الحلقة العاشره

1552 Words

نايف قام:ان شاءالله ‏سلطان نزل شاف امه وابوه بالصاله ‏سلطان:يمه ابي اطلع انتبهي لريم لاهنتي ‏امل:وين رايح؟ ‏سلطان:عندي شغل ‏وطلع وامل لفت لـ علي : ياخوفي يكون رايح لقوت ‏علي: مااظن شفتي بدلته عليه ، لشغله ‏امل:ان شاءالله ، خلني اطلع لريم اخاف تقوم وماتلقى ابوها وتبكي يكفي اللي صار لها اليوم ‏علي:ايه لاتقوم لحالها ‏وقامت امل ومشت لدرج وهي مشغله تفكيرها بـ سلطان ‏، ‏قوت تكلم:رحت لها بس قسم بالله يارغد نزلت علي مصيبه كنت بنتهي ، كلها بسبب وحده الله لايبارك فيها ‏رغد:وش صار؟ ‏قوت:كنت بأخذ ريم بس فيه مدرسه وقفت لي بالبلعوم وكلمت سلطان وجاء ‏رغد:بالله؟ ‏قوت:رغد وش لي عندك؟ ‏رغد:ع حسب ‏قوت:هالبنت بخليها تندم ع اللي سوته معي ومع بنتي وواضح انها تكلم سلطان وتعرفه ، ياقلبي رغد تسوين هالشي لي؟ ‏رغد بضحكه:وش نوع الانتقام ‏قوت:ينهي مستقبلها ويكره سلطان فيها ‏رغد:هههههههههه ياحلو ياغيور ‏قوت:قهرتني والله ‏رغد:تمام تمام ، ارسلي لي معلوماتها اللي تعرفين وانا اشوف لك طريقه تشفين غليلك فيه ‏قوت بضحكه:تماام ‏رغد:اليوم البنات مجتمعات ، تجين؟ ‏قوت: مااظن ، اليوم مسويه البنت الحزينه عشان هالسالفه تمشي ‏رغد:هههههههههههه يالله ، طيب طيب سلام ‏قوت:سلام ‏وسكرت وهي مبتسمه وماتشوف بين عيونها غير ليان واللي سببته لها ‏، ‏بعد ساعه رن جرس بيت نايف ونايف كان جالس مع امه واخذ نفس وقام والعنود واضح ارتبكت بس تهدي نفسها بكل اللي تقدر عليه ومشى نايف للباب وفتحه ‏ومن شاف ناصر جمدت ملامحه ورفع حاجب ‏حمد: السلام عليكم ‏نايف ناظر لعمه:هلا عمي وعليكم السلام تفضل ‏حمد ابتسم ودخل وناصر بيدخل ووقف قدامه نايف ‏نايف:انت هالبيت يتعذرك ‏حمد لف لهم وناصر رفع حاجب ‏ناصر:افا يانايف ‏نايف:اللي سمعت ‏حمد:نايف ، الموضوع اللي جايين عشانه ناصر له دخل فيه خله يدخل ‏نايف وهو يناظر لناصر بحده : اعدرني عمي ، هالبيت بيتي وانا ماني مستقبله فيه ‏ناصر عصب وبان ع وجهه ‏حمد: خلاص ناصر انتظرني بالسياره وانا اجيك ‏ناصر وهو يناظر لنايف بحده ونايف يناظر له بهدوء لف عنه ومشى ونايف سكر الباب ولف لعمه:تفضل ‏ومشى حمد ودخل للمجلس ونايف معه .. ‏سلطان كان جالس بمكتبه ع طقه الباب ‏سلطان:تفضل ‏ودخل تركي:ماخلص دوامك انت ليه للحين جالس؟ ‏سلطان وهو يقطق بالجهاز:جالس ادور معلومات بصورها ‏جلس تركي قدامه : وشي هي ؟ ‏سلطان ناظر لتركي:صار وقت اهل طليقتي يعرفون كل شي ويفكوني منها ‏تركي:صاحي انت؟ ‏سلطان:ايه صاحي ، اليوم بكل جرأه جايه بتأخذ ريم من الروضه وهذا فوق تهديدي لها بعد لولا الله ثم معلمه كانت عندهم وقفت بوجهها ولا كان اخذت بنتي ‏تركي:سلطان لاتستعجل اللي بتسويه ماهو من مصلحتك ولا من مصلحه بنتك ‏سلطان ناظر له:وش اسوي؟ اجلس انتظرها تأخذ ريم؟ وانت اكثر واحد تعرف وش يعني اذا اخذت ريم وش بيصير ‏تركي: واكثر واحد اعرفك واعرف خوفك ع ريم ، سلطان ادري ان ريم روحك بس ماتأصل انك تفضح امها ، متخيل وش بيقولون الناس عنها اذا كبرت؟ لا تقول لي بس اهل امها بيدرون ، لا بكرا بيتزوجون اخوانها وحريمهم بيدرون ويجيبون عيال وهالعيال بيدرون وماتدري اذا هالولد بيستر ع بنتك او لا سلطان فكر بمستقبل ريم ‏سلطان ناظر له ‏تركي:لاتستعجل وخل هالسر بينك وبين ربك ولاتفضح احد ‏سلطان تن*د:وشلون بستأمن ع ريم؟ ‏تركي:مو تقول معلمه وقفت بوجهها؟ جيب رقم هالمعلمه وفهمها كل السالفه بدون فضيحه ام ريم وخلها تنتبه لبنتك بالروضه وانتهينا ‏سلطان : رقمها معي بس لو بكلمها بتفهم غلط ‏تركي:هههههه ليش متزوجه هي ؟ ‏سلطان بهدوء:ماادري امي تقول شكلها توها متوظفه ، بس تكلمت معها كم مره لو متزوجه مااظن ردت المره الثانيه وتخلي زوجها يرد ، ماادري ماادري شوف وش نتكلم عنه بعد ‏تركي:ههههههههههه فيها مكالمات اجل الله ياسلطان وين راح القديم ‏ناظر له سلطان :للحين موجود ماراح ‏تركي كاتم ضحكته:تمام ‏، ‏حمد:وينها اختك ماتجي تسلم؟ ‏نايف:اليوم مداومه وراجعه تعبانه ‏حمد:وين تداوم ‏نايف:بروضه قريبه من هنا ‏حمد:الروضه الـ.. ‏نايف:ايه ‏حمد: ماشاءالله ، وامك؟ ‏نايف:داخل بتـ. ‏ماكمل ع طق الباب ‏العنود وهي متغطيه:سلام عليكم ابو ناصر ‏حمد:هلا هلا ام نايف شلونك ‏العنود:الحمدلله بخير بشرني عنك ‏حمد:الحمدلله ، اجل دامكم تجمعتوا بقولكم اللي جاي عشانه ‏العنود جلست جنب نايف وهي تنتظره يتكلم ‏نايف:اسلم ‏حمد ابتسم:انتم امانه اخوي عندي وانا ماابي احد منكم محتاج شي ، ولا ابي ليان تحتاج الا اخوها وعمها سندها ‏نايف استغرب ‏حمد:والغلط اللي سواه ناصر رجع ويبي يعدله وطالب يد ليان وانا اشوف البنت مالها الا ولد عمها ‏العنود بصدمه ماتكلمت ونايف رفع حاجب ‏حمد:وهالشي يرضيكم ويرضينا ‏نايف:ع اي اساس تقول يرضيكم؟ ‏حمد ناظر لنايف ‏نايف:ليان ماتبي ناصر ‏حمد بضحكه:ليه من متى البنت لها راي؟ ‏نايف تنرفز من عمه:ليان ماتبي ناصر ماهو بالغصب ‏حمد:انا ماافهم بهالكلام ، ولد عمها وطالب يدها وعمها براسه جاي يخطبها ، الاصول توافق انت يانايف والباقي مو مهم ‏نايف بعصبيه ناظر له وحمد يناظر له ببرود وتكلم نايف بحده:ولد عمها اللي تتكلم عنه ، تركها قبل يوم زواجها وتراجع وفضحنا ، ولد عمها اللي تتكلم عنه طلع ليان بصوره ماهي زينه قدام العالم وتكلمو عنها ، ولد عمها اللي تتكلم عنه طلقها ولا قال لنا السبب ، هذا ولد عمها ياعمي ‏حمد بعصبيه:اكيد له اسبابه وهو راجع يصلح اغلاطه ‏نايف:وليان قالت كلمه وحده بس ، لا ‏حمد ناظر له بحده:ليان مالها الا ناصر وان ماخذته ماراح تأخذ غيره ‏نايف ابتسم:ياليت تعرف وش تقول قبل تقوله عشان ماتندم بعدين ، وقبل تطلع من هالباب بقولك كلمتين بس ، ليت ابوي ماوصاك علينا من قبل ٢٠ سنه دام هذا كلامك ، وترا هالبيت فيه رجال مايحتاج تسوي فيه ولي الامر ‏حمد تنرفز ووقف:يطردني ولدك يالعنود وساكته ‏العنود ماتدري وش تقول ساكته وماتبي تتدخل وتقاطع نايف ووقف نايف ‏نايف:ماطردتك بس اللي جاي عشانه جاك رده ، ودام خلصت سالفتك اكيد تبي تمشي ‏ناظر له حمد بحده وهمس:خلك قد كلامك ‏ومشى ونايف مارد وهو يشوفه لين طلع وض*ب الباب بعده بقوه ولف نايف للعنود وض*ب يدينه ببعض بضحكه:افتكينا منه ‏العنود:الله يهد*ك ، والله اني خايفه يسوي شي ‏نايف:مايقدر لاتخافين والله مايقدر يسوي شي ‏العنود:ان شاءالله ‏، ‏سلطان وهو جالس بمكتبه ومندمج بشغله وتركي قدامه يطقطق بجواله ‏ع رنه جوال سلطان ولف شاف رقم اميره وابتسم ورد ‏سلطان:هلا وغلا ‏اميره:هلابك ، بسرعه ابي اللي صار من الالف للياء ، عجزت اصبر من قالت لي امي ‏سلطان:هههههههههههه وينك انتي؟ ‏اميره:ببيتي ‏سلطان:اجل انا مشتاق للعيال ، ساعه وامرك ‏اميره:تنورنا ، ننتظرك ‏سلطان:نوركم ‏وسكر وناظر لتركي ‏سلطان:انا خلصت بطلع ‏تركي مندمج بجواله مارد ‏سلطان : تركي ‏لف به تركي:هاه ‏سلطان:بطلع ‏تركي:احد ماسكك؟ ‏سلطان:ايه انت بمكتبي ‏تركي:الله والمكتب اللي بسرقه ، اقول بس ‏سلطان بضحكه:يعني بتجلس فيه؟ ‏تركي:ماراح اطلع شوي ‏سلطان قام:زين اذا طلعت سكر الباب ‏تركي مارد وهو يطقطق بالجوال وابتسم سلطان وطلع من القسم وركب سيارته ومشى ، ع وقفه سياره حاتم نزل ومعصب مشى بسرعه لداخل ومشى لمكتب سلطان وفتحه بسرعه ولف له تركي بااستغراب ‏حاتم بعصبيه:الحيوان وينه ‏حاتم عقد حواجبه وقام:نعم؟ ‏حاتم مارد ورجع وهو يتكلم بصوت عالي:سلطان وينه ‏طلع له تركي:انت ماانت في الشارع انت بقسم شرطه ‏حاتم لف له:سلطان وينه؟ سؤالي واضح ‏تركي:ماهو موجود طلع ‏حاتم ناظر له بحده ومشى وتركي استغرب ورجع للمكتب واخذ جواله واتصل ، شوي ورد سلطان ‏سلطان:هلا ‏تركي:جاء واحد ع ماطلعت معصب يبيك ‏سلطان بااستغراب:من؟ ‏تركي:ماادري بس واضح معصب ، انتبه ‏سلطان سكت شوي:طيب ان شاء الله ‏وسكر ونزل جواله ، وهو يفكر من بيكون جايه معصب ‏، ‏ناصر بعصبيه:مووو ع كيفه نايف يقرر ليان توافق او لا ‏حمد:اقصر صوتك لاترفعه قدامي ‏ناصر:يبه انت راضي ع اللي يصير ‏حمد:لا ماني راضي بس قلتها ، اذا مااخذتها انت ماراح يأخذها احد وانا عند كلمتي ‏ناصر:كفو ، ولو رفضوا اخذها بتجلس ع قلوبهم ومايأخذها احد ‏حمد تن*د وهو يتذكر كلام نايف وثقته ، ماتوقع ابد بيوم ي**ر كلمته نايف ويقول له هالكلام وهو يعتبره مثل ناصر ولده ، وعشان من عشان ليان؟ ‏، ‏رن الجرس وبسرعه فتحت اميره ‏اميره بضحكه:طولت ‏سلطان ابتسم:خليني اسلم طيب ‏اميره:هههههههه وعليكم السلام ، يلا تعال ‏سلطان دخل ومشى معها للمجلس ‏اميره:تفضل اجلس وقبل القهوه قول لي ‏سلطان جلس:مااعرف اسولف الا اذا تقهويت ‏اميره اخذت القهوه وصبت له:يلا قول ‏سلطان اخذ منها الفنجال وصار يتقهوى بهدوء واميره تناظر له متحمسه ‏ومن ناظر لها ضحك ‏سلطان:ليه كل هالحماس طيب؟ ‏اميره:قول يلا ترا شوي واموت ‏سلطان ابتسم:طيب عشان ماتموتين ، ماصار شي ‏اميره ناظرت لسقف:يالله الصبر يارب ‏سلطان بهدوء:تعرفين المعلمه ليان اللي بروضه ريم ‏اميره : لجين قصدك؟ ‏سلطان:لالا ليان ‏اميره تفكر:الظاهر اني سمعت اسمها ، بس ماهي مدرسه ريم ‏سلطان:لا هي معلمه ريم ، يمكن نقلتها عندها او صار تغيير المهم انها هي معلمتها ‏اميره سكتت تتذكر ‏سلطان:المهم انها وقفت بوجه قوت اليوم عشان ماتأخذ ريم الحمدلله انها فاهمه ‏اميره تناظر له شوي وبعدها ضحكت:ايه تذكرتها ، اول يوم لما رحت مع ريم تذكرت اعلنوا اسامي المعلمات والمجموعات معهم ، صح صح قالوا ليان ، ليان الـ.. ‏سلطان اختفت ابتسامته من قالت اسم عايلتها واميره استغربت ‏سلطان:الـ....؟؟؟ ‏اميره:ايه وش فيك ‏سلطان بصدمه ماتكلم ..

Free reading for new users

Scan code to download app

App Store Google Play

Facebookexpand_more