Katulad ng napagkasunduan, maaga pa lang ay sakay na ng bangka na maghahatid sa kanila sa kabilang isla sina Luther, Salve at Darwin.
Abot-abot ang dasal ni Salve na sana ay magawan nila ng paraan na mailigtas si Cassie. Kagabi lang ay hindi siya nakatulog kakaisip sa kaniyang alaga.
"Alam ko na kung sino ang makakatulong sa atin," mula sa kawalan ay sabi ni Salve.
Napabaling naman ang atensiyon ni Luther at Darwin sa kaniya.
"Sino ang taong tinutukoy mo, Ate Salve?" tanong ni Luther.
"Ang Tita Celeste at Tito Miguel ni Cassie. Sila ang tumulong noon kay Cassie para makatakas, sila rin ang nagpadala sa alaga ko sa Califoria para magtago, at ang tinitirahan namin sa Isla Virginia ngayon ay pag aari rin nila. Hindi ko alam kung sa mga panahong ito ay nabalitaan na ba nila na nakabalik
