الحلقة الثامن

1505 Words

ع الاقل هاليوم بس لين يأخذ ريم من الروضه ‏، ‏لجين كانت ترتب مكتبها ورفعت راسها شافت مكتب ليان فاضي وتاففت بضيق ماتعرف احد بالروضه غيرها لما بدت تسولف معها وتتقرب لها وتتعرف عليها راحت ، قطع تفكيرها صوت الباب ولفت شافت فوز دخلت وقامت بسرعه ‏لجين:اهلين استاذه ‏فوز ناظرت لمكتب ليان ورجعت ناظرت للجين ‏فوز:ماجت هذي؟ ‏لجين بااستغراب:لا ماراح تجي ‏فوز:معك رقمها؟ ‏لجين:ايه ‏فوز اخذت نفس: اتصلي عليها خليها تجي ، لاتجيب لنا مصايب ع روسنا ‏لجين بصدمه تناظر لها ‏وفوز لفت وطلعت ولجين ابتسمت من استوعبت واخذت جوالها بسرعه واتصلت ، شوي ورد عليها صوت ليان ‏ليان:هلا ‏لجين: البشاره ، فوز تقول اتصلي عليها تجي ‏ليان بضحكه:اي بشاره وش فيك لجين؟ انا اللي تاركه الشغل مو هي طردتني عشان تفرحين باللي قالته ‏لجين:تمام بس يلا تعالي ‏ليان:لجين عمري مو ناقصه افهمك بعد ، ماراح ارجع نقطه ، يلا مع السلامه عمري بنام ‏لجين همست: طيب ‏وسكرت ومن**ر خاطرها وقامت طلعت من المكتب ونزلت ومشت لمكتب المديره ودخلت ‏لجين:اتصلت ‏فوز:بتجي؟ ‏لجين حركت راسها بـ لا ‏فوز ميلت فمها وماردت وطلعت لجين ووقفها صوت فوز ‏فوز:ادمجي مجموعتك مع مجموعتها لين نلقى لنا حل ‏لجين:تمام ‏ومشت وفوز توترت حست ليان بتجيب ع راسها مصيبه ‏دخلت لجين ع مجموعه ليان ومعها الصغار من مجموعتها وجلستهم مع بعض ‏لجين باابتسامه:وصرت مدرستكم كلكم ‏بنت صغيره من مجموعه ليان ردت:وليان وين ؟ ‏لجين بضحكه:ليان خلاص بتروح لروضه ثانيه ‏الصغار : لااااااا ‏لجين ارتبكت وهي تشوف ملامحهم تتغير وضحكت ‏لجين:يلا نلعب؟ ‏وماتكلموا وماتفاعلوا معها ولجين ابتسمت:تبونا نشغل اناشيد؟ وحده من الصغار:لا نبي ليييان مو انتي نبي ليان ووحده ثانيه بدت تبكي ‏لجين ارتبكت اكثر ما تدري اشلون تتصرف كانت ليان تنقذها بهالمواقف ‏ريم من شافت وحده تبكي بعدت عنهم وخافت وبدت تبكي ‏لجين:لالا ليش تبكون ، بتجي ليان ‏ومشت لهم وهي تتكلم:خلاص بكلمها تجي الحين ‏ومشت لريم : تبين ليان؟ ‏ريم تبكي ‏لجين:تجي الحين والله ، اصبروا بس ‏ومشت لجوالها هي واتصلت وهي مرتبكه ، شوي وردت ليان ‏ليان:ماراح اجي خليني انام ‏لجين:ليان يبكون وش اسوي؟ ‏ليان استغربت:ليش؟ ‏لجين:يبكون يبونك ‏ليان:اهدي ، اسمعي من اللي يبكي بالضبط؟ ‏لجين: ريم وجنى والباقين شكلهم ع طريف ‏ليان:قربي الجوال لريم اول ‏لجين مشت وحظت الجوال قدام ريم ‏ليان: ريم قلبي تسمعيني ‏ريم سكتت وهي تسمع الصوت ‏ليان: لاتبكين بجي انا ان شاء الله والعب معكم بس لاتبكين ‏ريم:الحين تعالي ‏ليان:ان شاء الله بس لاتبكين ‏لجين وهي تشوف ملامح ريم هدت همست بالجوال:وبعطيك جنى ‏ليان: هاتيها ‏وتكلمت مع جنى نفس كلام ريم ولجين ارتاحت من شافتها وقفوا بكى ‏ووقفت وهي تكلم ‏لجين:هدو الحمدلله ، بتجين صح؟ ‏ليان:ماعندي احد يجيبني ، ما اقدر نايف راح شغله ، وبعدين ترا اذا فكرت اجي اجي عشان الصغار مو عشان عجوز قريح ‏لجين بضحكه:ياربي بس ‏ليان:لايبكون انتبهي لهم ، انا مااظن اقدر اجي اليوم ‏لجين:تمام مشكوره ‏ليان:العفو ‏وسكرت وقامت من سريرها وطلعت ونزلت ماشافت احد بالصاله عرفت ان نايف مو فيه ماتقدر تروح ، وجلست وسندت راسها وهي تفكر وابتسمت وهي تتخيل انهم يبكون عشانها ، لو بترجع بس عشان تودعهم بدال ماتختفي فجأه كذا ‏، ‏لجين:خلاص ان شاء الله تجيكم استاذه ليان ، يلا نلعب الحين ‏ريم بدت تهمس بهدوء ماحد يسمعها:ليان ‏توها تعرف اسمها وصارت تردد اسمها وكأنها ماتبي تنساه ‏، ‏حاتم يكلم امه : لاتطلع قوت ، نسيت اقولك بالبيت ‏هدى:ليش؟ ‏حاتم:بعدين اقولك بس حاولي انها ماتطلع من البيت اليوم ‏هدى بتتكلم ع صوت بالدرج وشافت قوت معها عبايتها وشنطتها ‏هدى:هذي هي نازله شكلها بتطلع ‏حاتم:لاتخلينها تطلع قولي حاتم رافض ‏هدى:طيب يلا ‏وسكرت وقوت استغربت:من كنتي تكلمين؟ ‏هدى:حاتم ، انتي وين رايحه؟ ‏قوت تلبس عبايتها:لصديقتي بفطر معها ‏هدى:بس حاتم رافض ‏قوت ناظرت لامها:ليش؟ ‏هدى:ماادري ‏قوت ابتسمت : مااخذت رائيه ‏وعدلت طرحتها واخذت شنطتها وهدى تناديها وماردت عليها وطلعت وخافت تكلم حاتم وتصير مشكله بينهم ماتدري وش تسوي وسكتت عنها ... ‏دخلت قوت لروضه ونزلت عبايتها ، ماتبي اللي مسكتها اخر مره تعرفها ‏مشت بهدوء لغرفه انتظار الامهات ودخلت وجلست بهدوء وطلعت جوالها وهي تشوف رساله رغد لها امس ‏رغد: (حلو اللي سويته امس رديتي الجميل والله ههههه) ‏قوت بضيق نزلت الجوال بدون ماترد عليها ونزلت اغراضها وطلعت ومشت لمجموعات وهي تدور ريم ‏، ‏لجين وهي تلعب معهم جلست بتعب ع صوت جنى الصغيره ‏جنى:طولت ليان متى تجي ؟ ‏لجين ابتسمت: شوي ‏جنى: كلميها يلا الحين تجي يلا ‏ريم: خليها تجي الحين ‏لجين خافت يبكون وابتسمت ورفعت جوالها وكلمتها شوي وردت ‏ليان: ايوه؟ وش صار بعد ‏لجين:يسألون عنك ، ليان قسم بينفجر راسي تخيلي المجموعتين كلهم عندي ماادري من الحق عليه ، شكلي بدخل تحت الطاوله وابكي ‏ليان بضحكه : ياعمر ي بس والله ماعندي احد يجيبني ‏لجين:ارسل لك سواقنا بس تكفين والله انضغطت ، وترا المديره منشغله يعني تجين وتروحين مادرت بك .. ‏ليان:عز الله ماتدري عن شي ، تمام ارسلي سواقكم انا برسل لك الموقع ‏لجين بفرحه : جد؟ ‏ليان:ايه ‏لجين:تمام عمري انتي ‏وسكرت وليان ابتسمت واخذت نفس ، اليوم رسمياً بيكون اخر يوم لها ، وقامت تتجهز ونص ساعه ونزلت وارسلت لها لجين ان السواق عند بيتها ‏مشت للغرفه امها شافتها نايمه وارسلت لها بجوالها انها داومت اليوم عشان تسحب اوراقها وراحت مع سواق لجين ‏وطلعت وركبت مع السواق ‏، ‏بعد ربع ساعه وصلت للروضه واخذت نفس ودخلت وهي تحس باحساس غريب ‏ومشت دخلت ونزلت عباتها بمكتبها واخذت جوالها ونزلت وهي تدعي ماتشوف فوز ‏شافت الحرمه الجالسه ع الكراسي بالساحه الداخليه ‏ليان:عذراً ‏لفت لها قوت وعرفتها من شافتها وجمدت شوي ‏ليان ابتسمت : بغيتي شي؟ ‏قوت بربكه : بنتي هنا وماادري وين غرفتها عشان كذا جلست انتظرهم يطلعون ‏ليان:ايه اليوم صار فيه دمج مجموعات يمكن عشان كذا ضيعتي غرفتها ، بنتك اي سنه وش اسمها ‏قوت سكتت شوي وبعدها ابتسمت: اول سنه ، خلاص انتظرها انا ‏ليان ابتسمت:تمام ‏ومشت للغرفه ودخلت ومن دخلت ليان صرخوا الصغار بفرحه وقاموا يضمونها ولجين ابتسمت ‏وقامت قوت تناظر لهم اول شي طاحت عليه عينها ريم وهي فرحانه وضامه ليان وليان تضحك وجمدت وهي تناظر لهاا ومشت لها بدون ماتحس وتكلمت بفرحه:رييم ماما ، قلبي ريم ‏لفت لها ريم بسرعه وليان لفت لها وهي تناظر لريم وانصدمت من نادت ريم وقالت ماما ، يعني هذي امهااا؟ ‏وقربت ريم والصغار هدوا يشوفونها وريم بعدت بخوف وليان تناظرهم وشافت خوف ريم ومافاتها شي يعني امها عايشه وهي خايفه منها ليش ‏قوت ناظرت لليان ولجين:ماعليش ابي اخذها برا شوي ‏لجين:ايه عادي ‏قوت مشت لها وريم بخوف مسكت تنوره ليان وشدت عليها وعيونها مانزلت من قوت وخايفه ومسكت قوت يدها الثانيه: ماما تعالي معي .. ‏ريم حاولت تسحب يدها وهي تحرك راسها بـ لا وامتلت عيونها دموع ‏ليان ماتحملت ومسكت يد قوت وبعدتها عنها وقوت ناظرت لها مستغربه ‏ليان:البنت خايفه منك ، من انتي؟ ‏قوت تنرفزت:انا امها ماسمعتي يعني ‏ليان: سمعت وشفت هي ماتبي تروح معك ‏قوت ناظرت لريم:ماما ريم ، تعالي ‏ريم حركت راسها بـ لا وقربت لليان ‏قوت تفشلت بس ناظرت لليان بتحدي:ماتقدرين تمنعيني اخذها ، بعدي ‏وبعدت ليان ومسكت يد ريم وسحبتها بقوه وبكت ريم وليان انصدمت ‏ليان بعصبيه مسكت يد ريم وسحبتها بس قوت شدتها وحست ليان انها لو تشد بتوجع ريم وتركتها وبكت ريم اكثر ومشت فيها قوت لبرا ‏وصرخت ليان وهي ماشيه معها:اتركيها ماتبي تروح معك غصب هو ؟ ‏لجين:ليان امها اتركيها ‏ليان ماردت وطلعت مع قوت وتمشي وراها وريم تبكي ‏ليان:اتركي البنت ‏قوت لفت لها:نعم؟ وش تبين ، بتكلم مع بنتي لحالنا ، فكي ‏ليان:بنتك تبكي وهي مسؤليتي الحين ، ودام ريم ماتبي تروح معك ماتقدرين تأخذينها ‏قوت : بأخذها ، ولاتخافين برجعها بس براضيها ‏ليان وهي تشوف ريم تبكي وخايفه مشت قبلها لباب الساحه الداخليه وسكرته وصارت قدامه:ماراح تأخذينها ‏قوت عصبت ورفعت حاجب وصرخت:وين المديره وين المسؤولات ‏ليان تكتفت وهي متكيه ع الباب:لو تصرخين من هنا لبكرا ، البنت ماتطلع معك وهي تبكي وخايفه كذا ‏قوت بتتكلم ع طلعة المديره تركض والاداريات ‏فوز:وش صاير هنا ‏ومن شافت ليان انصدمت ‏ليان:هذي بتأخذ ريم وريم ماتبي ، عشان كذا ماراح تطلع ‏فوز لفت لقوت:انتي وش تصيرين لها ‏قوت وهي تحاول تمسك ريم اللي تبكي وتسحب نفسها ‏قوت:انا امها ، وش هالاسلوب ، بنتي وابي اخذها ‏فوز:اي اكيد لك حق ‏ولفت لليان:ليان وش تسوين انتي؟ بعدي خليها تطلع وابيك بكلمه بعد ‏ليان ع وضعها: ريم ، تبين تطلعين معها؟ ‏ريم وهي تبكي:لا ‏ليان لفت لفوز:اجل مافيه طلعه ‏قوت : ماتعرفين وضعنا ليش تتدخلين؟ ‏فوز عصبت:ليييان وبعدين يعني لازم مشاكل يعني؟ ‏ليان ناظرت لهم بحده:اجل كلموا ابوها قبل تطلع ‏قوت صرخت:وش دخلك باابوها انتي؟ ‏فوز ناظرت لها بحده:هذي امها ‏ليان ماعرفت وش تسوي ورفعت جوالها واتصلت وقوت مو فاهمه شي وسحبت ريم للباب وريم تبكي و

Free reading for new users

Scan code to download app

App Store Google Play

Facebookexpand_more