايشين؟ سلطان استغرب:ليه صارخت عليها امل : ماادري فجأه صرخت ع المديره ونزلت معصبه معها اغراضها اكيد انطردت سلطان:استغفرالله وش هالتعقيد ، هي تقول انها مدرسه ريم امل:لا مدرسه ريم ، اسمها لجين سلطان استغرب ولا رد وهو يفكر وش صاير ، اخذ نفس ولف لريم وابتسم لها وريم ماتسمعهم وتناظر لدريشه مندمجه ، نايف شافها وهي ساكته طول الطريق نايف:وش السبب ليش تركتي؟ ليان ماردت نايف:ليان تكلمي خلاص وش حركات البزران ذي ، وحده عمره ٢٤ هذي حركاتها؟ تركتي ليش؟ ليان:كيفي نايف تنرفز:ليييان تكلمي بعقل ، ليش تركتي وظيفتك؟ ليان ماردت نايف بعصبيه؛لييييان ليان بقهر:لاتصرخ علي نايف:لا صح بضمك واحب راسك ع اللي سويته ليان:هذا المفروض ناظرها نايف بعصبيه ومتنزفز بس صد ومايبي يتكلم معها اكثر ويقول اشياء يندم عليها وهو يعرف ان هذي حركاتها اذا كانت زعلانه منه ومن امها بس ماتوصل انها تترك شغلها .. دخلت ليان للبيت ومشت بدون ماتتكلم لغرفتها والعنود مستغربه دخل نايف ومشى لامه العنود:ليش جايين بدري؟ نايف باس راسها وجلس:امسكي اعصابك العنود:الله يستر وش صاير؟ نايف:تركت شغلها العنود شهقت:نعم؟ نايف:ومو راضيه تقول ليش العنود:انجنت هذي؟ نايف بهدوء:خايف يكون جد رجعت لفتره اللي اكتئبت فيها بعد ناصر العنود بخوف:تتوقع عشان كذا تركت ، ياربي لا نايف:ماادري والله ، ليان من دخلت غرفتها رمت عبايتها واخذت نفس وهي تناظر لسريرها وجلست وهي تفكر بيومين بس تعلقت بالصغار وضحكهم و***بهم شلون بترجع لحياتها الهاديه الروتينيه رفعت نظرها لفوق عشان تداري دمعتها ماتنزل ، ببيت علي دخلت امل ومشت تنزل عبايتها بغرفتها اما سلطان ماسك يد ريم ومشى معها لصاله وجلس وجلس ريم بحضنه سلطان:لعبتي اليوم؟ ريم حركت راسها بـ ايه سلطان:وش لعبتي؟ ريم تفكر:لعبت بالارقام والحروف ورسمت ، بس اليوم ماطلعنا نلعب برا مثل امس لان البنت الكبيره ماجت اليوم عندنا سلطان:ليه؟ ريم حركت كتوفها بمعنى ماادري سلطان:استاذتك وش اسمها ريم بضحكه حركت كتوفها بـ ماادري : بس حلوه وبكرا تحط لي مناكير سلطان بهدوء:لعبتي امس برا مع استاذتك وقالت بتجي توسي لك مناكير وماجت اليوم لك صح ؟ ريم: ايه سلطان:يعني استاذتك ليان ريم: مااعرف سلطان:طيب هي معك امس لما لعبتي بالحوش وقربت لك حرمه ثانيه؟ ريم وهي تتذكر سكتت شوي وبعدها تكلمت ريم:لعبنا وبعدين جت مره لابس عباة ، وقالت ريم سلطان بصدمه:ايوه ريم:وبعدين جت البنت الكبيره وخانقتها سلطان:والبنت الكبيره هي استاذتك اللي ماجت اليوم؟ واللي قلتي لها باااي بالشارع صح؟ ريم حركت راسها بـ ايه وهي مبتسمه سلطان وكأنه فهم واخذ نفس عرف ان اللي كلمته صادقه ، بس ليش تركت الشغل؟ ومن اللي جت لريم؟ وكأن جت فكره براسه فجأه ونزل ريم وطلع جواله يدور الاسم .. وكأن جت فكره براسه فجأه ونزل ريم وطلع جواله يدور الاسم واتصل ، شوي ورد صوته حاتم: ياهلا ابو ريم سلطان:هلابك ، وينك؟ حاتم:طالع من الدوام رايح للبيت سلطان:ابي اشوفك انا بالبيت ، تمرني او اجيك؟ حاتم:اذا موضوع قوت وتـ. سلطان قاطعه:تجي والا اجيك؟ حاتم:تمام جايك سلطان:انتظرك ، قوت تكلم:مانسيت وعد ، واليوم بسوي اللي تبين وعد:ليش طيب امس اكلمك ماتردين؟ قوت بضيق:لاني امس شفت ريم ، جلست متضايقه مو قادره ارد ع احد وعد:مو شغلتي ، اذا دق يت تردين قوت:تمام وعد بضحكه : شلون عرفتي بنتك بعد سنتين ؟ قوت:ماتغيرت والله بالع** ريم هي ريم احلوت وعد:حلو عشان تكبر وتكمل طريق امها قوت عصبت : ووعد وعد: هههههههه طيب طيب باااي عيني وسكرت قبل تتكلم وقوت عصبت من كلامها ورمت جوالها وقامت ، سلطان سلم عليه:تفضل حياك حاتم:هلا بك ودخل للمجلس وجلس حاتم:وش اللي جايبني عشانه ، عساه مهم سلطان جلس جنبه:مهم بالنسبه لي ، واكيد ماراح تخبي علي شي؟ حاتم:ابشر سلطان:تـ.. وقاطعه صوت ريم داخله:باابا سلطان لف لها وحاتم ابتسم من شافها ومشت لابوها ومعها لعبه ريم:بابا ان**رت سلطان ناظر لحاتم ورجع اخذ اللعبه من ريم حاتم:ريم ريم ناظرت له ببرائه حاتم بضحكه:تعاالي ريم ماتعرفه ومشت له وحاتم شالها وباسها:ياقلبي اللي كبرت ، شلونك ريم:طيبه ، انا ادرس حاتم ضحك وضمها وسلطان زين اللعبه وناظر لريم:خلاص خلصتها خذيها وروحي العبي ريم نزلت واخذت اللعبه وركضت طلعت حاتم:ماشاء الله ياعمري ماتغيرت سلطان ابتسم بهدوء حاتم ناظر له:مو حرام تمنع بنت صغيره من امها سلطان:مو هذا موضوعنا ، حاتم اسألك بالله جاوبني بصراحه حاتم عقد حواجبه سلطان:قوت امس الساعه ١١ الصبح كانت وين ؟ حاتم سكت يتذكر وبعدها سأل:ليه؟ سلطان:جاوب حاتم:كانت طالعه لصديقتها تعبانه سلطان جمدت ملامحه :ماكانت بالبيت حاتم:لا ، ليه؟؟ سلطان عصب وضغط ع راسه :لانها اكيد هي اللي راحت لريم اكيد حاتم بضحكه:لا تظلمها البنت ماتعرف روضه ريم حتى سلطان سكت وهو يفكر شوي ولف لحاتم:مشكور ماقصرت حاتم:العفو سلطان:خلك تتغدا معنا حاتم وقف:لا والله تعبان مابي شي بروح انام سلطان وقف:تمام حاتم ابتسم ومشى وسلطان تن*د وهو يفكر ، قوت ماخافت منه ولا من تهديده؟ حس نار داخله اشتعلت من تذكر انها شافت ريم وضغط ع راسه بقووه وهو يفكر ريم وقوت وليان لو ماكانت موجوده وتركها لشغل والمديره اللي مو مهتمه بالامن معناها هي طردتها ، يبي يعرف وش صار بالضبط ويبي يفهم بهدوء عشان يعرف يتصرف طلع جواله بهدوء وناظر لرقمها وفكر شوي وبعدها اتصل ... ‏ليان كانت توها غافيه ورن جوالها فتحت عيونها بهدوء ، ومدت يدها واخذت جوالها وناظرت للرقم ماعرفته وردت ‏ليان بهدوء:ايوه! ‏سلطان اخذ نفس:السلام عليكم ‏ليان بصدمه ناظرت لجوالها مره ثانيه ورجعت حطته ع اذنها:هلا؟ ‏سلطان:ماعليش اذا ازعجتك ، بس بعرف منك اللي صار عشان اقدر اتصرف ، ولا عندي طريقه غير اني اتصل ‏ليان بصدمه جلست وسكتت شوي وبعدها تكلمت ‏ليان:لاعاد تتصل علي ، مو يعني اتصلت عليك من رقمي تتعذر وتتصل ، وجع ان شاء الله ‏وسكرت وسلطان منصدم ، الحين بعد اللي قاله تقول تتعذر ، رجع اتصل ‏وليان كانت بترجع تنسدح ورن جوالها وشافت الرقم ‏ليان بصدمه همست:يمزح ذا؟ ‏وردت ‏ليان:اخوي بااي زمن عايش؟ والله ماتوا قسم بالله ‏سلطان:عساك تلحقينهم ، وش هالثقه؟ ادق عشان سالفه بنتي مو عشان وجهك الله يق*فك ‏ليان:اولاً عساك انت تلحقهم ، ثانياً الق*ف انت وشكلك ثالثاً واخيراً انا ماني مسؤوله لا عن بنتك ولا عن الروضه الحين ، يلا تقلع ‏وسكرت وسلطان عصب ثاني مره هي تسكر بوجهه رجع بيتصل بس وقف وهمس:الله لايحوجني لك ‏وقام وهو يحاول يهدي نفسه ‏، ‏ليان عصبت وتقلده وهمست:شايب ويعرف لهالسوالف ، خساره شكلك والبدله والله عند عقلك ‏ونزلت جوالها ورجعت تنام ونومها تقاطيع تغفي ١٠ دقايق وتقوم وترجع تغفي وتقوم ‏صارت الساعه ٤ العصر ، تعبت من نومها وقامت منفسه مشت غسلت وصلت وطلعت اخذت جوالها ونزلت وهي تجمع شعرها ‏وقفها فجاءه صوت الحرمه اللي سمعته بالصاله ‏ام ناصر:والله يالعنود ماتردين قلت اجيها احسن اتطمن ‏العنود:ماتقصرين وافيه ، بس تعرفين انشغلت ‏ام ناصر: انشغلتي والا تتهربين؟ ‏العنود:لا ياام ناصر بس الحق ينقال ، الموضوع ذاك ياليت مانفتحه ‏ام ناصر:شلون مانفتحه ، وناصر حالته مايعلم فيها الا الله ، كل يوم يوقف ع راسي ، كلمته اخطبيها ابيها ، وش اسوي بالله؟ ‏ع صوت ليان:لاتسوين شي بس قولي له انا ماني لعبه عنده ‏لفت لها ام ناصر والعنود انصدمت واشرت لها تسكت ‏ليان :لا يمه ليش اسكت ، خليني اتكلم ، مو هذي ام طليقي؟ ماهي غريبه ‏ام ناصر:هلابك يمه ‏ليان بضحكه: تهبين بعد كل اللي سويته بعد تقولين يمه؟ تهبين ‏ام ناصر انصدمت وسكتت وناظرت للعنود والعنود مو اقل منها صدمه ‏ليان:... ‏ليان:ليش منصدمه؟ ليش هالملامح؟ ‏ام ناصر وقفت:شكلي جيت بوقت غلط ‏ليان شهقت وهي تضحك:لا ياجده انتي بالمكان الغلط ، لا جد يعني باأي وجه جايه؟ ‏ام ناصر بهدوء:جايه بصحح الغلط اللي سواه ناصر بس الظـ. ‏ماكملت وليان قاطعتها:ايوه اعترفتي انه غلط ، اخيراً ‏ام ناصر:ناصر يبي يخطبك ويتزوجك ‏ليان قربت لها وهمست بثقه :اعطيته فرصه وهو ضيعها ، واذا تبين الصدق ندمت اني اعطيته الفرصه ذي ، لانه بكل وضوح ، مو رجال ‏ام ناصر انصدمت والعنود عصبت:خلاص ليان ‏ليان ناظرت لامها ورجعت ناظرت لام ناصر وابتسمت:الله يعوضك بالجنه ‏ومشت للمطبخ وام ناصر تنرفزت منها ومشت بدون ماتتكلم وطلعت والعنود متفشله مشت ورا ليان ودخلت للمطبخ ‏العنود بعصبيه:وش اللي قلتيه ياخبله؟ ‏ليان وهي تشرب ماء وتأشر براسها بمعنى ايش؟ ‏العنود:انتي صاحيه؟؟! وش جاك؟ ‏ليان نزلت الكوب:انتي معي والا معهم؟ ‏العنود:معك بس باادب واحترام اللي سويته مو ادب ولا احترام ‏ليان بضحكه استغراب:احترم من يمه؟ احترم ناصر اللي تركني بيوم زواجي؟ والا احترم امه اللي شمتت فيني اقاربنا؟ من احترم يمه؟ فهموني انتم ليش تحسسوني اني انا غلطانه؟ اللي اسويه قليل فيهم والله والله والله قليل ‏العنود:رجع يصحح غلطته ‏ليان ضحكت وبعينها دمعتها تخفيها وماقدرت تتكلم ومشت وطلعت والعنود عصبت ‏العنود:لييييان وش يضحك الحين بالله؟ ‏ماردت ومشت لغرفتها ومن دخلت قفلت الباب ونزلت دمعتها وحست نفسها تحارب لحالها وماحد واقف معها مشت لسريرها ورمت نفسها وانفجرت تبكي بحرقه ع اليوم اللي انتركت فيه وهي عروس وفرحتها اللي كانت معبيه الدنيا انقلبت صدمه ‏، ‏نايف بصدمه:مستحيل ليان تقول كذا ‏العنود:اختك انجنت خلاص ، اليوم تركت الشغل والحين قالت هالكلام لزوجه عمك والله يستر من اللي جاي ‏نايف ضغط ع راسه وتأفف والعنود تناظر له ‏العنود:تكلم معها ، واقنعها تعتذر قبل يدري عمها باللي سوته ‏نايف:شلون بقنعها مستحيل ‏العنود:حاول بس تعتذر ‏نايف بقهر:وهذي وش جابها للبيت بعد ، تدري ان ليان مو متقبلتهم بعد تجي ، تستاهل ‏العنود:وانت بعد؟؟؟ ‏نايف:لا يمه بس مانبي نضغط ع ليان اكثر يكفي اللي فيها ، بعد مانبي نصير كلنا ضدها واحنا ندري ان ناصر راكبه الغلط مو راسه لساسه ، خليها اليوم وبكرا ان شاء الله نتكلم بهدوء ‏العنود ماردت ومشت وخلته وهي تفكر لو عرف عمهم وش بيسوي .. ‏يوم جديد ببيت علي ‏كانوا جالسين يفطرون امل وعلي وسلطان وريم وسلطان ساهي وهو يأكل يفكر بـ ريم ، انه يوديها اليوم لروضه بعد اللي عرفه ‏امل: الصداع اللي كل فتره يجيني ، اليوم زايد ‏علي: مانمتي زين ‏امل:لا والله مانمت ‏علي:عشان كذا ‏امل بهدوء لفت لريم شافتها تأكل وسلطان ساهي ‏امل:يمه سلطان ‏ناظر لها سلطان ‏امل:فيك شي ‏سلطان:لا بس بتروحين مع ريم اليوم؟ ‏امل:لا والله تعبانه يمه ‏ريم:عادي اروح لحالي انا ‏ناظر لها سلطان بضيق وتن*د:اجلسي اليوم مو لازم تروحين ‏ريم بحماس:لا ابي اروح ‏وقامت واخذت شنطتها ‏سلطان حس نفسه مو مرتاح بس وش يسوي مايبي ي**ر حماسها وقام وامل مستغربه منه وشافته لين طلع مع ريم ولفت لعلي ‏امل:من امس وهو ماغير يفكر ، اكيد صاير شي ‏علي: وتعرفينه مستحيل يقول عشان كذا لاتسألينه ‏امل:الله يعين بس اعرفه ‏، ‏سلطان طول الطريق وهو يتكلم ‏سلطان:اذا جت لك حرمه عليها عبايه لاتروحين معها خلك بس مع مدرستك واذا خوفك احد خليها تكلمني وانا اجيك ، واذا احد قال ريم تعالي قولي لا ولاتروحين للي ماتعرفينهم ، زين؟ ‏ريم بضحكه:اايه ‏سلطان:وش قلت عيدي؟ ‏ريم:كثير ‏سلطان:فهمتيه صح؟ ‏ريم:ايه ‏سلطان اخذ نفس وهمس:ان شاء الله ‏، ‏نزلت ليان وتحس راسها بينفجر شافت نايف وامها بالصاله ماتكلمت ومشت للمطبخ وهمست العنود لنايف ونايف فهمها وسكت ، شوي وطلعت ليان معها كوب ماء ومشت لهم وجلست ‏نايف:وعليكم السلام صباح النور ، بخير وانتي شلونك؟ ‏ليان ناظرته بطرف عين وبعدها جلست زين ‏ليان:تفضل خانق عشان اللي قلته امس ، بسرعه عشان نخلص ‏نايف ابتسم:لا تستاهل اللي قلتيه لها ‏ليان ابتسمت من قلب:والله تستاهل ‏نايف حرك راسه بـ ايه وهو يضحك والعنود معصبه بس ماتبي تتكلم وتناظر لنايف بحده ‏نايف:والله لو ع كيفي امسكها هي وولدها واقرب بير ‏ليان بضحكه:انا اقول بنص الربع الخالي ‏نايف:اي والله ‏ليان مبتسمه تناظر له ‏نايف اخذ نفس:بس تعرفين عمي حمد انتي ‏ليان:وهو معهم بعد مسوي علينا رئيس العايله اللي ماتتحركون بدوني ‏نايف:هههههههه بس هو جد كبير العايله ‏ليان ناظرت لنايف ‏نايف:ومانبي مشاكل معه ‏ليان بهدوء:والمطلوب يعني؟ ‏نايف:نبي نعتذر لزوجته ، عشان مانتمشكل معهم ونفتك ‏ليان:تهبى والله مااعتذر لها ‏نايف:بـ. ‏قاطعته ليان : والله ماني بزر تجر الكلام مني ، اعتذار ماني معتذره وكل كلمه تستاهله هي وولدها الدلوع ‏وقامت ومشت شوي وبعدها لفت لنايف ‏ليان:نايف انت سندي لاتصير معهم ‏نايف ناظرها وماتكلم ومشت ليان وتركتهم ‏العنود:شكلي بتكلم انا واعتذر ‏نايف ناظر لامه:يمه ليان واضح من عيونها كانت تبكي .. ‏نزلت ريم وسلطان ناظرها لين دخلت ومشى وهو يفكر بشي يريحه ان قوت ماتقرب لها ، رفع جواله واتصل شوي ورد عليه صوت حاتم ‏حاتم:راضي علينا هالايام كل شوي مسمعنا صوتك ‏سلطان:وينك انت؟ ‏حاتم:بالبيت شوي وبطلع ، فيه شي ؟ ‏سلطان سكت شوي:لي طلب ، ماادري اذا تسويه او لا ‏حاتم:سم ‏سلطان:سم الله عدوك ، لاتخلي قوت تطلع من البيت اليوم ع الاقل الى ١٢ الظهر ‏حاتم استغرب:ليش؟ ‏سلطان:بس ابيك تلبي لي هالطلب ‏حاتم وكأنه فهمه واخذ نفس:طيب ، بس لازم تقولي بعدين ‏سلطان:ان شاء الله ، سلام ‏حاتم:الله معك ‏وسكر سلطان واخذ نفس وكأنه ارتاح شوي

Free reading for new users

Scan code to download app

App Store Google Play

Facebookexpand_more