Pagbaba niya ng hagdan ay naririnig na niya ang boses ni Marco na kausap ang kanyang Mama. Nakatalikod ito sa may pinto ng kusina kaya hindi siya nito nakita agad.
Nakasuot ito ng sandong kulay navy blue, at short na may design na coconut tree, lalaking lalaki itong tingnan at matipuno ang katawan, minsan talaga ay hindi niya maiwasang mawala sa sarili at pagpantasyahan ito. Para na naman siyang na hypnotized sa taglay nitong kagwapuhan.
“ Biik, ready na ako tara alis na tayo.”
Napalingon ito ng bigla siyang magsalita napatitig ito ng matagal sa kanya. Ilang beses na niyang napapansin ito, simula ng magsuot siya ng damit pang babae ay lagi na itong napapatitig ng matagal sa kanya. Pero alam naman niyang wala naman iyon kay Marco siguro ay hindi lang ito sanay na nakasuot siya ng mga ga
